حصري بالصور .. مركز اتو ايجيبت ابورواش الجديد باحدث الاجهزة لتشخيص الاعطال

http://img823.imageshack.us/img823/7117/logofinalj.jpg
اتو ايجيبت
استحقت بجدارة لقب افضل وكيل لسيارات نيسان فى مصر
فقد استطاعت فى فترة بسيطة جذب الكثير من العملاء باسلوب ادارتها الواعى والمتميز
والذى يهتم دائما بخدمة العملاء وتلبية كافة احتياجاتهم ومتطلباتهم
وقد قدمت اوتوايجيبت الى جانب تميزها كأفضل موزع معتمد لسيارات نيسان فى مصر
اضافة جديدة نتوقع لهم ايضا الكثير من التميز بها

وهى اقامة مركز صيانة جديد
يضم احدث الاجهزة لعلاج كافة اعطال السيارات
وهذه الاضافة هى دليل اضافى على اهتمام اوتوايجيبت بعملائهم الذى لم يتوقف عند البيع وخدمة ما بعد البيع
بل امتد ليشمل كافة الصيانات والاعطال التى ربما تظهر بمرور الوقت

مركز الخدمة الجديد فى ابورواش
انشأ على اعلى مستوى من التجهيزات
كما انه يضم احدث المعدات والاجهزة لتشخيص الاعطال وحل المشاكل
باكفأ الفنين مدربين على احدث الاجهزة

صور المركز

http://img27.imageshack.us/img27/2186/cimg3293i.jpg

الاستراحة .. للانتظار وقت عمل الصيانة
وفيها زجاج يبين اعمال الصيانة فى السيارة
والاستراحة مجهزة بانترنت وشاشة لتوضيح مراحل الصيانة اللى بتم فى السيارة
وايضا مجهزة بلتيفزيون

http://i1117.photobucket.com/albums/...r/100_4338.jpg

مكان للمدخنين

http://i1117.photobucket.com/albums/...r/100_4341.jpg

شاشة تببين امامك اللى بيتم فى السيارة .. وصلت لفين فى مراحل الصيانة فى الورش

http://img833.imageshack.us/img833/5475/cimg3235u.jpg

مكان العاب للاطفال

http://img233.imageshack.us/img233/8152/cimg3237l.jpg

مكاتب مهندسين الاستقبال

http://img641.imageshack.us/img641/6275/cimg3238.jpg

مكان الانتظار للعملاء لحين التحدث مع مهندس الاستقبال

http://img684.imageshack.us/img684/9002/cimg3240h.jpg

كوبون مجانا
لمشروبين وباتيه

http://img832.imageshack.us/img832/6647/cimg3245a.jpg

مخزن قطع الغيار

بالنسبالى كان ثانى زيارة لى للمخزن

اول مرة كنت موجود لوحدى بدون الاعضاء واثناء جولتى فى المخزن كان موجو وفد يابانى من المصنع
وعرفنى عليهم العضو المنتدب لشركة اتو ايجيبت
وقالهم انى من نايل موتورز وبقوم بتقييم المكان مثلهم

ووجدت انهم منبهرين بالمخزن وبطريقة التخزين فيه المدروسة بنظام وبحجم المخزن

والجولة التانية كانت مع اعضاء النايل فى المخزن .. وابدوا اعجابهم وانبهارهم مثلى تماما ايضا

http://img809.imageshack.us/img809/2007/cimg3273l.jpg

http://img809.imageshack.us/img809/2923/cimg3274d.jpg

الاسانسير بيوصل قطع الغيار من المخزن الرئيسى الارضى الى المخزن الفرعى اللى بيخدم الورش فى الاعلى

http://img163.imageshack.us/img163/5568/cimg3276d.jpg

المخزن الفرعى اللى بيخدم الورش

http://img195.imageshack.us/img195/569/cimg3278h.jpg

الورشة الكبيرة للاعمال الصيانة الكبيرة

مثل تغير المساعدين او اعمال الصيانات الكبيرة فى السيارة
واعمال الكهرباء

http://img716.imageshack.us/img716/3001/cimg3248z.jpg

احدث جهاز ظبط زوايا هنتر بالليزر

http://img856.imageshack.us/img856/6894/cimg3250b.jpg

الورشة الحالية للصيانات السريعة ..
وبيتم فيها كل شى حاليا لحين الانتهاء من الورشة الكبيرة

