عايز احس بفرق فى الاضاءه و عايز اركب وحده رفع

انا عربيتى الحمد لله داي جوليت 1 مو 2000
ركبت كشافات جديده و غيرت اللمض جبت 200/ 120 و ركبت كمان كتاوت عليها بس ما حستش باى فرق خالص
و كنت عايز اغير اللمض و اجيب التنجسرام او الفيلبس الرالى و انه اقوى و احسن علشان انا معظم سواقتى ليليه و عايز كمان اجيب ال muti super bright led ال 14 لمبه بس اجيبهم من فين فى التوفيقيه هما و التنجسرام او الفليبس

و يا تراا ممكن اركب حده رفع للعربيه ولا لآ لان سمعت انها ممكن تبقى حمل على العربيه و على الموتور لو ينفع يبقى اركب نوع ايه و يعمل كام انا عندى العربيه 4 زجاج كهرباء عايز اركبها قدام و فى الخلف و اجيبه من فين فى التوفيقيه

و انا ان شاء الله نازل بكره و اسف على الاطاله
شكراا

انا اقدر افيدك فى موضوع وحدات الرفع
عندك نوع اسمه غريب اللى راكب عندى فى عربيتى بقاله 3 سنين ولسة الحمدلله شغال
دة المكنة الواحدة ب40-45 جنيه
اعتقد فى احسن بس النوع دة مقالش لا معايا الصراحة
حضرتك هتشترى مكانتين بما انك عندك 4 زجاج كهرباء لا المكنة بتشغل 2 زجاج
بالتوفيق يا غالى

بص يا باشا..موضوع النور مالوش دعوة بتغيير اللمض وكتاوت وكدا..دي افتكاسة صنايعية..وإلا كان الخواجة نزلها فابريقة..الفكرة إن النور محتاج ظبط..اي فانوس بيبقى في رجلاش افقي (شمال ويميت) ورجلاش رأسي (فوق وتحت) وطبعا ظبط النور له مواصفات مش اي كلام برضة..في مصر لازم النور اليمين يبقى اعلى من الشمال زي الصورة التالية على الحائط
http://www.thelurch.com/multimedia/18_04_2005_light.jpg

http://dziuggy.com/bike%20stuff/cutoff.jpg

والمفروض دي الفرشة الصح على الأرض

http://upload.wikimedia.org/wikipedi...nd_traffic.svg
http://site.k2motor.com/buyers_guide/new-low-beam1.png

شكراا يا Kendafawzy
و شكراا يا ecybrarian
بس ازاى اظبط الرجلاش

بص يا باشا، انا ماعرفش تحديدا فوانيس السينا رجلاشها فين..لكن عموما اي فانوس عربية بيبقى فيه مسمارين رجلاش افقي ورأسي..افتح الكبود نهارا وبص كويس على الفانوس لازم هتلاقي المسمارين دول وهايبقى مكتوب في حتة حواليهم اتجاه الرجلاش up - down or left -right واحيانا L-R وU-D

شكراا لزوقك و رد حضرتك بس هى العربيه اللى معايا دلوقتى الجوليت

بسم الله الرحمن الرحيم
الله ينور

اقتباس:

---

المشاركة الأصلية كتبت بواسطة ehabomar1987

شكراا لزوقك و رد حضرتك بس هى العربيه اللى معايا دلوقتى الجوليت

---

ههههههه انا جبت السينا دي من اين؟؟ اه افتكرت اصل في واحد صاحبي عنده سينا سألني نفس السؤال يومها..اعذرني معلش

هههههههههههه و لا يهمك يا باشا

انا بردو عايز اظبط الاضاءه عندي
سألت واحد كهربائي قالي ممكن تركب لمض هالوجين او النيون البيضا مع كتاوت وهيبقي الاضاءه تمام
بس الليله دي هتعدي ال 150 جنيه بالمصنعيه ف قولت اكمل واجيب زينون احسن بقي

اقتباس:

---

المشاركة الأصلية كتبت بواسطة Amrgamal1

انا بردو عايز اظبط الاضاءه عندي
سألت واحد كهربائي قالي ممكن تركب لمض هالوجين او النيون البيضا مع كتاوت وهيبقي الاضاءه تمام
بس الليله دي هتعدي ال 150 جنيه بالمصنعيه ف قولت اكمل واجيب زينون احسن بقي

---

انا مركب فيلبس crystal-vision ام نور ابيض كلفتني اكتر من 400 جنيه (اربع لمض عالي وواطي)..نصيحة لو عايز نور ابيض يبقى خليك في الزينون من 4000 إلى 6000 كلفن وممكن 8000 بس مش اكتر..النور الهالوجين الابيض مش تمام مهما قالوا عنه..الاصفر في الهالوجين برقبته

عندك لمبات اوسرام نايت بريكر ممتازة
ولو عايز وحدات رفع الولف راكبة عندى وشغالة تمااااااااااااااام

اقتباس:

---

المشاركة الأصلية كتبت بواسطة ecybrarian

انا مركب فيلبس crystal-vision ام نور ابيض كلفتني اكتر من 400 جنيه (اربع لمض عالي وواطي)..نصيحة لو عايز نور ابيض يبقى خليك في الزينون من 4000 إلى 6000 كلفن وممكن 8000 بس مش اكتر..النور الهالوجين الابيض مش تمام مهما قالوا عنه..الاصفر في الهالوجين برقبته

---

الهالوجين الابيض مش تمام ليه ؟ ضعيف يعني ؟
والزينون ال 6000 بكام ؟
شكراا

طب لو حابب اركب زينون يكون نضيف و يستحمل و يعيش و مايكونش غالى و اهم حاجه انه ما يئزيش اللى قدامى ممكن اجيب ايه و من فين و ياريت لو السعر كمان

