ما معايير اختيار زوجة

**maka** · 20-12-2011 11:07 PM

ايه المعايير اللى كل واحد بيحطها و هو بيختار شريكة حياته

1- التدين

2- الاخلاق و السمعة

3- المستوى الاجتماعى

4- التعليم و السن و الشخصية و مستوى التفكير

اكملوا او عدلوا ........

**mrghost** · 20-12-2011 11:34 PM

نفس اللى انت كاتبه بالظبط ههههههههه

**نور القمر** · 20-12-2011 11:37 PM

الوسط المحيط بالانسان بيأثر فيه سواء بالسلب او الايجاب

**osama.m** · 20-12-2011 11:54 PM

كل واحد وحسب تفكيرة و البيئة اللي عايش فيها
بس اهم حاجة التدين و السمعة الطيبة ليها ولاهلها
المستوى الاجتماعي دا بيبقى فية كلام بس المفروض و الاحسن ان الزوجة مستواها ميبقاش اعلى من الزوج
الجمال دا حاجة نسبية من فرد للتاني

**maka** · 21-12-2011 12:01 AM

المشاركة الأصلية كتبت بواسطة نور القمر

الوسط المحيط بالانسان بيأثر فيه سواء بالسلب او الايجاب

مش فاهمك استاذة نور .... ممكن توضيح

المشاركة الأصلية كتبت بواسطة osama.m

كل واحد وحسب تفكيرة و البيئة اللي عايش فيها
بس اهم حاجة التدين و السمعة الطيبة ليها ولاهلها
المستوى الاجتماعي دا بيبقى فية كلام بس المفروض و الاحسن ان الزوجة مستواها ميبقاش اعلى من الزوج
الجمال دا حاجة نسبية من فرد للتاني

و برده لو اقل ممكن يخلى الزوج يغتر او الزوجة تحس بنقص سنة

**osama.m** · 21-12-2011 12:27 AM

المشاركة الأصلية كتبت بواسطة maka

و برده لو اقل ممكن يخلى الزوج يغتر او الزوجة تحس بنقص سنة

ما بردو مينفعش الزوج يبقى مستواه عالي جدا عن الزوجة .. ميبقاش الفرق كبير اوي يعني .. كل حاجة وليها حدود .. زي بردو حكاية الجمال مش معنى اني مش مشترط ان زوجتي تكون ملكة جمال اني اجيب واحدة قبيحة

و خد بالك ناس كتير ساعة الاختيار بيتنازلو عن شروط كتير .. اصل صعب تلاقي كل المواصفات اللي بتحلم بيها في شخصية واحدة

**Ayman-Ahmed** · 21-12-2011 01:29 AM

والله يا م.محمد الموضوع صعب انك تحط معايير فى خطيبتك (زوجة المستقبل) ومتتغيرش بعد الجواز.

بس ممكن تقول التدين مهم جدا لان اللى بتعامل ربها صح يبقى هتعامل جوزها صح بنسبة كبيرة ومننساش برضه انها بنى ادم معرض لهفوات وغلطات زى الراجل بالظبط ومن هنا التفاهم والتسامح. = التدين

وده السوال اللى سالته لنفسى انا هقدر ابقى متسامح اد ايه ومع ايه واعدى ايه وامسك على ايه.والمحصلة انا اتربيت ازاى وشخصيتى ايه وهل هتتكيف على طباعى ولا انا صعب. = التفاهم.

بعد الجواز احنا الاتنين بنتغير وايام بتمر علينا صعبة وايام حلوة وصعب الحكم عليها فى النقطة ديه فى الخطوبة الا اذا اختبرنا بعض على الاقل نعرف هنصبر اد ايه وصبرنا طريقته ايه.= فهمنا لبعض.

زعلنا شكله ايه وبنعالجه ازاى والاريح الاتفاق من الخطوبة اننا لما نزعل نحاول على اد ما نقدر منطولش وحد فينا يحاول يكسر حدة الموقف ولو بكلمة او بتعليق صغير.=الحلم.

مستوى التعليم مهم لانها فعليا ليها دور كبير فى تربية وتعليم الاولاد فيما بعد ومش مهم تكون حاصلة على دكتوراة ولكن اللى يهم هتقدر تعلم الاولاد.

المستوى الاجتماعى مهم برضه لانه هياثر على طريق تعاملها معايا ومع الاولاد فيما بعد.ومنصحش يكون بعيد اوى عن الزوج بالقلة او الرفعة.

السمعة : صعب الاعتماد عليها فى زمن فيه الجيران مبيحترموش بعض ولا بيحبوا لبعض الخير او الفكرة السائدة وللاسف انها ممكن تكون برة حاجة وفى منطقتها حاجة.وعشان كدة هنرجع للتدين تانى (اظفر بها تربت يداك).

بس مش فاكر ايه تانى اللى فكرت فيه قبل ما اتجوز. :)

**Ashraf_Ibrahim** · 21-12-2011 02:39 AM

هي المعايير تختلف من شخص لآخر
بس فيه خطوط عريضة لابد تجتمع
*التدين
*الاخلاق
*السيرة الطيبة
*الوسط الاجتماعي الجيد اللي ملهوش علاقة بالوسط المادي
*سمعة الأهل
*الوسط المادي -انكحوا الاكفاء-
*نيجي ليها هي بقا كدة اخترنا العيلة:-
*الدين طبعا
*الاحترام
*قدر يرضيك من الجمال -ودا نسبي طبعا-
*السن
*التعليم
*صفات انت بتحبها تكون فيها هتضيفها
*الفكر والعقل مهم جدااااااااااااا

**abdo_general** · 21-12-2011 02:36 PM

يعني انا شايف المعايرر ممكن تبقي كتير
والشروط اكتر

بس ممكن اختصارها في الاتي

1- متدينة او عندها استعداد للتدين
2- من بيت طيب
3- علي قدر من الجمال بقدر ما يعفني

-

الموضوع: ما معايير اختيار زوجة

LinkBack

أدوات الموضوع

عرض

ما معايير اختيار زوجة - انشر الموضوع فى :

-

-

-

-

-

-

المواضيع المتشابهه

ما معايير اختيار نوع الدراسه الجامعيه

معايير جديدة لاختبار عربيات شيري

ما هي معايير تغيير مقاس الجنوط ؟

معايير لاختيار او ترشيح سياره عن الاخرى

الكلمات الدلالية لهذا الموضوع

المفضلات

المفضلات

ضوابط المشاركة