الموضوع: ما معايير اختيار زوجة

المشاركة الأصلية كتبت بواسطة egytamer

بعد الجواز انا بتغير وهي كمان احنا بني ادمين والزمن بيغيرنا فاكيد مش هفضل اطلب منها انها تكون ملكة جمال لا بعد كدا يجي دور العشرة الطيبة والمودة.

ربنا يوفقك لما يحبه ويرضاه.

المشاركة الأصلية كتبت بواسطة ayman-ahmed

وديه الحقيقة الثابتة.

ولكن لو كل واحد خلى فى باله كويس اية قرانية مهمة جدا هيرتاح : الطيبون للطيبات.وحتى لو شايف نفسى وحش ممكن احاول اعدل من نفسى واحسن نفسى واطلب من ربنا الانسانة اللى تساعدنى ابقى احسن.



وممكن اقول اننى مريت وشفت تجارب كدة كتير بمعنى انا سافرت برا واوافق حضرتك جدا لاننى والحمد لله عيشتى برا خلتنى ارجع واقول لازم اجوزها تربي الاولاد صح مش عاوزهم يقفوا فى وشى ويقولوا لا ده حقى مش من حقك تزعقلى حتى.

وحاجة تانية انا شغال فى السياحة وشفت كتير واتحطيت فى مواقف اختبار كتيرة والحمد لله قدرت اصبر.توفيق من ربنا قبل كل حاجة ولاننى دائما بستعين بالله ومكنتش بدور على الوحش واعمله.

الحمد لله

نفس وضعك اشتغلت سنتين مع مجموعة منعدمى الاخلاق كل شىء مباح حتى الخوض فى اعراض الزملاء

بالاستعانة بالله و التوكل على الله قدرت احمى نفسى و مبقاش زيهم و بفضل الله و توفيقه بقيت اعرف افهمهم و العبهم اوقفهم عند حدودهم , لدرجة ان فى اخر ايامى بقوا يحتنبوا الشغل

المشاركة الأصلية كتبت بواسطة egytamer

هوا لية كل مقول لحد بيسئلني عن مواصفات العروسة الي بتمناها بمناسبة اني بدور علي عروسة كويسة اني بحب الجمال وعايزها تكون اولا جميلة يقولي اهم حاجة تكون متدينة هوا لازم الجميلة متكونشي متدينة او لازم المتدينة تكون وحشة علشان يليق عليها الايمان!!!
انا اولوياتي مثلا
اولا تكون جميلة علشان اعجب بيها من الاول وافكر فيها.
ثانيا تكون متدينة بدون تشدد الدين مش كلمة حرام بس لا في حجات قليلة حرام وباقي الدنيا حلال.
ثالثا تكون من مستوي اجتماعي مقارب ليا شوية اقل او اعلي عادي جدا.
رابعا تكون طبعها حلوة ودمها خفيف علشان بعد فترة هتعود علي شكلها لكن طبعها لو وحشة هتبقي صعب العيشة معاها ولو دمها تقيل الصراحة هبقي حاسس اني مخنوق منها.
بس دي وجهة نظري.

+1+1+1+1

انا تابعت كل الردود اللى فاتت ... والغريب انى ملقتش الا رد واحد جايب سيرة مستوى التفكير او الذكاء (وكان فى اخر مرتبة فى الرد)

عن نفسى انا مواصفات الزوجة اللى بدور عليها :

1- تكون ذكية ودماغها كبيرة ومتكنش ناشفة علشان اعرف اتعامل معاها بعد كده ولما تحصل مشاكل نعرف نحلها

2-تكون على قدر من التدين وتبقى عارفة واجباتها قبل حقوقها

3- على رأى والدى ( تكون خارجة من بيت عيلتها شبعانة )

3-الجمال ده انا شايفه نسبى ... انا اهم حاجة انى اقتنع بالبنى ادمة اللى قدامى ككل بكل حاجة فيه