الياباني احسن من الالماني ...... ونظام الفرامل الجديد

**AhMeD MeTwAlY** · 22-12-2011 12:04 AM

بما ان عربيتي في فترة التليين فبركب ميكروباص وانا رايح الجامعه الصبح وانا راجع المهم طالع زي اي يوم بصبح علي عربيتي وهي يوقفه في المدخل ونزلت ركبت مشروع وبعدين نزلت الموقف ركبت ميكروباص لحد كده اليوم عادي وطبيعي ركبت في الكنبة الي هي قبل الاخيره وناس بتتكلم عن المظاهرات وناس بتتكلم عن الانتخابات وناس بتهزر مع بعضها والحياة مووز
المهم الناس الي بتتكلم في العربيات بيتكلمو في الانواع بيقوله التويوتا برقبت البي ام انا سمعت الكلمه دي وجالي صدمه وقالي علي شوية عربيات تويوتا الي هي الدفع الرباعي وشوية مركات انا مش عارفها بيتكلم عن الفخامه والسرعه والانطلاق من الصفر للـ100 كيلو
طبعا صاحبه بيتكلم التويوتا ولي الانسر عربيات جامده فبكلمه ازاي يا جماعه الالماني الماني بردو قالي لا الماني ايه عربيات تقيله سمعت الكلمه دي وسكت قولتله انا اسف
شوية وبيتكلمو عن نظام مانع الانزلاق فالتاني بيقوله عارفه مش ده الي بيخلي العجل يلف عكس اتجاه يعني لو ماشيه لقدام ودوست فرامل العجل يلف لوره

هو في نظام جديد نزل

؟
هو الشعب ده مش هيبطل فتي بقئ؟

**eldell** · 22-12-2011 12:21 AM

ههههههههههههه كنت حضرتك سالته لما تيجى تحود انى عجل الى بيلف الى قدام والا الى ورا وكنت عشت شويه احب انا الناس ديه

**KHALED AYMAN** · 22-12-2011 12:25 AM

فعلا فى نظام جديد بيعمل كده و ده من ابتكار شركه fatayeen و دى المانى
واسم النظام gwy
اختصار كلمه god with you
لان النتيجه معروفه بمجرد ما النظام يشتغل :)

**AhMeD MeTwAlY** · 22-12-2011 12:27 AM

المشاركة الأصلية كتبت بواسطة eldell

ههههههههههههه كنت حضرتك سالته لما تيجى تحود انى عجل الى بيلف الى قدام والا الى ورا وكنت عشت شويه احب انا الناس ديه

معلش بقئ كنت لسه الصبح الساعه 8 وبكون طالع مخنوق عشان العربيه نايمه وانا رايح مواصلات بس الناس دي فعلا لازم الواحد يكون فايق وليك عليه اسألهم المره الجايه

**AhMeD MeTwAlY** · 22-12-2011 12:30 AM

المشاركة الأصلية كتبت بواسطة khaled ayman

فعلا فى نظام جديد بيعمل كده و ده من ابتكار شركه fatayeen و دى المانى
واسم النظام gwy
اختصار كلمه god with you
لان النتيجه معروفه بمجرد ما النظام يشتغل :)

هههههههههههههه
بس النتائج فعلا هتبقئ مببهره

**egytamer** · 22-12-2011 03:24 AM

الشعب المصري بيحب الفتي في اي حاجة ولية حجاتو المقدسة الي مبيقتنعشي غير بيها.

**mohdfouda** · 22-12-2011 03:35 AM

هوا مش فتى ده خيال علمى حضرتك هوا تلاقى كان عنده بسكلته زمان اللى بيثبتوا الترس اللى ورا ده فلما يبدل عكس اتجاه التبديل البسكلته بتقف فهوا تلاقيه متاثر بها شويه واللى يعيش ياما يشوف

**amrico** · 22-12-2011 06:13 AM

انا اعرف ناس بالنسبة ليهم اللانسر البومة هي القمة في العربيات وطظ في الرولز رويس
مع كامل الإحترام لمالكي البومة

**modo88** · 22-12-2011 06:50 AM

المشاركة الأصلية كتبت بواسطة amrico

انا اعرف ناس بالنسبة ليهم اللانسر البومة هي القمة في العربيات وطظ في الرولز رويس
مع كامل الإحترام لمالكي البومة

اه والله فعلا علي رايك ناس كتير عندها الانسر بومه قمة العربيات
وتلاقيهم بيشبهوها باجمد العربيات ولو حد راكب لانسر عمل حركه غباء ف الشارع مثلا يقولك ياعم حقه دا راكب لانسر بجد حاجه مسخره :d
وعجبني حوار انك بتحلم بمدينة مفيهاش لانسر بومه مبادئك ماشيه مع مبادئي
لاني بجد بكرهااااااااا اوووي ولو قعدت اقول من هنا لبعد خمسميت سنة بكرهااا يانااااس:d