الزنون المبة الواحدة في حدود 300 الي 350
اما العالي وواطي مع بعض 500 الي 550
و ده ال 8000

طب ده نوعه ايه و ما فيش حاجه ارخص من كده

اقتباس:

---

المشاركة الأصلية كتبت بواسطة ecybrarian

..في مصر لازم النور اليمين يبقى اعلى من الشمال زي الصورة التالية على الحائط
http://www.thelurch.com/multimedia/18_04_2005_light.jpg

http://dziuggy.com/bike%20stuff/cutoff.jpg

والمفروض دي الفرشة الصح على الأرض

http://upload.wikimedia.org/wikipedi...nd_traffic.svg
http://site.k2motor.com/buyers_guide/new-low-beam1.png

---

انا مغير فوانيس لعربيتى فيها لينسات وفعلا عندى النور زى الصوره الاولى كده ( اليمين اعلى من الشمال )

مش خط واحد وكنت فاكر انه كده لازم اظبط رجلاش بس قلت لما اركب زينون
بس انا بلاحظ اى عربيه بلنس بيبقى النور بتاعها خط واحد مش زى عندى

ومعلش يا باشا صدعتك ليه لازم فى مصر النور اليمين يبقى اعلى من الشمال ؟!! :)

فعلا انا عندي بردو النور اليمين اعلي
وانا مركب زينون علي فكره
ولينس بردو

كنت شفت فيديو عاليوتيوب بس كان الزينون علي خط واحد
اشمعني احنا يعني اليمين اعلي من الشمال


هل في هذا دلاله واضحه علي ان الحال مايل عندنا ؟
:)

اقتباس:

---

المشاركة الأصلية كتبت بواسطة wael ahmed

ومعلش يا باشا صدعتك ليه لازم فى مصر النور اليمين يبقى اعلى من الشمال ؟!! :)

---

اقتباس:

---

المشاركة الأصلية كتبت بواسطة FunnyMickey

فعلا انا عندي بردو النور اليمين اعلي
وانا مركب زينون علي فكره
ولينس بردو

كنت شفت فيديو عاليوتيوب بس كان الزينون علي خط واحد
اشمعني احنا يعني اليمين اعلي من الشمال


هل في هذا دلاله واضحه علي ان الحال مايل عندنا ؟
:)

---

هو اليمين عالي في كل الدول إللي الدريكسيون فيها شمال..والعكس لما يبقى الدريكسيون يمين لسببين: اولها إن اليفط المروروية بتبقى على يمين الطريق وعالية، وعلى فكرة ارتفاع اليافطة من على الأرض دا معياري برضه standard...ثانيها إن النور مايضربش في عين السواق إللي جاي في وشك..علشان كده ماتلاقيش عربية حديثة نورها يضايقك في الطريق

خليني برضه اقول لكم إن مش ضروري لما النور اليمين يكون اعلى من الشمال يكون النور مظبوط بصفة عامة...يعني: النور اليمين لازم يكون اعلى من الشمال ولكن ممكن يكونوا الاتنين عايزين يطلعوا فوق شوية او ينزلوا تحت شوية

اما بقى موضوع الزينون دا فأنا مادرستوش لسه..بس انتم متأكدين إن النور الزينون إللي على خط واحد دا مش على عدسات؟؟؟

علي عدسات طبعا ياباشا
وبالتالي لما جيت اظبط عندي وانا مركب عدسات
طلعت عين ام الكهربائي عشان يخليه علي خط واحد
وانا اقوله ياعم لازم يبقي خط واحد
وهوا حيعيط ويقولي ياباشا والله اخره كده
:)

الله ينور عليكوا:S_thum1[1]:

اقتباس:

---

المشاركة الأصلية كتبت بواسطة ecybrarian

هو اليمين عالي في كل الدول إللي الدريكسيون فيها شمال..والعكس لما يبقى الدريكسيون يمين لسببين: اولها إن اليفط المروروية بتبقى على يمين الطريق وعالية، وعلى فكرة ارتفاع اليافطة من على الأرض دا معياري برضه standard...ثانيها إن النور مايضربش في عين السواق إللي جاي في وشك..علشان كده ماتلاقيش عربية حديثة نورها يضايقك في الطريق

خليني برضه اقول لكم إن مش ضروري لما النور اليمين يكون اعلى من الشمال يكون النور مظبوط بصفة عامة...يعني: النور اليمين لازم يكون اعلى من الشمال ولكن ممكن يكونوا الاتنين عايزين يطلعوا فوق شوية او ينزلوا تحت شوية

اما بقى موضوع الزينون دا فأنا مادرستوش لسه..بس انتم متأكدين إن النور الزينون إللي على خط واحد دا مش على عدسات؟؟؟

---

انا قولت كده برضه ..... بس عامة الزينون اللى على عدسات بيبقى جامد جدااا وبالذات ال 4300 بيبان تحت نور العمدان العقيمه اللى واحد مبيشوفش منها حاجه :)

اقتباس:

---

المشاركة الأصلية كتبت بواسطة funnymickey

علي عدسات طبعا ياباشا
وبالتالي لما جيت اظبط عندي وانا مركب عدسات
طلعت عين ام الكهربائي عشان يخليه علي خط واحد
وانا اقوله ياعم لازم يبقي خط واحد
وهوا حيعيط ويقولي ياباشا والله اخره كده
:)

---

ههههههههههههه والله انت عسل يا ميكى
وفى الاخر ظبطوا بقى ولا لأ ؟!!
علشان انا برضه كنت عايز اظبطه بس الكهربائى معرفش :))

90% من الزينون اللى موجود فى السوق دلوقتى صينى يا باشا