دعوة للتصالح-دعوة للحب-دعوة للاخاء

بسم الله الرحمن الرحيم ( واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون ) صدق الله العظيم --هذة دعوة للصلح والتصالح دعوة للحب والمحبة دعوة للاخاء والتأخى اطلقها راجيا الله ان يستوعبها الجميع واخص بالذكر كل من اختلفت معهم فى يوم من الايام بسبب سؤ فهم او تفاهم منى او على انا مسامح واتمنى ان يسامح الجميع الاستاذ بايو انا اختلفت معك وادعوك للتصالح الاستاذ حازم خضر انا اختلفت معك وادعوك للتصالح الاستاذ ابو عبدالله انا اختلفت معك وادعوك للتصالح الدكتور احمد ابو عمر انا اختلفت معك وادعوك للتصالح-هؤالاء من رايت انى اختلفت معهم فعلا وانا مسامح فى اى تجاوزات قد تكون حدثت بالفعل وادعوهم للتسامح ايضا من منطلق التأخى وعفا الله عما سلف --وفى حالة ان رأيتم عكس ذلك منىاعتبروا جميعا هذة الدعوة هى شاهد الاثبات ضدى لكى تقوم الادارة بحذفى فورا بدون ايقاف وبدون انذار -شكرا لحضراتكم [sub]

أحييك على هذه الدعوة

ان شاء الله ربنا يكلل جهودك للصلح بكل خير

و ان شاء الله تلاقى صدى عند باقى اطراف النزاع

علشان الموضوع اخد اكبر من حجمه و اكيد بيأثر على ادائكم فى المنتدى

ان شاء الله ترجعوا احسن من الاول

اقتباس:

---

المشاركة الأصلية كتبت بواسطة abu-mostafa

بسم الله الرحمن الرحيم ( واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون ) صدق الله العظيم --واتمنى ان يسامح الجميع الاستاذ بايو [sub]

---

كلام حق يقصد به باطل

أنا عاوز أعرف الأعضاء تسامحني على أيه ؟

بصراحة أنا شايف محاولة خبيثه للتوقيع بيني وبين الأعضاء لذلك أنا هاسيبلك المنتدى كله تبرطع فيه زي ما أنت عاوز

لا يا استاذ بايو حضرتك فهمتنى غلط برضة تانى انا اقو (((واتمنى ان يسامح الجميع الاستاذ بايو انا اختلفت معك وادعوك للتصالح الاستاذ حازم خضر انا اختلفت معك وادعوك للتصالح الاستاذ ابو عبدالله انا اختلفت معك وادعوك للتصالح الدكتور احمد ابو عمر انا اختلفت معك وادعوك للتصالح-هؤالاء من رايت انى اختلفت معهم فعلا وانا مسامح )9يعنى الاسماء دية هى اللى زعلانة منى يعنى انا بطلب انها تسامح مش الناس تسامحهم

اللى فهمته يا بايو ان ابو مصطفى بيطلب التصالح معاك فى اللى هو قاله فى حقك

و هو مسامح فى حقه و بيطلب منك انت كمان تسامح فى حقك و تفتحوا صفحة جديدة

هى بس كان ناقصها "," يا ابو مصطفى (فصلة) علشان ميلتبسش الامر على حد

معلهش يا بايو ممكن تكون فعلا فهمت غلط علشان خاطري ده لو ليا عندك خاطر انسى اللي فات وخلي قلبك كبير زي ما عودتنا وبعدين ماينفعش صاحب البيت يسيب بيته للضيوف ده إحنا اللي نمشي مش أنت أرجو منك التسامح والل فات مات وخلي نفسك صافيه من نحاحية أي حد ما حدش واخد منها حاجة إحنا كلنا هنا إخوة وأحباب وأنتوا اللي مجمعنا سوا يعني ما ينفعش تسيبونا وتمشوا ، أنسى علشان خاطري .