ولو تلاحظوا فى الصورة :36_9_4:

ان كاوتش السيارة وهو مفكوك مش مرمى على الارض .. معلق فى دولاب العدة

وكمان لو تلاحظوا الارض مفهاش نقطة زيت على الارض :S_thum1[1]:

وأيضـا

بيتم فحص السيارة من الفنيين فى الورشة فحص دقيق جدا للسيارة بالكامل
وايضا الفنى بيفحص اسفل السيارة والماتور بكشاف نيون عشان لو فيه تسريب اي سوائل يبان

http://img215.imageshack.us/img215/3715/cimg3256.jpg

دولاب عدة لكل عامل جنب كل كوريك

http://img37.imageshack.us/img37/125/cimg3259b.jpg

كل مسمار فى السيارة ليه عزم معين مذكور فى مانيول العربية .. فبيتم الربط بذراع العزم .. اكن العربية طالعة من المصنع
وفعلا ده حسيته فى عربيتى بعد ما ارتبطت العفشة فيها
صورة ذراع العزم

http://img202.imageshack.us/img202/7489/cimg3261k.jpg

جهاز لظبط الانوار اتوماتيكيا

http://img21.imageshack.us/img21/7614/cimg3263t.jpg

جهاز هنتر للترصيص

http://img16.imageshack.us/img16/9494/cimg3264h.jpg

بيصنفر التيل وبيشحمه + بيتم تنظيفه باسبراى تنظيف مخصص لتيل الفرامل

http://img37.imageshack.us/img37/9596/cimg3266o.jpg

http://img805.imageshack.us/img805/4089/cimg3270m.jpg

http://img864.imageshack.us/img864/4987/cimg3268.jpg

جهاز الرن اوت
عشان الطنابير .. بيقيس بيه حالة الطنابير

http://img221.imageshack.us/img221/2684/cimg3269.jpg

جهاز خرط الطنابير
جهاز امريكي بيمسح الطنبوره بيقيس السمك بشعاع ليزر بيخرج من اداة قياس الجهاز و بيزبطوا سمك المسح من الجهاز من خلال زرار بتبين الرقم
وطبعا ده انظف من الخرط اللى بنعمله بره عند اى خراط ومش بياكل فى الطنابير زى الخرط العادى اللى بياكل فى الطنابير

http://img526.imageshack.us/img526/6785/53264057.jpg

بيتم تزويد مياه المساحات بجلانس +ميااه عادية
وليس مياه فقط

وايضا قربة مياه الردياتير بيتم تزودها
بمياه خضرا وليس مياه عادية

http://img526.imageshack.us/img526/4940/cimg3225i.jpg

http://img502.imageshack.us/img502/2598/cimg3229.jpg

عند الانتهاء من اعمال الصيانة فى السيارة
بيسقبلك مهندس الاستقبال ويسلمك السيارة قبل ما تدفع حساب الصيانة فى الحسابات وبيتاكد معاك من اتمام وحل كل ملاحظاتك عن السيارة قبل الصيانة
وايضا ما تم من اعمال الصيانة فيها

وبعد ذلك بيوضحلك الفاتوره بهدوء وبابتسامة وبيوجهك الى مكان الخزينه
على عكس اى مكان اخر بيخليك تدفع الحساب قبل ما تطمن وتعرف ايه اللى حصل فى السيارة وحد يجرب معاك

:S_thum1[1]::S_thum1[1]::S_thum1[1]:

فى النهاية

اتمنى ان التقرير يحوز على اعجابكم
وهذا تقرير مبدئى وسريع

لحين عمل تقرير كبير ومفصل بكل التفاصيل عن المركز ..
عند انتهائهم من باقى التجهيزات

وبتمنى التوفيق لاتو ايجيبت
والاستمراية فى هذه الحرفية فى اعمال الصيانة ودورة العمل بهذه الطريقة
والاهتمام بالعملاء وارضائهم بهذا الشكل المشرف لهم ولنا

وبشكر مدير الصيانة
المهندس احمد الرزاز على سعة صدره
فى تلقى الاستفسارات من اعضاء نايل موتورز
وصبره فى حل كل المشكلات على خير وبتأنى

تحياتى للجميع

http://img163.imageshack.us/img163/1811/flagti.jpg

احمد مصطفى
منسق قسم نيسان

تقرير ولا اروع يا عم أحمد .. فعلا مركز محترم .. ويستحق كل التقدير ..

