عرض للطباعة
مشكلتى البوجيهات بتهبب اسود كل 3 اسابيع غيرتها 3 مرات وبعد ال3 مرات رحت نظفت الكربيراتير وفكرت ان المشكله اتحلت وفوجئت اليوم بنفس المشكله جيت ادور مرضيش تدور فكيت بوجيه لقيته مهبب اسود على الاخر الميكانيكى بيقولى ممكن تكون ظبط تكيهات ايه الحل كربيراتير هوندا اكورد 83
طالما عندك البوجيهات بتهبب اسود دة من عدم تناسب كمية الهواء والبنزين اللى داخلة للمحرك , وغالبا بتبقى المشكلة من الكربراتير بيرمى بنزين كتير فالبوجية مش بيلحق يحرقها عشان كدة بتتراكم علية وتعمل هباب اسود وبعد كام يوم يكون الهباب دة عمل طبقة يمنع فيها حدوث شرارة الاشعال او انها تكون ضعيفة جدا لتشغيل المحرك
انت كدة ياباشا هتحتاج تغير بيج السلانسية والبنزين , لائما تراجع على الكربراتير نفسة ممكن يكون فية بوش فى الاكس والباب بتوعة
ولو انت متاكد من كفاءة الكربراتير , يبقى هتبص على سلوك البوجيهات , والاسبراتير ممكن تكون الكهرباء اللى بتوصل للبوجيهات ضعيفة فامبيحرقش كويس
فعشان يبقى التشخيص دقيق ياريت بس تقولى حالة المحرك بدقة اكتر من حيث السحب ولون العادم , وقوة كهرباء السيارة
عشان هخليك تعمل اختبار لمعرفة قوة الاسبراتير وبناء علية هنعرف العيب منين
ودة رقمى 01003088605 لو فية اى حاجة
شكرا يا مان على الاستجابه والرد وانشاء الله هكلمك يا ريت تدلنى على حد بتاع كربيراتير تثق فيه لانى رحت لواحد فك ونظف وركب حتى ساعتها انا استغربت وقولت ولا قالى البوابات فيها بوش ولا بيك السلانسيه ومكنتش مطمنلوه ورجعت المشكله بعديها بيوم