مساء الخير علي وحوش اللوجان واتمنى ليكم دوام الصحة والستر .. كنت عايز اخد رأيكم في احسن مركز صيانة اعمل عنده ال5000 (أي والله 5000 ف 8 شهور) وكمان كنت هاغير العتب اليمين عشان اتشلفطت .. وعشان انا من سوهاج و اقرب فرع للتوكيل ف اسيوط اكتشفت ان مافيهوش سمكرة ( ماعرفش ازاي توكيل مافيهوش سمكرة) ف قررت اروح القاهرة وامري لله .. وعشان شقتي ف حدايق الزيتون لقيت اقرب مراكز صيانة ليا الميكانيكين ف جوزيف تيتو و فرنش ف شارع احمد عصمت .. من فضلكم افتونى انهى الافضل من واقع خبراتكم وتجاربكم ولكم جزيل الشكر
هو فرنش موتورز أسمع أنه أحسن بس أنا ما اتعاملتش معاه
بس هل فرنش موتورز فيه سمكرة؟
أنا جربت فرع القطامية و ممتاز خدمة تليق بمالكي رينو
جرب تكلم الهوت لاين بتاع رينو أسألهم
استاذ هانى شكرا لردك أ اتصلت النهاردة بالميكانيكيون حوالى 5322 مرة علي ال 3 ارقام ماحدش رد و جربت اتصل بفرنش ردوا عليا وقالولى ممكن نغير العتب بس بالطلب .. أما التوكيل نفسه فالاخ اللي بيكلمنى قاللي روح العبور او المقطم ( اعتقد ماعندوش فكرة عن فرع القطامية) بس الحمدلله العتب مش غالي 386 بالضريبه .. ارجوكم يا جماعة افيدونى فرنش ولا الميكانيكين
انا بصرحة معرفش انهو الافضل بس رائ اللي يخليك تضرب مشوار القاهرة كمله لغاية العبور او القطامية- روح للوكيل و بلاش مركز خدمة - انما لو فى فرق فى السعر روح لمركز طبعا
و سوءال لاستاذ هانى انت ايه رايك فى فرع القطامية؟ تنصحنى اروحه و لا العبور افضل؟
عفواً يا باشا ع أيه ده أحنا وحوش زي بعض :Copy of m-s5:اقتباس:
المشاركة الأصلية كتبت بواسطة wassim_nasser
بص يا باشا شكل فرنش موتورز بيعمل الصيانات الخفيفه و ممكن تدوخ معاه عشان موضوع العتب ده ، و بالنسبة لموضوع أن القطامية ما بيعملش سمكرة مش متأكد من الموضوع ده و ممكن تسألهم عليه برضه و لو طلع ما بيعملش سمكرة عليك و ع العبور عدل
اقتباس:
المشاركة الأصلية كتبت بواسطة haytham1542
يا جماعه هو مركز الخدمه يفرق كتير عن التوكيل ف الصيانات
طيب يا جماعه لو حد اتعامل مع الميكانيكين العرب يقولي هل كويسين ف الصيانات الدورية وبيعملوا سمكرة ولا لأ ؟ ولا اروح التوكيل وامري لله ؟ انا بس قلقان من التوكيل ف الزحمه والكروتة
لأ طبعا ولا دة ولا دة اكيد التوكيل افضل .
و انا رأيى بلاش توكيل انت ممكن تروح لأى صنايعى خارج التوكيل يعنلهالك افضل من التوكيل نفسه لأنى سمعت ان السمكرة بتاعة التوكيل وحشة .
و لو انت راجل توكيلاوى و خلاص يعنى هتعملها فى التوكيل يعنى هتعملها فى التوكيل يبقى روح فرع العامرية بالأسكندرية و اعتقد ان دة افضل توكيل لرينو فى مصر .
انا اتعاملت معاهم فى الصيانه الدوريه مش بطالين هما ميزتهم ان مافيش حجز وكمان شغالين الجمعه لكن موضوع السمكره ده ماعرفش ومانصحكش تعمل سمكره لا فى مركز خدمه ولا توكيل هيدبحوك على الفاضى انت تروح الحرفيين تشهيص نفسك سمكره ويمكن اقل من نص اللى هتدفعه فى التوكيل او مركز الخدمهاقتباس:
المشاركة الأصلية كتبت بواسطة wassim_nasser
خد الرقم ده واتصل بيه هيردوا علاطول 01111080888 ألميكانيكون العرباقتباس:
المشاركة الأصلية كتبت بواسطة wassim_nasser
انا معرفش فرنش موتورز بس جربت الميكانيكون العرب
يااااه يا عم كوركور فين ردودك من زمااان؟ انا اتشلت بالميكانيكين و فرنش مالقتش عندهم لا العتب و لا مجموعه البريك و حجزت ف التوكيل وبالمناسبه العتب ف التوكيل ب 385 جنيه شامله الضريبه يعنى مش غالية اوى بس انا اشكر الفرص السعيده اللي خلتك تشرف الموضوع