:?: :!: :?: :!: :?: :!: :?: :!: :?: :!:

هو ليه حضرتك غيرت اللى كنت كاتبه يا دكتور احمد؟

المهم, هل حضرتم مسامح استاذ جنيدى؟ و نفتح بقى صفحة جديدة فى المنتدى من غير خلافات بين اعمدته؟

بالظبط دة قصدى-والله العظيم ان دة قصدى-شكرا لتلبيتك الدعوة يا دكتور احمد واتمنى ان يتقبلها الاخوة الافاضل بايو وحازم وابو عبدالله--بس انا فعلا الحرفية فى الكتابة دية مش عندى حتى استخدام الالوان والشكل الجمالى اللى مثلا بيعملة سوكاسون او بايو انا ما بعرفش اعملة اصلا -واحيانا ناس تقوللى سيب فواصل وناس تانية تقوللى بلاش فواصل حتى الاستاذ محمد ايهاب من كام يوم لفت نظرى لموضوع الفواصل دة -لكن هى دعوة للصلح ازاى اكتب فيها حاجة تزعل الناس اللى انا بطلب مصالحتى عليهم -

دعوة للتصالح استشعرها (صادقة ومن القلب)----رجاء من الجميع--امامنا طريق طويل من العمل الخدمي--مبتغين بة وجة اللة--سادين بة الطريق علي كل من يريد استفادة شخصية--لذا ارجو مد يد الصلح لليد المدودة للسلام
-وعفي الله عما سلف--و ابو مصطفي لا يحتاج ان يزكية احد--اخونا وابن بلد
وفق الله الجميع لما فيه الخير
DR/EHABABDELHAFEEZ
اسبيرانزاوي32

اقتباس:

---

المشاركة الأصلية كتبت بواسطة معاذ الشرباصى

هو ليه حضرتك غيرت اللى كنت كاتبه يا دكتور احمد؟

المهم, هل حضرتم مسامح استاذ جنيدى؟ و نفتح بقى صفحة جديدة فى المنتدى من غير خلافات بين اعمدته؟

---

أنا غيرته لأنى وجدتك وضّحت قصد أبو مصطفى كما فهمته فلم أجد داعى للتكرار ، والسؤال التانى مش عارف أجاوب عليه لأن فيه علامات استفهام وتعجب فى ذهنى كثيرة وأتمنى الهدوء والسلام للجميع.

تقصد السؤاتل دة يا دكتور احمد ((المهم, هل حضرتم مسامح استاذ جنيدى؟ و نفتح بقى صفحة جديدة فى المنتدى من غير خلافات بين اعمدته؟
لو عندك علامات استفهام قوللى عليها ونتناقش لو تحب -لكن وجود رسالتك حتى لو كانت مكررة كانت افضل عندى من تغير او تحذف خاصا وانك بدلتها بعلامات استفهام وتعجب -لكن طبعا براحتك خالص المهم دلوقتى عندك استعداد ان نبداء جميعا من جديد صفحة بيضاء خالية من اى شوائب تعكر صفو كم وصفوالاخوة الاعضاء

إلى أستاذ أبو مصطفى أنا مع مبادرة حضرتك ( و شكرا على التوضيح في الرسالة ) و أنا كل يوم يزيد احترامي ليك أكبر فأكتر و أتمنى أن أتشرف بلقاء حضرتك شخصيا هنا أو في أوروبا ( لو قدر الله ) و المبادرة دي أرجو أن تفهم من كامل الأعضاء كما هي صادرة من صميم قلب حضرتك و أرجو أن تكون صفحة جديدة في هذا المنتدى

شكرا يا استاذ محمد ايهاب وصدقنى هى نابعة فعلا من القلب وانا يشرفنى لقائك فعلا هنا او فى مصر -