شكرا على التقرير الأكثر من رائع يا أستاذ أحمد وشكرا لفريق نيسان في نايل موتورز على هذه الزيارة لمركز أوتو إيجيبت وأنا صراحه بفكر أعمل أول صيانه بعد شراء العربيه عندهم وهي صيانة ال 35000 كم ، فهل عادي إني أنتقل من مركز صيانه ( السبع ) لمركز آخر ( أوتو إيجيبت )
وبخصوص الأسعار أسعار الصيانات وقطع الغيار أغلى أم أقل ؟
وبخصوص الخصومات الخاصه بالمنتدى بتكون كام ؟ وكمان كنت عايز منك إستيكرات المنتدى وأنا كنت ناوي أخدها منك في المقابله اللي فاتت بس كنت مرتبط بمواعيد كتيره أوي وإن شاء الله أحضر المقابله اللي جايه وأشوف واتعرف على الأعضاء المحترمين أوي وعلى سيادتك ، بس لو ممكن أقابلك وأخد الاستيكرز في أي مكان تحدده أكون شاكر وأنا للعلم عملي بالمعادي وسكني ببنها .

وشكرا

استااااااااذ ورئيس قسم
تقرير عجبنى جدا والله ... والمركز رااااائع من الصور ... شغل اجنبي خالص :)
وبالتوفيق لاتو ايجيبت

تقرير ممتاز جدا من إنسان محترم .. بارك الله فيك.:S_thum1[1]:
وبالنسبة للمركز .. واضح جدا الإهتمام والنضافة .. بس يارب يفضلوا كده علطول.
إلا صحيح يابو حميد :
إذا كان ده كله تقرير مبدئي وسريع .. أومال التقرير الكبير المفصل هيبقى عامل إزاي !!

احتراف نادرا ما تجده فى مصر شكرا على التقرير

اقتباس:

---

المشاركة الأصلية كتبت بواسطة ahmddomar

شكرا على التقرير الأكثر من رائع يا أستاذ أحمد وشكرا لفريق نيسان في نايل موتورز على هذه الزيارة لمركز أوتو إيجيبت وأنا صراحه بفكر أعمل أول صيانه بعد شراء العربيه عندهم وهي صيانة ال 35000 كم ، فهل عادي إني أنتقل من مركز صيانه ( السبع ) لمركز آخر ( أوتو إيجيبت )
وبخصوص الأسعار أسعار الصيانات وقطع الغيار أغلى أم أقل ؟
وبخصوص الخصومات الخاصه بالمنتدى بتكون كام ؟ وكمان كنت عايز منك إستيكرات المنتدى وأنا كنت ناوي أخدها منك في المقابله اللي فاتت بس كنت مرتبط بمواعيد كتيره أوي وإن شاء الله أحضر المقابله اللي جايه وأشوف واتعرف على الأعضاء المحترمين أوي وعلى سيادتك ، بس لو ممكن أقابلك وأخد الاستيكرز في أي مكان تحدده أكون شاكر وأنا للعلم عملي بالمعادي وسكني ببنها .

وشكرا

---

أول حاجة نورت يا بيه قسم نيسان ..
تاني حاجة بقى عادي جدا تتنقل بين أي مركز صيانة لنيسان إن شاء الله لو كان في اسوان ..
قطع الغير عندهم سعرها حلو . وده تقرير بالخصومات
http://www.nilemotors.net/Nile/259753-a.html
طبعا الخصومات ده بالاستيكر بس . و أستاذ ahmed .tv معاه كل حاجة ..

اقتباس:

---

المشاركة الأصلية كتبت بواسطة ahmazong

أول حاجة نورت يا بيه قسم نيسان ..
تاني حاجة بقى عادي جدا تتنقل بين أي مركز صيانة لنيسان إن شاء الله لو كان في اسوان ..
قطع الغير عندهم سعرها حلو . وده تقرير بالخصومات
http://www.nilemotors.net/nile/259753-a.html
طبعا الخصومات ده بالاستيكر بس . و أستاذ ahmed .tv معاه كل حاجة ..

