الموضوع: تقرير عن صيانة ال 15000 في اوتــو ايـجيبـت و كالعاده مفاجئات جامده جدا !!!

المشاركة الأصلية كتبت بواسطة sonasteel

أخيــــــــــــــــــــــ را يابو حميد وبعد طول انتظار
لقيتك فرحان بحد هههههههههههههههههههههههه
ده انا فرحت علي فرحك ياراجل ماشاء الله
والله انا ببقي رايح مش عايز اروح ...... عامل زي رحلة مكان واشخاص محترمة وكمان احلي صحبة اروح ليه ؟؟
والله صدقت ما وصفت ...... وفعلا ناس جديرة جدا جدا جدا بالاحترام وبثقة العملاء
اسأل الله ان يديمها عليهم نعمة وتكون فتحة خير علينا وعليهم يارب :))

ربنا يكرمك يا حسين بجد انا ابصم بالعشره ل أوتو ايجبت عشان تعرف اني لما بلاقي الصح بقول عليه و الغلط مبسكتش عليه و بصراحه كفايه القعده معاكوا

المشاركة الأصلية كتبت بواسطة ahmazong

طلعت عنهم يا راجل ده أنت جمعت العربية مش جديد هههههههههه .. عموما ألف ألف ألف مبروك على الصيانة .. و منتظرين قصة من قصص الموسويسين مرة تانية إن شاء الله ههههه

انا طبعا مبسوط جدا من الصيانه مش عشان الفلوس اكتر من انهم ماشيين بنفس دماغي في التدقيق في كل مسمار و تحليل الاعطال و كمان متنساش اني بحب اعرف كل حاجه في العربيه الي معايا يمكن اكتر من التوكيل نفسه بسبب حبي الجنوني لعالم السيارات و تحسين الاداء بتاعها بطرق علميه

المشاركة الأصلية كتبت بواسطة wshawky

مبروك يا باشا و بصراحه الناس هنا و التوكيل حاجه جميله ما شاء الله و يا رب دائماً للاحسن. :s_thum1[1]: :s_thum1[1]:

بجد ربنا يكرمك و ان شاء الله تجربه و تحكيلنا تجربتك

المشاركة الأصلية كتبت بواسطة ahmed.tv

كله يهون يا احمد .. قدام انى اشوفكم واقعد معاكم .. وياباشا مفيش شكر بين الاخوات
وانت غالى عندى .. وكل اعضاء القسم

وبعدين انا كنت راجع على الشغل فعلا هههههه .. بس لما لقيت ان عندك حاجات كتير وعاوزة تتظبط .. كلمتهم فى الشغل وقولتلهم اانى حاخد اجازة .. عشان اطمن واقعد معاك واعرف ان كل حاجة اتظبطتت

وبصراحة الواحد منبهر جدا من اسلوب التعامل الراقى .. فى اتو ايجيبت .. وكمان بتحس ان المكان مكانك .. والناس كلها هناك فى خدمة وارضاء العميل

والاهم الحرفية فى التعامل مع الصيانات .. وتشخيص الاعطال .. والاهم تفصيص كل حاجة صغيرة وكبيرة

فى كل صيانة بيفخصوا العربية فتفوتة فتفوتة زى ما انت قولت .. وبيكتشوفا حاجات العميل حتى مش قايلهم عليها .. والاهم تسليم العربية .. بيسلمك العربية وبيشرحلك كل حاجة اتعملت فيها ولو فى حاجة بيجربها لو كانت مشكلة كبيرة

لا بجد الواحد فخور جدا انه بيتعامل معاهم

وان شاء الله يستمروا على المنهج ده .. وتحياتى ليك وليهم

احمد انت اكتر من مجرد صديق و انا مش عارف بجد اوفيلك حقك ازاي يمكن الواحد ليه اصدقاء بره مبيعملوش معاه كده و كمان انت مكنتش رايح تعمل حاجه لنفسك فبجد كتر خيرك و بالنسبه لاوتو ايجبت كفايه تقرير منع الوسوسه الي بيدهولك و انت ماشي بعد ما تستلم الي بيقيسوا فيه كل نقطه في العربيه ده حتى بيقيسوا سمك تيل الفرامل و ده بيخليك تستمتع بالعربيه من غير ما تقلق بالذات لو انت بتسافر كتير زي حالاتي و طرقك كلها سريعه و محتاجه عربيه مزبوطه على الشعره

المشاركة الأصلية كتبت بواسطة ahmedmiy

الحمد لله
اللهم صلى وسلم على نبينا محمد

ألف مبروك يا أبو كريم على الصيانة وشىء طبيعى أنك كنت غير راضى ومليان بالشك وده علشان خبرتك وفهمك الممتاز للسيارت وما فيها .

الحمد لله أنك راضى بعد الصيانة الأخيرة ربنا يرضى عليك ويجعلك دائماً من أهل الرضا

وبجد كان يوم جميل بوجودك وكل الصقور إل حضروا معانا وإن شاء نلتقى قريباً على كل خير

تحياتى لك ولجميع الصقور

لا إله إلا الله محمد رسول الله

الله يكرمك يا باشا كفايه قعدتنا مع بعض و اديك شفت مش موضوع وسوسه اكتر من اني بحب كل حاجه تبقى كما يجب يعني ليه التجميع المصري يبقى اقل من الياباني و كتالوج التجميع و الصيانه واحد لو احنا ملتزمين بالكتاب و بضميرنا اولا كل حاجه هتبقى زي الفل ان شاء الله و افتكر ان اوتو ايجبت بتتبع المنهج ده

المشاركة الأصلية كتبت بواسطة mohamedbook

الف مبروك ياحمد باشا علي صيانة ال 15 وعقبال صيانية 300000 ان شاء الله
فعلا اوتو ايجيبت ناس محترمين جدا بس ياريت تستمر سياستهم واحده في ارضاء العميل مش لما العملية تكتر وتزيد معاهم وميلاحقوش علي العملاء يعملوا زي باقى المراكز الاخرى

الله يبارك فيك يا باشا بص طول ما هما محددين عدد العربيات الي بتخشلهم كل يوم و مبيسمحوش تحت اي ظرف الا في حدود ديقه بصيانات طارئه و برضه معمول حسابها كل ما هتلاقي مستوى الخدمه ثابت لان العامل مستريح و مبيكلفتش العربيه و المهندس قادر يراقب العامل و العميل مستريح عشان المكان مش زحمه و الصيانه تخلص في معادها كمان

المشاركة الأصلية كتبت بواسطة night_whisper

الف مبروك على الصيانة
واضح ان اوتو ايجيبت داخل المنافسة بقوة

الله يبارك فيك و اوتو ايجبت بجد شكله كده هايكتسح الدنيا عشان هو شغالين صح و عندهم ضمير و سعة صدر و كمان عاملين عروض جامده جدااااا