والله انا مش شايف اي دعوه للتصالح ولا حاجه
فمن السهل على اي عضو كتب خلف هذا الموضوع ان يرى مشاركات ابو مصطفى جنيدي من اول يوم دخل في الى المنتدى الى يومنا هذا ويقولى احنا في منتدى اجتماعي ولا منتدى سيارات

اخي جنيدي انا أقول هذا من جانب قول الحق وليس تعسف وليس ميول ان شاء الله

حضرتك كل الناس انت مختلف معاها يبقى المشكله فين انا مش عارف

غالب مشاكل المنتدى حضرتك كنت طرف فيها

حضرتك بصراحه عاودتنا على التسامح والغلط مره أخري

مش زي ما أحد الأعضاء بيقول انك عاودتنا انك ذو قلب كبير ..... فقط

لأ حضرتك كل مره تغلط وتعمل مواضيع ملهاش لازمه وملهاش دعوه بالسيارات خالص .......... أخي أحب ان أذكرك ان هذا المنتدى منتدى سيارات وليس منتدى أجتماعي نقعد نعمل مشاكل ونحلها مع بعض ............ وهناك منتديات أجتماعيه كثيره متخصصه في هذا .......

انا مش فاهم والله انت حسستني ان احنا هنا في منتدى نفسي لحلول المشاكل النفسيه ........... عارف حضرتك تعمل المشاكل وبعدين تقعد تحل فيها وسامحوني وتجيب أمثله وقصص وايه ومش عارف ايه .............. ايه يا عمي احنا فتحنا المنتدى ده للسيارات وليس للتواصل الأجتماعي فده هدف ولكنه ليس الهدف الرئيسي الذي قام عليه المنتدى والجماعه اللي انت بتتكلم عليها وكل شويه تغلط فيها وعاوزهم يسامحوا ............

طب أسأل حضرتك سؤال هو مين غير اللي راكبين اسبرنزا مختلفتش معاهم ؟

كام مرة حصل هذا الكلام من قبل يا سيد جنيدى سواء كان هنا او فى كونتاكت ؟؟؟
اكم من المرات تكتب مثل هذا الموضوع ولكن بصيغ مختلفة ؟؟؟؟
انا اسف ولكنى عاجز عن التصديق.

انا كنت فعلا متابع لمعظم و ليس كل المشاكل اللى كان ابو مصطفى طرف فيها

انا بس كان فى دماغى انه يبقى فرصة اخيرة عن طريق مقابلة بين معظم الاعضاء و بين الاستاذ جنيدى

يناقش فيها كل واحد الحاجات اللى ضايقته من التانى, و ايه اسباب سوء التفاهم

و من ساعتها يبقى "لقد بلغت من لدن عذرا" و مفيش مجال لاى مشاحنات او مهاترات زيادة بعد المقابلة دى

علشان كده رأى الشخصى تبقى اخر محاولة

حضرتك يا استاذ معاذ ده تم من كذا طريق وكذا ناحيه وكذا طريقه وتم التبيه عليه ومعرفة المشاكل وكل حاجه ممكنه اتعملت

اقتباس:

---

المشاركة الأصلية كتبت بواسطة أبو عبدالله

حضرتك يا استاذ معاذ

---

على فكرة أخى معاذ طبيب فى القريب العاجل ان شاء الله وهو يتكلم بدافع من طيبة قلبه مثل كل المصريين.

لكن فيه قاعدة مهمة قوى يا دكتور معاذ:

Forgive but never Forget

انا مش معاك يا دكتور احمد فى المثل ده

يمكن ده فى العلاقات بين الدول . لكن بين الاشخاص خصوصا المسلمين فلا

* اين حديث الرسول ( ص) عن الرجل الذى قال عنه انه من اهل الجنه وعندما ذهب اليه احد الصحابه ليعلم ماذا يصنع ليكون من اهل الجنه فلم يجده يصنع اى شىء اكثر منهم فلما سال الرجل ان كل ما يميزه انه يبت ليلته وليس فى قلبه شىء لاى مسلم . ( الحديث بالمعنى )

