أرجو المساعدة بيجو 206 موديل 2000

**sameh_qa** · 25-05-2008 12:01 AM

السلام عليكم ورحمة الله وبركاته
أنا مهندس مصرى مقيم بأحدى دول الخليج وأمتلك بيجو 206 موديل سنة 2000 ونظراً وللأسف لعدم معرفة دول الخليج بعيوب أو حتى أصلاح سيارات البيجو فأريد بالله عليكم من أصحاب الخبرات مساعدتى فى هذه المشكلة

المشكلة هى أنى كلما زادت عندى السرعة عن 50 يبتدى الجير لايعمل وتظهر عندى 2 لمبة بالأضاءة على التوالى ( اللمبات اللى فى الطبلوه واحدة مكتوب عليها حرف S والثانىية علامة العجلة ) وبالتالى الجير لايعمل ويبدأ عداد ال Rpm بزيادة سرعته دون الانتقال الى الغيار التالى مع العلم أنها جير أتومتيك
ورحت عند الورشة تبع البيجو ( الله لا يجازيها خير ابدا ) قالت لى أن السيارة تحتاج الى تغيير الجير كامل وهذا يتكلف ما لايقل عن 8000 ريال ولكنى متأكد ان الجير سليم وأن فى مشكلة تانية مثل الكهرباء أو تنظيف الجير ( لا أعرف )
الرجاء من أصحاب الخبرات مساعدتى .

**mohamed ibiza** · 25-05-2008 12:07 AM

الله يعينك بص انا سألت الميكانيكي بتاعي في حاجة زي كده فتيس اوتوماتيك برضه قالي ان الفتيسات الاوتوماتيك بتاعت اليومين دول عيبها ان لما حاجة بتبوظ فيها بيتغير الفتيس بالكامل مش بيتصلح هو ده عيب الاوتوماتيك بتاع اليومين فممكن يكون تشخيصهم صح مش غلط............و الله اعلم

**mohamed ibiza** · 25-05-2008 12:09 AM

و موضوع تنظيف الجير ده مش سبب ان الجير مينقلش تماما

**sameh_qa** · 25-05-2008 01:05 AM

يعنى فعلا فى أحتمالية أن الجير فعلا يكون باظ

**mohamed ibiza** · 25-05-2008 01:06 AM

ممكن بس مش اكيد بس في الفتيسات اللوتو الجديدة دي اه لان اغلبها بينقل بالكهربا و لما بيبوظ مش بيتصلح

**dr_3eshoo** · 26-05-2008 02:04 AM

طب يا باشا هاطلب منك طلب
قولي العربيه اكتر سرعه بتجيبها كام
طب انت بتسمع صوت تكسير في الفتيس و انت ماشي ولا ايه
الكهرباء هيا انجكشن ولا كربيراتير
و غيار زيت الفتيس انت بتعمله ولا لا تنضيف الجير دي اول مره اسمع عليه

**sameh_qa** · 26-05-2008 07:28 PM

متشكر جدا يا أستاذ dr_3eshooعلى اهتمامك
اولا اقصى سرعة للسيارة 90 كم
ثانيا مافيش صوت تكسير فى الفتيس وانا ماشى
ثالثا معرفش بصراحة الكهرباء انجكشن ولا كربيراتير ( وعذرا عشان انا ضعيف فى موضوع العربيات ده )
رابعا سألت على موضوع اغيير زيت الفتيس والوكالة قاللتلى ان مافيش تغيير لزيت الجير او الفلتر بتاعها وهى مصممة على هذا الاساس
وكمان عايز اقولك على حاجة تانية انا شغلت المكيف النهاردة عندى ومعملتش موضوع زيادة الـ RPM ده ومشيت عادى
مش عارف بقى يبقى كده الجير عطلان ولا ايه بالظبط ياريت تفيدنى

**dr_3eshoo** · 27-05-2008 01:25 AM

ازاي زيت فتيس مش بيتغير في اتوماتك
طب هاقولك على حاجه حلوة اوي
افتح الكابوت و دور العربيه و ارفع الهاند بريك على الاخر و ادي نقله r و شوف مقياس زيت الفتيس هتلاقيه ادام مش مقياس زيت المتور ماشي شوف كده و ممكن يكون عاوز يتزود دي حاجه
العربيه 206 بتهيقلي انجكشن لانها موديل حديث لو كده شوف حد متخصص في كنترول العربيه يكشف عليه
جرب موضوع الزيت ده و رد عليا

**mohamed ibiza** · 27-05-2008 06:37 PM

المشاركة الأصلية كتبت بواسطة dr_3eshoo

ازاي زيت فتيس مش بيتغير في اتوماتك
طب هاقولك على حاجه حلوة اوي
افتح الكابوت و دور العربيه و ارفع الهاند بريك على الاخر و ادي نقله r و شوف مقياس زيت الفتيس هتلاقيه ادام مش مقياس زيت المتور ماشي شوف كده و ممكن يكون عاوز يتزود دي حاجه
العربيه 206 بتهيقلي انجكشن لانها موديل حديث لو كده شوف حد متخصص في كنترول العربيه يكشف عليه
جرب موضوع الزيت ده و رد عليا

كلام مظبوط شوف قياس زيت الفتيس و هي اكيد انجكشن طبعا بس معتقدش ان مستوي الزيت الناقص يسبب ان الفتيس مينقلش يعني المرسيدس معانا بتاخد 10 كيلو زيت فتيس كان فيها 2 كيلو لما جت يعني 8 كيلو ناقصين و الفتيس كان بينقل بس مكانش مظبوط طبعا اعتقد الجير فيه حاجة بس مش اكيد برضه و موضوع ان زيت الفتيس مش بيتغير اديله بالبوكس اللي قالك كده معتقدش ان عربيات ببيجو هتكون اكثر تعقيدا من المرسيدس و تفاصيل المرسيدس انا موضوع فلتر زيت الفتيس احب اقولك ان فلتر زيت الفتيس بيتغير و الزيت بيتصفي و يتحط غيره كمان انا في المرسيدس غيرت فلتر زيت الفتيس و غيرت الزيت كمان اللي قالك كده كلامه مش سليم يعني ايه الزيت مش بيتغير افرض يا اخي الزيت بقاله 10 سنين في العربية و عايز تغيره مينفعش مستحيل الكلام ده ده يبقي عيب في العربية و معتقدش ان بيجو تنزل عربية كده يعني دي تبقي مهزلة منها بس انا عايزك تخلي حد يكشفلك علي الجير لو باظ يبقي عوضك علي الله و هيتغير بالكامل لو كان نقص الزيت يسبب عدم النقل يبقي زوده لكن معتقدش ان النقص يسبب عدم النقل هو يسبب صعوبة انما متنقلش خالص معتقدش الكلام ده صح