المشاركة الأصلية كتبت بواسطة tito29
نقل الحركة من الموتور (و الفتيس) للعجلة الخلفية يكون عن طريق أحد ثلاث خيارات:
1. ترس أمامي و جنزير و ترس خلفي و ده أللي موجود في معظم الموتوسيكلات
2. عمود كردان و كرونة خلفية و ده في معظم الكروزرز التقيلة يعني من 750 سي سي و أنت طالع. و ده منقول من عالم السيارات و مميزاته أنه طويل العمر و قليل الصيانة بس لا يناسب القيادة الرياضية السريعة لذا غير متوافر في الريس بايك
3. سير جرمطاطي علي 2 طنبورة و ده موجود عادة في الكروزرز الأمريكي و ميزته أنه ناعم في السير جدا و لا يحتاج شد كل فترة زي الجنزير العادي
يارب أكون قد أفدتك