* واين حديث العفو الشهير عندما وقف خصمان بين يدى الله عز وجل وطلب احدهما حقه من الاخر وعندما راى من الجنان والقصور وسال عن صاحبها وعلم انها لمن يعفو عن اخيه فعفى وقيل له خذ اخيك وادخل الجنه .(الحديث بالمعنى )

*لم يذهب احد الى الرسول قط يعلن توبته ورده الرسول حتى ان احدهم ممن احل الرسول دمه ذهب الى الرسول واعلن توبته فعفا عنه الرسول وبعد ان ذهب قال الرسول الم يكن منكم رجل ليضرب عنقه قبل ان يصلنى فرد رجل وقال والله يا رسول الله كانت يدى على سيفى انتظر اشارتك لاقتله فرد عليه الرسول ما كان لرسول الله من خائنة الاعين .
( الحديث بالمعنى )

*واين حديث انه لا يجوز لمسلم ان يهجر اخاه فوق ثلاث . هل معناه التصالح والى فى القلب فى القلب .

والكثير الكثير فى هذا المعنى . والله اعلم

ملحوظه ( المداخله لا علاقة لها بالموضوع الاصلى ده تعليق على مثل Forgive but never Forget)

السلطان ابو النجا الاول

العفو من شيم الكرام لا جدال يا أستاذ خالد لكن نسيان ماقبل العفو هو المرفوض وإلا كيف تفسر القول : لا يلدغ مؤمن من جحر مرتين ؟ ...كيف يحتاط من الجحر وقد نسى؟ وقول عمر: احترسوا من الناس بسوء الظن...

نعم اعف عن أخيك لكن لا تنس العبرة والعظة والدرس مما حدث، لا أقول اجعل قلبك أسود من أخيك ولكن النسيان سيجر حتما للدغ من نفس الموقف مرات عديدة وهذا لا يتعارض مع العفو ولا مع الدين.

ما هو مش معنى ان احنا نبقى مسلمين يبقى ده معناه ان احنا نبقى هبل بقه وكل حاجه يبقى فيها تسامح يا اخي الفاضل

كل حاجه لها قدر وحساب مش مفتوحه كده

وكل غلط له حساب

السلام على من اتبع الهدى

أستاذ جنيدى ليه تعليق على حضرتك بدون زعل منى

ليه حضرتك الوحيد اللى دايماً اشوفه بيعتزر ليه حضرتك بتوضع نفسك فى المواقف دى

انا سألت زميل فى المنتدى وقلتله أستاذ جنيدى بيدرس فى ايه فى هولندا

والصاعقه انى عرفت ان حضرتك كبير سن ومقام

*بصراحه استغربت *
أستاذ جنيدى ليه حضرتك الوحيد اللى دايما يعمل كل المشاكل دى وبعدين يرجع يعتزر ويتصل بالناس

حضرتك كلمتنى على الموبايل مره وقلت عاوزنى فى حاجه مهمه والخط فصل

وبعدها كلمتنى يوم اخر مقابله واديت التليفون لبايوو وحضرتك قفلت معاه ومعرفتش ايه بردو الحاجه المهمه

ليه اخطاء حضرتك كتيره اوى ليه بتوجه ضرباتك للناس اللى كلنا بنحترمهم

ليه حضرتك مصر انك تكون مختلف مع الناس

ليه حضرتك بتشغل نفسك بكلام ....

ليه حضرتك مش بتهتم بأخبار السيارات ونسيت الهدف اللى اتعمل عشانه المنتدى بتاعنا

ليه حضرتك تغلط الغلطه وبعدها تحاول تصلح وتنال عطف الناس

ليه ليه ليه ليه................

