عرض جينز كار لصقور نيسان .. تنجيد قاعدة كرسى الصنى مجـــانا لغاية 25 يناير

**midorody** · 22-12-2011 04:41 PM

انا لسه مكلم ا/ احمد مشعل حالا ..... ايه الزوق والاخلاق دى بجد ان مشتاق اقابله من كلامة ليا
وشكرا لأعضاء المندى الكرام
كل يوم بنتعلم منكم جديد

**Dr'AhmZZong** · 22-12-2011 04:43 PM

المشاركة الأصلية كتبت بواسطة midorody

انا لسه مكلم ا/ احمد مشعل حالا ..... ايه الزوق والاخلاق دى بجد ان مشتاق اقابله من كلامة ليا
وشكرا لأعضاء المندى الكرام
كل يوم بنتعلم منكم جديد

فعلا راجل قمة في الاخلاق ..
و لا شكر على واجب يا باشا ده مكانك وبين اخواتك ..

**Bishoy.Girgis** · 22-12-2011 11:18 PM

مبروك مقدما لكل الاعضاء الاحباء اللي هيظبطوا عربياتهم بكره و متنسوش تسلموا لي كتير علي الحاج احمد مشعل

**Ahmed.TV** · 23-12-2011 01:34 AM

بكرة ان شاء الله حاجى عند الحاج احمد مشعل الساعة 3 عشان اشوفكم واكون معاكم
اللى اكد حضوره
احمد حازم حيعمل فرش
احمد محمود تنجيد
محمد نبيه تنجيد
محمد حسين تنجيد
محمد فوزى تنجيد
حسين جمال تنجيد

ولو حد حابب ينضم من الاعضاء اللى شرفونا المقابلة عشان التنجيد ده مجانا للاعضاء اللى حضروا المقابلة اهلا وسهلا .. ولو المعاد مش مناسب باقى الاعضاء اللى حضروا المقابلة وعايزين يرحوا وقت تانى يكلموا الحاج احمد ويظبطوا معاد معاه

وبخصوص تنجيد الفرش .. الحاج احمد بيفك الفرش والكسوة اللى راكبه اذا كان حد مركب كسوة وينجد الكسى وبيظبط الفوم الاصلى اللى فيه وبينجده وبيخليه طرى

فى موضوع كنت عامله بالصور على حرفية فك وتركيب الفرش عند الحاج احمد عشان الناس متقلقش
كان فاكك كراسى عربية اودى q7 تمن العربية دى اصلا داخل فى 2 مليون .. وفيها سخانات وكراسى مساج وبلاوى غير العربيات التقيلة والغالية اللى كل يوم عنده زى الباسات والاكتافيا والبى ام وغيرهم وغيرهم

الحاج احمد مش محتاج لشهرة الحمد لله .. وبصراحة الواحد بيوجهله شكر كبير وعميق على حبه الجارف للاعضاء نيسان وعلى دعمه لينا وتقديمه لعروض وخصومات خاصة لينا فى القسم

فدى فرصة لكل الحاضرين المقابلة وعرض فعلا ميتفوتش

لانه بيحاول معانا يحل المشاكل اللى بنواجها فى عربيتنا
ولسه فى مفاجاءة قريبة انه حيحلنا مشكلة العزل ويظبطهلنا باذن الله .. بس لما نلاقى تفاعل منكم معانا واهتمامكم بحل المشاكل دى

عشان مفكرش فى حل الكراسى وتنجيده او العزل وعمله ..واقوله عليهم وملاقيش اهتمام من الاعضاء

تحياتى للجميع

**Youssef.Awad** · 23-12-2011 01:57 AM

يا ابو حميد واحدة واحدة علينا عشان نقدر نفهم
انتوا رايحين بكرة الجمعة ولا السبت ؟!!
ارجو تحديد الميعاد بالزبط لأنه لو السبت يبقى كويس جدااااا وبالمرة ممكن اخد فكرة عن الفرش بالمرة بدل ما الراجل يفك الكسوة والكراسى مرتين يعنى خليهم الاتنين مرة واحدة تنجيد + فرش جلد بلونين

**Ahmed.TV** · 23-12-2011 02:11 AM

المشاركة الأصلية كتبت بواسطة atefadel

انا كنت بستفسر هل خصم 30% للنيسان فقط
ولاينفع اعمل فرش للكراسي وكسوة لللارض ل عربية المدام كيا بيكانتو

ارجوا الرد يا احمد بك وشكرا كتيرررررررررر

نمشى الخصم يا دوك ونخليه ينفع .. انت تؤمر .. لانه للمدام .. لان ممكن تزعل مننا وينزلك فرمان بعدم دخول القسم ههههههههههههههه دى الحكومة

انوى بس وكلمنى .. ولو حابب تيجى بكرة تتفرج على فرش البيكانتو مفيش مشكلة

المشاركة الأصلية كتبت بواسطة y2y1500

يا ابو حميد واحدة واحدة علينا عشان نقدر نفهم
انتوا رايحين بكرة الجمعة ولا السبت ؟!!
ارجو تحديد الميعاد بالزبط لأنه لو السبت يبقى كويس جدااااا وبالمرة ممكن اخد فكرة عن الفرش بالمرة بدل ما الراجل يفك الكسوة والكراسى مرتين يعنى خليهم الاتنين مرة واحدة تنجيد + فرش جلد بلونين

احنا رايحين بكرة جماعة
يوم السبت انا رايح مع بيشوى اتو ايجيبت عشان حيعمل صيانة

لو عايز تيجى تتفرج بكرة على الصور شغال مفيش مشكلة .. لان خالى بالك انت لو حتعمل فرش
مش بيخلص فى نفس اليوم
انت بتختار خامة الجلد .. والالوان .. وبيتفصل وبعد كدا بتيجى فى يوم تركبه
وبعدين انت لو بتعمل فرش كدا كدا بينجدلك وبيظبطلك الدنيا مع الفرش .. لان مينفعش يركب فرش من غير ما يظبطلك الكرسى ويخلهولك مريح ..

فا اللى حتعمل حيكون الافضل فعلا
شوف ناوى بكرة او السبت بعد بكرة او اى وقت بس ميكنش الاحد

وبعدين عايزك تجمد قلبك وانت بتتفرج على الكرسى بتاعك لان طالما مركب كسوة .. اكيد الفوم الاساسى بتاع الكرسى اتبهدل .. وبكرة تتفرج على الكسرى وحتلاقيه متبهدل بسبب الكسوة

وانا حرفعلكم صور للكسوات بتعمل ايه فى قالب الكرسى وبتبوظه ازاى عشان تصدقه بعنينكم

تحت امرك وامر الاعضاء فى اى خدمة