الموضوع: ما معايير اختيار زوجة

هوا لية كل مقول لحد بيسئلني عن مواصفات العروسة الي بتمناها بمناسبة اني بدور علي عروسة كويسة اني بحب الجمال وعايزها تكون اولا جميلة يقولي اهم حاجة تكون متدينة هوا لازم الجميلة متكونشي متدينة او لازم المتدينة تكون وحشة علشان يليق عليها الايمان!!!
انا اولوياتي مثلا
اولا تكون جميلة علشان اعجب بيها من الاول وافكر فيها.
ثانيا تكون متدينة بدون تشدد الدين مش كلمة حرام بس لا في حجات قليلة حرام وباقي الدنيا حلال.
ثالثا تكون من مستوي اجتماعي مقارب ليا شوية اقل او اعلي عادي جدا.
رابعا تكون طبعها حلوة ودمها خفيف علشان بعد فترة هتعود علي شكلها لكن طبعها لو وحشة هتبقي صعب العيشة معاها ولو دمها تقيل الصراحة هبقي حاسس اني مخنوق منها.
بس دي وجهة نظري.

المشاركة الأصلية كتبت بواسطة ghosts

كلام سليم ....
الراجل فى مجتمعنا مفيش على لسانة غير أن مراتة لازم تكون متدينة ومتوسطة الجمال ....

ولما يشوف واحدة جميلة يتجنن عليها وينسى موضوع التدين دة خالص ....
ومش بعيد أبدآ تلاقى راجل بيتجوز على مراتة المتدينة واحدة تانية مش متدينة زيها بس أجمل منها يكتير ....

هى معادلة صعبة شوية ....
حاجة + حاجة+ حاجة = زوجة تسعدنى ....

مينفعش أشيل من المعادلة دى حاجة على حساب حاجة تانية ....
يعنى مثلآ مينفعش أقول أن البنت دى متدينة أوى أوى بس هى فى نظرى مش جميلة خاااااااااااالص ....

الله ينور عليك فعلا كتير تقولك الاخلاق والجمال هتتعود علية بعد فترة وتلاقية وهوا بيقلك الكلام دا وتيجي اغنية لهيفاء ولا نانسي عينة هتطلع علي التلفزيون ويقولك داحنا متجوزين غفر للاسف احنا من جوانا مليانين متناقضات.

اشكركم

لكن نسينا معيار مهم و هو القبول و مقدار التفاهم واللى بيظهر جدا بعد الجواز زى ما استاذ Ayman-Ahmed قال

و اخيرا محدش هياخد غير نصيبه

المشاركة الأصلية كتبت بواسطة نور القمر

يعني لو واحد شغال في مكتب زمايله ملتحيين ومواظبين على الصلاة هتلاقيه هو بعد فترة اتأثر بيهم وربى دقنه وواظب على الصلاة
ولو واحد في مكان اللي مش ملتزميين دينيا واخلاقيا وهو كويس هتلاقيه غصبا عنه اتاثر بيهم بمرور الوقت
لو واحدة في مكان مختلط ومعظم اللي فيه هزار وتهريج غصبا عنها هتندمج فيهم بمرور الوقت
انا شايفة ان الاختلاط اكبر افات المجتمع في العصر الحديث

التغيير بيبقى نسبى من شخص لاخر تبعا لشخصيته و تفكيره و تربيته

الكويس لو شخصيته قوية و علاقته بربه كذلك صعب يتغيير للاوحش

المشاركة الأصلية كتبت بواسطة maka

اشكركم

لكن نسينا معيار مهم و هو القبول و مقدار التفاهم واللى بيظهر جدا بعد الجواز زى ما استاذ Ayman-Ahmed قال

و اخيرا محدش هياخد غير نصيبه

وديه الحقيقة الثابتة.

ولكن لو كل واحد خلى فى باله كويس اية قرانية مهمة جدا هيرتاح : الطيبون للطيبات.وحتى لو شايف نفسى وحش ممكن احاول اعدل من نفسى واحسن نفسى واطلب من ربنا الانسانة اللى تساعدنى ابقى احسن.



التغيير بيبقى نسبى من شخص لاخر تبعا لشخصيته و تفكيره و تربيته

الكويس لو شخصيته قوية و علاقته بربه كذلك صعب يتغيير للاوحش

وممكن اقول اننى مريت وشفت تجارب كدة كتير بمعنى انا سافرت برا واوافق حضرتك جدا لاننى والحمد لله عيشتى برا خلتنى ارجع واقول لازم اجوزها تربي الاولاد صح مش عاوزهم يقفوا فى وشى ويقولوا لا ده حقى مش من حقك تزعقلى حتى.

وحاجة تانية انا شغال فى السياحة وشفت كتير واتحطيت فى مواقف اختبار كتيرة والحمد لله قدرت اصبر.توفيق من ربنا قبل كل حاجة ولاننى دائما بستعين بالله ومكنتش بدور على الوحش واعمله.