انا اسف ليك بس انا بحب الناس وبحب يكون فى الفه فيما بيننا

أستاذ جنيدى فكر مع نفسك ولو لقيت نفسك تقدر تكون واحد مننا يعيش معانا جونا تعالى والناس ليها عقل تميز

بيه مين الصح ومين الغلط _ ولما تلاقى نفسك بقيت كده تعالى وادخل بأسمك *جنيدى* مش أسم تانى

لان حضرتك بتغير الاسم بس للأسف بنفس الطريقه بتتعامل

متزعلش منى استاذ جنيدى انا على الحياد وبحب الجميع

حب الناس ليك هيظهر لما تجيب حاجه مفيده ومتنساش الغرض اللى اتعمل من أجله نايل موتورز

أستاذ جنيدى فكر من دلوقتى وبدل ما كل شويه تعتزر لأ فكر ان حضرتك بكره تظهر علينا بمعلومه جديده تفيد كل الناس وساعتها الناس هتقول برافو جنيدى ويبقى كده انت عملت نيو لوك جامد وتقدر تكتب جنبه *جنيدى* مش حد تانى

ربنا يوفقكم وأسف للاطاله *مستنى بكره حاجه مفيده منك يا أستاذ جنيدى*

أخوكم /جمال ابو شنب

و الله يا استاذ جنيدي مش عارف اقولك ايه اصل دي مش اول مره .غلط فيا اول مره و قولت نفس الكلام و التانيه و اعتذرت و التالته و قولت انا ما يشرفنيش اعرفك!!!!!!!! طب بعد دا كله عاوزني انسي اازاي .
لو وافقت علي كلامه يبقي حاجه من الاتنين:
يا انا مصدق ان دي اخر مره و ساعتها ابقي اهبل و عبيط.
يا انا متنازل عن غلط الجامد فيا و ساعتها ابقي انسان تافه و سلبي.
و انا مش دا و لا دا

مفروض ان الدعوة دية انا قمت بها من اجل ان تتصافى القلوب -وهذة اول دعوة منى -اما اذا كان حصل سؤ تفاهم من قبل وانا او الطرف الاخر اعتذرنا لبعض دة مش ممكن نقول علية كل شوية تعمل مشكلة وتعتذر --المنتدى خاص بالسيارات ولكن القسم هنا للاجتماعيات -وانا احاول جاهدا ان لا يكون هناك خلاف شخصى بينى وبين احد-بمعنى ممكن نختلف وممكن يبقى فية زعل لكن لا تصل ابدا ان تكون مشكلة شخصية -وبعدين الاخ اللى بيقول انها حصلت كتير فى كونتكت انا مش عارف هو جاب الكلام دة منين -والان قرأت رسالة من الاخ حازم ومفروض ان الاخ حازم اكتر واحد غلط فية ومع ذلك انا حاولت اكتر من مرة انى اهدى الموضوع وهو كان بيرفض واخر محاولة عندما كتب ابو النجا ان حازم سنة صغير ووقتها انا قلت انة كبير مقام وان السن لا يلعب اى دور -يا استاذ ابو عبدالله مش معنى انى بقترح الصلح وننسى اللى فات ان انتم جميعا ما غلطوش فية ولكنى بقول خلاص حصل خير وفعلا نبداء من جديد ولو تلاحظوا انا وضعت شرط على نفسى وموجهه للادارة المسئولة لو حصل اى تجاوز يقدروا يحذفونى فورا ولكن ما تنسوش انة عندما حدثت تجاوزات ضدى وكنت اتوجة للادارة وجدت من يقول لى احنا فى الحضانة وح نخاف من الناظر--يعنى انا حاولت اكثر من مرة انى اتأقلم مع الاعضاء هنا وكنت دائما بجد صد وصد وصد --هاتوللى مرة اتفقنا مع بعض ونقضت العهد -لانى لاحظت ان الكلمة دية اتكررت كتير جدا --وبعدين كونى انى بطلب او بقترح او بطلق دعوة للتصالح هذا ليس معناة انى اعانى من اضطرابات نفسية او مفروض انى ادخل على موقع خاص بهذة الامور-وليس معناة ايضا انى فقط اللى غلط الكل غلط برضة لكن انا مسامح فى اى خطاء حدث بالفعل ---انا كدة يا جماعة عملت اللى علية ومديت يدى لكم والله قبلتوها خير وبركة رفضتوها يبقى انا عندى محاولة تانية ان شاء الله اقوم بها لما انزل مصر -ولكن فقط تأكدوا اننى مستحيل ان اترك انسان وهو زعلان منى او مهموم بسببى او اكون سببت لة اى ضيق ومن اى نوع--والكرة الان فى ملعب كل واحد منكم--

