السلام عليكم
في واحد اعرفه قاللي انو عندو صب بايونير 1000 وات وهو ((((ميجا بيز)))) مش عادي

وهو جايبه من السعوديه وعلى كلامه انو جامد جدا مش زي اللي في مصر وانو محتاج جي ام قوي جدا وتوصيلات في حدود 200 جنيه وده على لسان واحد من عند ادريان مصر الجديده
والكلام ده من حوالي سنه
وطبعا برضه محتاج بوكس
دلوقت :
هو ايه الميجا بيز وهل موجود ولا ايه وبيفرق في الصوت ولا عادي؟
البوكس لو اتعملو يتعمل فين ويتكلف كام؟
واجيبله جي ام نوعه ايه (وياريت ثمنه)؟ وايه حكايه توصيلات ب 200 جنيه؟
مين احسن واحد اروحله يركب الحاجه دي في نطاق مصر الجديده او مدينه نصر؟

انا معايا رينو كليو وفيها كاسيت اصلى وهو كاسيت محترم لأني مش هقدر اغير حاليه الكاسيت هل هينفع اشغل عليه الصب والجي ام وهل هحتاج سماعات بيضاوي ورا (يوجد سماعتين 240 وات كينوود مدورين)

واخيرا هل في Cd يشتغل مع المالتي فنكشن في الرينو ويكون ليه خارج للشاشه بتاعت العربيه؟ (وياريت ثمنه)

انا اسف جدا عالأطاله والأسئله الكتيره بس انا ماعنديش خلفيه عن موضوع الصوتيات ده وقولت استفيد منكم.
وتقبلوا تحياتي..وشكرا