:what:
سؤال تانى لو سمحتم أركب 13-185-70 بدل من 13-175-70 ولا لأ
عرض للطباعة
ممكن تركب 185\65\13
MMamdouh
رحت النهاردة غيرت الاربع كاوتشات والحمد لله
اول مارحت شوفت التايجر دا ...اتصدمت من شكله
طرى جدا جدا لدرجة انى شكيت فى الكاوتش دا انه بايظ
فاكر ان فيه عيب صناعة
الكاوتش خصوصا جنابه ورقة ...ورقة بجد مش باهزر...مالوش سمك يعنى او سمكه مش هايعدى الاتنين مللى...لما تحط ضافرك من ناحية هتحس بالضافر دا الناحية التانية بسهولة جدا وهتلاقيه بارز عن صباعك وباين البروز دا..يعنى كانك لابس جوانتى مطاط latex
فشكيت فى الكاوتش دا وحسيت ان مافيهوش سلوك ماشية جواه وقلقت لاحسن يفرقع مع اول خبطة ليه
فسألته عن كاوتشات تانية جابلى حاجات عجيبة وفى الاخر رسيت على مارشال فيتنامى بس ابن اللذين ماقليش ان فيه كورى وبعد ماركب اتصلت بالسيد الوالد عشان يسألى عن المارشال وعرفت ان فيه مارشال كورى
وطلع عند التييت دا وماقاليش خليته يفك العجلة اللى ركبت تانى وركبت الكورى مع الترصيص والنيتروجين
التغيير بقى بعد ماركبته
1-الفرامل حاجة تانية خالص ...تدوس عليها تقف (الاول كنت بادوس عليها تمشى...بتكملها زحف)
2-المطبات كانت الصدمة الكبيرة...عفشة العربية وصلت لمرحلة التزييق عند المطبات الخفيفة مع الكاوتش القديم اما دا...مافيش اى شعور بالمطبات سواء كبيرة او صغيرة ماعرفش دا عشان الكاوتش الجديد ولا عشان النيتروجين ولا الاتنين سوا :)
3-الثبات بسم الله ماشاء الله بقى زى الفل... العربية الاول كانت بتيجى عند 140 وبتبدأ تعوم والكل اجمع انها مقصات
لكن النهاردة اكتشفت انها كاوتشات...جبت ال180 والعربية مش حاسس فيها بتعويمه ولولا ان الطريق خلص كان ممكن تجيب اكتر
لكن فيه عيب خطير جدا حسيت بيه بخصوص الثبات دا
ثبات الكاوتش الجديد على السير فى خط مستقيم زى الفل لكن حاولت اجى يمين فى شمال على سرعة بالعربية حسيت انها مش زى الاول...اسوأ
الكاوتش القديم مكانش ثابت اوى عالارض فكانت لما العربية تعوم كان بيزحف اكيد وبياخد جزء من قوة الطرد بس مكنتش بلاحظ اما الجديد فثابت جدا ومابيتحركش ولا مللى فجسم العربية بيضطر ياخد قوة الطرد كلها لوحده فبقت بتميل اكتر من زمان
انا جربتها على سرعة 80 بس معرفش لو خدت بيها غرزة لاقدر الله على سرعة فوق دى فى اى موقف طارئ هتعمل معايا ايه
هى ماسكة فى الارض لكن ميلها هو اللى زاد...طبعا بحس بالميل دا لما اجيب الدركسيون يمين بس لكن شمال لأ فقلت يمكن اخوكم اللى مش متعود على الحركة دى
بس عموما الكاوتش دا زى الفل وربنا يسهل ويبياركلنا فيه
حبيت انقلكوا كل حاجة زى ماهى فآسف عالاطالة
يظهر ان الموضوع حظوظ
النانكانج راكب عندى بقالو 55 الف و ماعملش عالى وواطى و صوته ممتاز و طرى
للأمانه حصل انى أخدت بلاعه و الفرده الأمامامى عملت بالونه من الجنب و غيرتها لكن الثلاثه التانين تمام
الكومهو عند 40 الف عمل عالى و واطى و العربيه كانت ماشيه بتنطط
البريدجستون زى الكومهو برضو العربيه كانت بتتنطط بعد 30 الف و مره فرده انفجرت و انا مسافر
البريلى برضو عمل عالى و واطى على 20 الف فى لانوس واحد صاحبى كانت زيرو 2007
التويو كان راكب عندى فى ميروباص تويوتا الشغل و فردتين انفجرو خلال شهرين و كان عامل 50 الف
الكونتيننتال فى عربيه واحد قريبى جتا الأربع فرد عملو بالونات من الجنب
gt سمعت من ناس انه ناشف لكن ما جربتوش
الهانكوك حسب ما اسمع نفس شركة الكومهو
قصدى أقول ان مافيش كاوتش يكون الأحسن على الاطلاق .... فيه انواع كتير كويسه ..... الموضوع يعتمد على الطريق و السواقه و الراحة النفسيه للماركة اللى هتركبها .... و انك تشترى كاوتش مناسب لنوع الطريق
لكن فيه كاوتش هو الأسوأ على الاطلاق و هوه اكيد النسر
النسر مناسب لفئه معينه من الناس
و ظروف معينه من الطرق
يعنى لو عندك بيجو 504 وعايش فى قريه هتشترى ايه ؟؟ اكيد مش بريدجيستون
هأركب ارخص كاوتش مستورد هيكون أحسن من النسر
والله انا شاريه بقالي 7 شهور وزياده والفرد زي الفل مع العلم ان المقاس ال 15 اللي عندي مع الشوارع اللي زي الزفت في اسكندريه بعد ما محافظ الاسكندريه ( عادل رصيف ) دغدغها كلها كانت بتعمل بلاليين انما مع النانكانج محصلتش الحكايه ده الحمد للهاقتباس:
تجربتى مع النانكانج سيئة للغاية
عموما الكاوتش في بلدنا حظوظ في ناس بتتشكر في ماركات وناس تانيه مش طايقه تسمع سيرتها