الموضوع: 2 فيررارى و واحد فيرنا..؟؟؟!!!!!!!!!

المشاركة الأصلية كتبت بواسطة m_elkhishin

كنت نازل اجازة من السعودية
على طريق الغردقة لقيت عربية الانترا بدأت تسخن عليا
قلت كويس، الطريق طويل نتسلى شوية
بدأت احسسه اني باشد معاه واسبقه بفارق بسيط و بتسارع بسيط مرة واتنين عشان اخليه دايما متحفز انه الشده الجاية ممكن يسبقني
وقد كان وخليته انتصر عليا و عداني
قلت بس كده كفاية وان الاوان يعرف الحقيقة المرة
طبعا معنوياته كانت مرتفعة جدا
وبنفس الاسلوب فضلت ماشي جنبه راس براس لحد مجاب اخر العربية كان تقريبا 200-210 وخلاص سرعته ثبتت على كده ومش قادر يتخطاها
وفي هذه اللحظة اديته نظره دنيئة مع كيك داون وبدأت العربية في الانطلاق حتى كاد أن يختفي من المراية في بضع ثواني
وهنا حصلت الفاجعة
كنت ماشي تقريبا 240+
والكاوتش الخلفي انفجر واتسلخ من الجنط وكسر الاكصدام الخلفي
العربية عومت تعويمة خفيفة جدا بس الحمد لله سيطرت عليها وبدأت ادي اشارة عشان اركن
قلت الراجل صاحب الالينترا هيطلع جدع ويقفلي
بس للاسف ولا عبرني وبصلي بصه دنيئة مع كيك داون

....للاسف حقد عليك واداك عين بنت كلب...حصل معايا موقف مشابه شوية كنت راجع من القاهرة على طريق السويس وانا بأصلا بحب الجرى بس لوحدى مبحبش أشد مع حد..العربية كانت لادا 2107 وكنت ماشى 160 فى حالى..و كان فيه عربية نيسان صنى ماشى 140 لما لقانى طاير جمبه ماستحملش الظاهر وقام نافخ ورايا..انا سرعتى بتزيد مع نفسى لحد ماقفلت الامبير 180 وطبعا هوه عدانى كان 190 تقريبا بس كان فيه كذا ملف قبل كمين السويس عند الكيلو109 كنت باخدهم على 150-160 وهوا كان بيخاف فينزل بسرعته جامد واقوم معديه لحد عند الكمين لما وقفت فى دورى بين العربيات لقيت العربية بطلت وحلفت ماتقوم الواد عدى جمبى وابتسم بسخرية مش هنساها لدرجة كنت هادعى عليه ولما اتصلت بالميكانيكى صحبى جالى من السويس وبص عالعربية قالى دا شوية بنزين كتموا الكاربيرتير ومفيش اى عطل!! عرفت انها عين!