عرض جينز كار لصقور نيسان .. تنجيد قاعدة كرسى الصنى مجـــانا لغاية 25 يناير

**Bishoy.Girgis** · 23-12-2011 02:41 PM

المشاركة الأصلية كتبت بواسطة ahmed.tv

لو عايز تيجى تتفرج بكرة على الصور شغال مفيش مشكلة .. لان خالى بالك انت لو حتعمل فرش
مش بيخلص فى نفس اليوم
انت بتختار خامة الجلد .. والالوان .. وبيتفصل وبعد كدا بتيجى فى يوم تركبه
وبعدين انت لو بتعمل فرش كدا كدا بينجدلك وبيظبطلك الدنيا مع الفرش .. لان مينفعش يركب فرش من غير ما يظبطلك الكرسى ويخلهولك مريح ..

فا اللى حتعمل حيكون الافضل فعلا
شوف ناوى بكرة او السبت بعد بكرة او اى وقت بس ميكنش الاحد

وبعدين عايزك تجمد قلبك وانت بتتفرج على الكرسى بتاعك لان طالما مركب كسوة .. اكيد الفوم الاساسى بتاع الكرسى اتبهدل .. وبكرة تتفرج على الكسرى وحتلاقيه متبهدل بسبب الكسوة

وانا حرفعلكم صور للكسوات بتعمل ايه فى قالب الكرسى وبتبوظه ازاى عشان تصدقه بعنينكم

تحت امرك وامر الاعضاء فى اى خدمة

لأ سيبلي بقي الطلعة ديه يا احمد .. بص بقي يا يوسف الفرش بعد ما هتشيل الكسوة .. الكرسي اللي علي الشمال طبعا

خد بقي يا عم الموضوع كلما اهوه عشان تعرف الفرق بين الكسوة و التفصيل

http://www.nilemotors.net/Nile/203522-a.html

**Youssef.Awad** · 23-12-2011 02:51 PM

تسلم يا بيشو .. والله يوم المقابلة كنت ناوى اجرب القعدة عندك ونسيت من كتر الاحداث

**aladdin3d** · 23-12-2011 04:25 PM

كان نفسي احضر المقابلة دي واتعرف عليكو بس للاسف عملت حادثة بالعربية الاسبوع اللي فات وهي بظبط في التوكيل عشان اصلحها

**Sehsss** · 25-12-2011 08:19 PM

المشاركة الأصلية كتبت بواسطة aladdin3d

كان نفسي احضر المقابلة دي واتعرف عليكم بس للاسف عملت حادثة بالعربية الاسبوع اللي فات وهي بظبط في التوكيل عشان اصلحها

الحمد لله على سلامتك، وتتعوض المقابلة الجاية إن شاء الله

**asi2010** · 02-01-2012 01:36 PM

عايز عنوان المحل ؟؟؟

**Ahmed.TV** · 02-01-2012 02:27 PM

المحل عند يمين بنزينة شل فى شارع الطيران
جنب محل المنياوى بتاع البطاريات
ولو حد عايز حاجة ممكن يكلمنى وابعتله رقمى على الخاص

وبخصوص التخفضيات دى كانت فعلا للاعضاء اللى حضروا المقابلة والحاج احمد عند اسماء اللى حضروا واخدها يوم المقابلة

ولكن كان فى عضو كلم الحاج احمد وعمله استثناء .. بس طبعا مش حيكون كل مرة

وممكن التنجيد نعمل عليهم خصم للاعضاء اللى حابة تنجد كرسيها

وعلى فكرة تنجيد الكراسى لغاية دلوقتى لكراسى نيسان فقط .. لان عرفت من الحاج احمد انه مش بيعمل كدا لكل العربيات

وسبق وقولنا كل ده لحبه الجارف لقسم نيسان

**Youssef.Awad** · 02-01-2012 06:45 PM

وصفة تانية سهلة للقادم من جامع رابعة العدوية يفضل ماشى لحد ما يلاقى التأمين الصحى على يمينه وبعدها صينية كبيرة وتقاطع
يقطع الطريق ويكمل طوالى بعد الصينية ويمسك شمال
يفوت اول فتحة شمال ويدخل فى التانية يقطع الطريق ويدخل الشارع المقابل هيلاقى جينز كار فى تالت عمارة على اليد اليمين