الشرطة شاده بغباء السنين !

**Deshahcoka** · 22-12-2011 02:16 AM

رجالة !!!!!!!

و بعدين في كميت الكماين و اللجان الي بقت في اماكن عشوائية و لا تمت بالمنطق بصله و مرور و مباحث .. انا موافق على المباحث لكن المرور بقى مستفز ... النور بيوقفوا عليه و لو الفوج زينون ولا احتى لمبة صفرا قوية يقلك مبهرة ... و بعدين اي خبطة في العربية يقلك امن و متانة ... و الحزام و الموبايل !!!!!!! كل ده لو ملقاش ملصقات و فاميه .... و العساكر رجعوا للعادة الزبالة تاني اخد نمر العربيات على الفاضي و المليان .... و انا قلقان من نقطة اخد النمر ديه عشان بيبقى فيها افتر ياخد النمر و يالف اي حاجة تيجي على مزاجه ....

اسكندرية بقت مستفزة ... و زحمة بسبب الموضوع ده

المنتزة في الرايح و الجي ... بعد 45 عن جاد في الرايح ... سان ستفنوا بحر رايح ... لاتينوا جليم في الجي ... عند سبورتنج ... عند المكتبة في الرايح ناحية المجمع ... في بحري في الاخر ... غير الترام عند سان و ابوقير بقى مرشق كل تقاطع كمين .... في اوقات مختلفة و اماكن مختلفة و عبط !!!!!!!!!!!

و بعدين يارب ده يعمل نتيجة و يخلي في امن و استقرار بس هما انا شايف انوا في متوسكلات ماشية من غير نمر على البحر على 12 النهاردة و بتاع 5 ! طيب دول ليه مش بيتمسكوا ؟!

**egytamer** · 22-12-2011 02:55 AM

عايزين المرور والبوليس يرجع كويس الناس بقت تمشي عكسي في كل مكان بكل غباء واستهتار للاسف احنا شعب مبيمشيش غير بالكرباج مينفعشي معانا الزوق طبعا الا ما رحم ربي.

**mhmdkhamis** · 22-12-2011 03:15 AM

خلاص بلاش تنزل المنتزه كتير يا معلم

**sherifahmed** · 22-12-2011 12:28 PM

بص هو انا مش اعرف اترجم اللى هاءولو بالعربى عشان هو تعبير اجنبى بالاساس
ur words are music to my ears

**ahmedaglan** · 22-12-2011 12:48 PM

طبعا حاجة تفرح والله
وربنا يكملها بالخير

**Deshahcoka** · 22-12-2011 01:46 PM

المشاركة الأصلية كتبت بواسطة mhmdkhamis

خلاص بلاش تنزل المنتزه كتير يا معلم

ههههههههههه مهوا الواحد لازم ينزل المنتزة كل يوم انتا عارف الاسكندرينية كلهم هناك :)

**Hyper3G** · 22-12-2011 02:13 PM

معلش نستحمل شويه .. كده ولا الاول لما كانت الدنيا سايبه عالاخر .. عربيات وموتوسيكلات من غير نمر .. سير عكسى .. انتظار عشوائى .. تثبيت وبلطجة .. الخ

كنا بنقول فين المرور فين الشرطة ؟؟ خليها علينا شوية لحد الدنيا ما تظبط :)

**Eng_hatemfathy** · 22-12-2011 02:20 PM

اللى بيحصل كويس بس لازم احنا كمان ناخد حقنا -ازاى يعنى مش اول وش من امين الشرطه نطاطى ونخاف-نظبط عربياتنا ونصلحها ونشيل المخالفات ونتكلم بجرأة وطبعا وده اول شىء بلاش نرجع تانى لفكرة خلص حالك بخمسين جنيه -يعنى لو غلطان ادفع مخالفه حتى لو اكبر ومتديش لحد حاجه علشان ميرجعوش انيل من الاول ده فى حالة انهم اصلا تابوا
ولازم كمان نتمسك بحقنا فى كتابة تفاصيل المخالفه يعنى التاريخ والساعة والمكان ولو حد حاسس انه اتظلم ياخد صورة من الايصال ويطلع بيه على القسم يعمل محضر اثبات حاله وده هينفعة لما يتظلم فى نيابة المرور عند التجديد
لو كل واحد عمل كده الناس دى هتشتغل اه بس صح وبضمير وهيعرفوا ان الشعب مش هيتركب تانى ومش مسموح ليه برده انه يمشى غلط

**hossam_elwani** · 22-12-2011 02:59 PM

ده كله جميل بس ياريت يحافظو على شعرة معاويه والا احنا الى حنقطعها معاهم

الموضوع: الشرطة شاده بغباء السنين !

LinkBack

أدوات الموضوع

عرض

-

-

المواضيع المتشابهه

موتور لادا مرشح زيت بغباء

موتور لادا مرشح زيت بغباء

موتور لادا مرشح زيت بغباء

موتور لادا مرشح زيت بغباء

العربية بتااااكل بنزين بغباء

الكلمات الدلالية لهذا الموضوع

المفضلات

المفضلات

ضوابط المشاركة