استاذ جيمى هذا فقط رد على اول سطر فى موضوعك --انا باقتراحى هذا لم اعتذر على شىء -لانة اصلا ما فيش مشاكل جديدة حصلت بينى وبين الاخوة اللى ذكرت اسمائهم فى الاقتراح ولكنها مشاكل قديمة وانا لم اعتذر لان الاخطاء كانت مشتركة-استاذ جمال حضرتك فهمت غلط انا لا احاول ان احصل على العطف من احد ولو حضرتك فهمت كدة يبقى غلط -انا فقط احاول ان لا تكون هناك مشاكل شخصية بينى وبين احد --لكن كلامك فعلا جرحنى لابعد حد ممكن تتخيلة -

يعني يا جنيدي مفيش مشاكل !!؟ وانت مش بتعتذر !!

طيب بما انك مش بتعتذر ومفيش مشاكل ليه فتحت الموضوع ده من اصلة بجد انا مش قادر افهمك ولا افهم انت عايز ايه
وبعدين لما المشاكل خلصت وانت مش بتعتزر طيب محاولات ايه اللي انت عايز تعملها لما تنزل !!
بص يا جنيدي اسمحلي اقولك كلمة حق انت عارف اني مبعرفش اجامل انت وعدتني اكثر من مره متفتحش مواضيع من النوع ده ومتهاجمش حد وفيد الناس مش عارف تفيد الناس بمعلومة خش اقرا كلام الناس اللي بتفيد بجد وبتحط لنا خبراتها وكفاية بقي وجع دماغ لحسن بجد الواحد قرف
ده انا سيبت الادارة كلها بسبب المشاكل ديه (وللعلم كلها مشاكل كنت انت طرف فيها) عايزني اروح فين تاني ارجع كونتكت (زي ما كنت بتدعوا من يومين)

يا جنيدي بجد جرب تدي نفسك اجازة تهدي فيها اعصابك وتدينا احنا كمان اجازة من مشاركاتك اللي مبنخودش منها غير المشاكل وسوء الظن وخناقات الناس ببعضها

لا ياعم لا انا بعتذر ولا اعصابى تعبانة ولا انا انا عاوز منكم حاجة لان بعد كلامك وكلام جيمى هى بالنسبة لى اتا خلصت-مبادرة الصلح كانت باتفاق مع الاخ حفناوى من اجل لم الشمل بدون ما يبقى فية نفوس شايلة -وانا لم اعتذر ولن اعتذر -ولكن انا دلوقتى اللى لا عاوز صلح ولا عاوز حاجة خالص شكرا ليكم كلكم-وصدقنى يا وائل برغم ان الاغلبية ناس كويسة الا انى وبعد ماحدث الان بالتحديد مش عاوز ابقى عضو هنا تانى وبالنسبة انى كنت بقول انة ان شاء الله لما انزل مصر اكيد ح احضر مقابلاتكم والامور تصفى --حتى دية بلاش منها --اقولك مش نازل مصر دلوقتى خالص --يارب تكون الناس مرتاحة -واكررها انا لم ولن اعتذر لاحد ولا احاول ان انال العطف من احد -لان عندى من هو منى -الكلام مالهوش لازمة --احذف ياعم محمود-شكرا لكم جميعا