عرض للطباعة
العربية بتعتي موديل 1990
المشكلة
جالي تعب في مفاصل الكوعين (تنس ألبو) من سنة وأتعالجت
من أيام الثورة أبتديت أركن في جراش تحت الارض مليان أعمدة ومسافات ضيقة
بأضطر أعصر الدريكسيون 4 أو 5 مرات علي الاخر علشان أركن وزيهم علشان أطلع
فكوعي رجع يوجعني والدكتور قلي الحل الوحيد عدم أجهاد المفصل
فهل في طريقة أخلي الدريكسيون خفيف في اللف وهي وقفة؟؟؟؟؟؟؟؟؟؟؟؟
علي فكرة وهي بتتحرك الدريكسيون مش تقيل
حضرتك ممكن تعمل ايه تعلق العربية علي الدبرياج كإنك هتبدأ تتحرك هتحس ان العربية اترفعت سنة من قدام والدركسيون يخف انا عندي نفس المشكلة في 132 وكمان معنديش باور فبعمل كده عشان العربية تخف من قدام وهية واقفة واقدر اعصر بس العملية دي المفروض متخدش ثواني لحد متعصر عشان اسطوانة الدبرياج متهلكشاقتباس:
المشاركة الأصلية كتبت بواسطة amigo1
حاول تدور على تعديل علبه الدركسيون تخليها باور زيت
كان واحد صاحبي عاملها ف ال 128 و على ما افتكر كان معدله بعلبه دركسيون الشاهين الباور
فيه دراع صغير بيتركب فى الدريكسيون معظم بتوع التاكسى بيركبوه
انا مش مركبه لكن سوقت 127 كانت مركبه و قارنتها ببتاعتى فحسيت انها بتسهل الحركة فى اللف
و كمان انفج الكاوتش كويس علشان يسهل الحركة
ألف شكر
لكن هل ممكن بتاع العفشة يعمل حاجة تخف الدريكسيون؟
مقاس (عرض) الكاوتش عامل مؤثر جداً على تقل الدركسيون
مقاس الكاوتش اللى راكب نفس مقاس الفابريكة وللا عريض ؟؟
أولا ربنا يشفيك بإذن الله ويعينك .........بالنسبه للعربيه ف عشان تحس بفرق كبير مش هتلاقي ده غير ف الباور......وتقريبا ال128 مابينزلش منها فئه فيها باور ...وبالتالي مافيش سكاتره باور لل 128........مش عارف بقي ينفع يركبلها سكاتره باور لعربيه تانيه ولا لا ........ لغايه لما يفيدنا الأعضاء ف النقطه دي ف الحل المؤقت هو : تروح لعفشجي يزيت البارات و المقصات ... وتحرص علي ان ال2 كاوتش قدام يكون ضغطهم مضبوط ..... وأخيرا مافيهاش حاجه ابدا لو كلمت جيرانك ف الجراج انك تركن ف مكان فيه أقل عدد من التحويدات ..... وربنا يعينك بأذن الله....
فيه حل سمعته ان بيركبو بطاحات على رومان بلى بدل البطاحات العاديه بتاعه ال 128 وده طبعا بيخفف الدركسيون كتييييير بيخليه هاف باور
بس طبعا فى العادى دركسيون ال 128 لو عاوزه خفيف على طول حتعمل الحاجات دى
تفك البطاحات ولو بايظه تغيرها ولازم تشحمها كويس جدا جدا العفشجى عارف الكلام ده
تغسل العربيه من تحت فى بنزينه نضيفه وتخليه يرش زيت (بيبقى عندهم زيت اسمه زيت وسخ او زيت محروق ) على المقصات والجلب والبارات وده حيخليك تحس بفرق كبييييير جدا جدا
واستمر على غسيل العربيه من تحت فى بنزينه على الطريقه دى كل اسبوعين ولا شهر عمر ما الدركسيون حيتقل معاك
أول مرة اسمع عن البطاحات اللى ببلى ديه !!!!اقتباس:
المشاركة الأصلية كتبت بواسطة misoalex
انا كنت بدور على بطاحات للشاهين من شهر تقريبا
ومفيش حاجه زى ديه قابلتنى !!!
ولا البطاحات ديه مخصوصة لـ 128 ؟
لا هى بطاحات بتاعه عربيه تانيه مش بتاعه 128 بس بتركب على ال 128 على حسب كلام اللى قاللى عليها
حسأل فى الموضوع ده واحاول اعرف انهى نوع اللى يركب بس ممكن يكون فيه عفشجى نضيف يعرف الكلام ده