جبت انواع الكاوتشات واسعارها لكن مش عارف اختار

**Car's Sniper** · 21-12-2011 05:32 PM

بسم الله الرحمن الرحيم
تم بحمد الله تعالى انفجار اول كاوتش فى العربية لما داس على سن الرصيف وكأنه ماصدق :)
المهم الكاوتشات اللى عندى كلها قديمة من سنة 2001 بس :)
فقلت اغيرهم كلهم بالمرة
سألت عالاسعار للنوبيرا مقاس 14/185/65كانت كالتالى
المجموعة الاولى:
GTاندونيسى 380
اسبكترا اندونيسى 325
ديستون تايلاندى 330
ستار مكس تركى 370
ماكسيس تايلاندى 360
كومهو فيتنامى 350 الكومهو مش موجود لكن عشان لو حد عايز يعرف السعر
..................
المجموعة التانية:
ميشلان اوروبى 535
بريدجستون يابانى 560
بريدجستون تايلاندى460
يوكوهما يابانى 450

دى الاسعار اللى قدامى حاليا ودلوقتى لو هاجيب من المجموعة الاولى هاجيب اربع كاوتشات
ولو هاجيب من المجموعة التانية هاجيب كاوتشين بس

فالمفروض اعمل ايه؟؟(ومحدش يقولى اعمل الصح) اجيب فردتين نضاف وبعد كام شهر اجيب اتنين نضاف ولا اجيب حاجة عالقد الاربع كاوتشات مرة واحدة؟؟
وياريت تفيديونى افى احسن كاوتش فى كل مجموعة فيهم

واستفسار كمان بالنسبة للنوبيرا
لما بتكون العربية متمورة وادوس بنزين جامد لغاية ما مؤشر الار بى ام يوصل الاحمر بلاقى الماتور بيبخ زيت من ناحية الترس بتاع البنزين اللى فى البوابة
معرفش الزيت دا بيطلع منين بس لو فاتح الكبوت بيوصل لغاية الازاز
دا عيب ايه ولا دا صمام ولا ايه بالظبط؟؟؟

**swimmer25** · 21-12-2011 06:37 PM

رأيي تغير ال 4 فرد من المجموعة الأولي للأمان...النوع بقي مش عارف يمكن حد جرب ويفيدك
فيه كمان جود يير وبيريللي ممكن تلاقيهم في رينج المجموعة الأولي....وكويسين وأسمع كمان ان ال gt كويس

**amado318** · 21-12-2011 06:54 PM

كاوتش من سنه 2001 حطه فى متحف الكاوتش دة انا بغيرة كله سنه بالكتير سنتين انا مركب ديستون كويس جدا وكانت اول تجربه ليا معاه بس هوة ممتاز

**aliyosef** · 21-12-2011 07:50 PM

انا مركب ستار ماكس من عند اشرفكو
حلو جدا بس عيبه الوحيد النقشه بتاعته كبيره فابتلم زلط طول مانت ماشى ولكيد انتو عارفين صوت الزلطه فى الكاوتش بيكون عامل ازاى

**mostafa mahmod** · 21-12-2011 08:16 PM

المشاركة الأصلية كتبت بواسطة car's sniper

بسم الله الرحمن الرحيم
واستفسار كمان بالنسبة للنوبيرا
لما بتكون العربية متمورة وادوس بنزين جامد لغاية ما مؤشر الار بى ام يوصل الاحمر بلاقى الماتور بيبخ زيت من ناحية الترس بتاع البنزين اللى فى البوابة
معرفش الزيت دا بيطلع منين بس لو فاتح الكبوت بيوصل لغاية الازاز
دا عيب ايه ولا دا صمام ولا ايه بالظبط؟؟؟

هو انت ليه اساسا بتزود لغايه ما توصل للرد زووووووون دنتا كده هتطير الموتور

**biomedo** · 22-12-2011 12:32 PM

متابع
لانني ناوي اشتري كاوتش و جنوط قريب

**more_try2** · 22-12-2011 01:53 PM

اولا الكاوتش عمره الافتراضى خمس سنوات ودى بتعرفها من على الكاوتش وهى بتكون مكتوبه بالاسبوع مش بالشهور او 50 الف كيلو متر ما زاد عن ذلك فهو منتهى الصلاحيه وممكن تكون الفرده شكلها ممتاذ ومع ذلك الصلاحيه منتهيه وتنفجر او السلك يعوج اثناء السير لا قدر الله
ثانيا معروف ان اندونيسيا هى بلد الكاوتشوك طبعا بعد الاوربى فانصحك بشراء اربع فرد اندونيسى اى كانت الماركة مش هتفرق كتير وطبعا لازم تعمل حساب الاستبن وبلاش تستنضف من ال عندك لان دول ال متغطى بيهم متعرى وربنا يسترها علينا جميعا والله الموفق