اول حادثة بالعربية الجديدة . قصاد بلطجى . احكموا بقى !

**titos_81** · 22-12-2011 02:14 AM

السواقه فى البلد بقت جحيم و سلبيات الناس لا تعد ولا تحصى و ربنا يصلح الحال

**ahmedgaser** · 22-12-2011 06:21 AM

متشكر ليكم كلكم على ردودكم .
و والله الواحد مبقاش عارف يقول ايه بس الحمد لله قدر الله و ما شاء فعل . و الحمد لله انها جت على قد كدة المشكلة ان والدى كان معايا و مكنش ينفع اعمل كدة على الاقل لو كنت نيمتهم تحتها و طلعت كان ممكن ييجوا ورايا و ساعتها لو كنت لوحدى و الله يبقوا جم لقدرهم لكن مدام والدى كان معايا كان ممكن يوقفنى و ساعتها كانت هتبقى مشلة اكبر .
يلا ربنا يتوب علينا من الاشكال دى

**Formulator** · 22-12-2011 11:34 AM

هو أنا لو مكانك,
كنت عملت زى ما كل الناس قالتلك.. فعلا كنت هأنفخهم, أقله خبطة بـTorque-Steer هتشخرمهم.. وتكمل فرك وتمشى عاااااااادى جدا..
لأنى بأتعصب بسرعة, ومش بقدر أمسك نفسى الصراحة..

بس أحترمت فيك أوى:
- احترامك وتقديرك لوجود والدك معاك..و انك كملت ومشيت من غير ما تقف..
فعلا, كما قال الرسول الكريم (ص)
"....الشديد الذى يملك نفسه عند الغضب"

**dolly13** · 22-12-2011 12:50 PM

الحمد لله انها جت بسيطة لكن حضرتك اتعرضت لمعدات كتير اوى جرار وكارو وموتوسيكل يعنى كويس اوى ان ماكنش فيه دبابة كانت كملت لكن بامانة كان لازم فعلا تكوم بتاع الموتيسكل ده طالما غلطان وقليل الادب كمان

**medo111** · 22-12-2011 02:29 PM

وباء دول وباء عالم مقرفه
تلقيه ماشي جمب العربيه من ورا ويخليك مش عارف تتحرك ولو ابتديت تكسر يقولك مش تحاسب وتبتدي قله الادب
استغفر الله العظيم

**twinsrashed** · 22-12-2011 03:28 PM

احييك بصراحة على هدوئك و فى الظروف الى زى دى اتبع نظرية انا قاعد فى عربيتى و دى ناس معفنة و مش حنزل من مستوايا و اتعاريك على شتيمة مبتلزقش انا شايف ان اللى حضرتك عملتوا ده عين العقل و كبر دماغك و انزل بالعربية عادى و استمتع ان ربنا كرمك بعربية ماشاء الله حلوه و احسن من الناس دى بكتير :)

**KemozTanta** · 22-12-2011 05:12 PM

انسي اللي حصل خلاص انت لو نزلت الشارع دلوقتي لا هتفتكره ولا هيفتكرك .. كل يوم بيحصل مليون موقف زي دا و انت كتمت غيظك ودا الصح و التصرف السهل انك تميل علية ببوز العربية ترمية ع الارض وتمشي في طريقك لكن متزعلش علي تصرف يخليك محترم قدام نفسك واوعي تقول انك اتصرفت غلط. وانسي الموضوع خلاص انا مرة اتخانقت مع سواق تاكسي وكان هو الغلطان وبيقل ادبة كمان بس هو صعب عليا ليه؟؟ لانه جاهل ميعرفش وميفهمش غير الطريقة دي في الكلام ثانيا اكيد بيحقد علي اللي راكبين ملاكي.. وفي النهاية سبتة ومشيت

**mohamed_rhem** · 22-12-2011 07:17 PM

معلش

في سعات الواحد بيتصرف في مواقف عكس ما هو عايز

يعني صدقني لو واحد اتهور وفعلا عمل اللي بتقول عليه

وحد جراله حاجه اكيد مكنتش هتسامح نفسك انك اتسببت في عجز حد او قتل حد

علي فكرة انا كنت بطل من ابطال الكونغ فو من اكتر من 12 سنة

وياما كان بيعمل مشاكل لكن لما العمر بيعدي والواحد بيكبر ويعرف ان الواحد لو اتهور

ومشي ورا تهوره ممكن تكون النتيجة كارثية

فداك الف رفرف والحمد لله انك بخير

-

الموضوع: اول حادثة بالعربية الجديدة . قصاد بلطجى . احكموا بقى !

LinkBack

أدوات الموضوع

عرض

-

-

-

-

-

المواضيع المتشابهه

لا حول ولا قوة إلا بالله..عملت حادثة بالعربية النهارده

عملت حادثة وطلعت بالعربية فوق الرصيف ! !

عملت حادثة بالعربية

انا عملت حادثة بالعربية

النجدة يا أهل الخبرة: عملت حادثة بالعربية

الكلمات الدلالية لهذا الموضوع

المفضلات

المفضلات

ضوابط المشاركة