---

شكرا لك أخي الكريم على سرعة ردك ، والقسم منور بكم وبأعضائه ، وأنا راسلت الأستاذ أحمد على الخاص ورد علي وإن شاء الله أقابله وإن كان ده هيشغله بس الكل هنا بيشيد بتعاونه فجزاه وجزاكم الله كل خير

أحمد أنت أستاذ

أنت بتعرف تعمل التقارير أزاي؟؟؟ ا

ناوي أروح في صيانه ال5000 بأذن الله



:S_thum1[1]::S_thum1[1]:

ايه يا عم احمد التقرير الجامد ده .. ده متفصص كأني روحت اوتوايجيبت .. متشكر يا ريس علي الشرح الوافي ده .. و فعلا اوتوايجيبت يستاهلوا اكتر من كده بكتير لأنهم فعلا شركة في غاية الاحترام اذا كان في تعاملهم مع العميل او في شغلهم المنسق

ما شاء الله يا احمد تقرير ممتاز كالعادة
فعلا دلوقتي بس حسيت إني غلطت لما مرحتش الصيانة الأخيرة عندهم ، ملحوقة إن شاء الله بس المهم يحافظوا على المستوى على طول

استاذ ومنسق قسم
بإذن الله هاروح الأسبوع الجاي أعمل صيانة الستين

اقتباس:

---

المشاركة الأصلية كتبت بواسطة ehabvet

استاذ ومنسق قسم
بإذن الله هاروح الأسبوع الجاي أعمل صيانة الستين

---

علي كده ممكن نتقابل
احتمال اكمل 60000 برضو
شكرا عالتقرير الممتاز ومبروك علينا اتو ايجبت
بس هو العنوان ايه

تسلم أيدك يا جميل علي التقرير المفصل وفعلا زي بيشوي ما قال كأننا كنا هناك

ححاول أحجز عندهم السبت 31 / 12 لصيانة ال80000 بأذن الله

شكله محترم اوى اوى ويارب كل مراكز صيانة نيسان تبقى بالمستوى الراقى ده

احنا مش محتاجين نروح مركز الصيانة خلاص
المركز جالنا لحد عندنا :-))
ما شاء الله مركز رائع ومجهز بشكل متكامل واهتم فى تجهيزه براحة العملاء وارضاءهم ومتابعتهم للعمل بسياراتهم
يوما بعد يوم يزداد تقديرنا واحترامنا لاوتوايجيبت ونتمنى ان تستمر بالعمل على نفس المنوال الراقى
شكرا منسقنا على التقرير الرائع :-))

تسلم الايادي يابو حميد هلي التقرير الممتاز ده والله
بجد كفيت ووفيت
و فعلا فخرو والله بمكان زي ده ياااااااارب يفضل بنفس تفوقه والي الامام دايما يااااااارب

اقتباس:

---

المشاركة الأصلية كتبت بواسطة zeznia

علي كده ممكن نتقابل
احتمال اكمل 60000 برضو

---

دا انا يبقى ليا الشرف يا أستاذ خالد
حتى نعرف نقعد مع بعض شويه لأن يوم المقابلة كان زحمه ودسم حبتين
أنا ممكن أروح قبل ما أكمل الستين

اقتباس:

---

المشاركة الأصلية كتبت بواسطة ahmed.tv

http://img215.imageshack.us/img215/3715/cimg3256.jpg

---

بجد ياشباب الناس فعلا دقيقه جدا جدا جدا في شغلها و في المعدات اللي بتستخدمها
انا بحكم شغلي باخد بالي من ادق التفاصيل في اي مكان بدخله و ياسلام لو ورشه زي دي لاني من هوات العدد و شغل بالايد فطبعا اخدت بالي من كل فتفوته في التوكيل و كل مسمار بيتحط فين و كده
وانا واقف و لاقيت الكاوتش علي استندات لوحده بصراحه انبسط جدا لانهم حتي بيوفروا علي العامل انه يحط الكاوتش علي الارض و يشيله من الارض لان المجهود تقريبا بيبقي الضعف انك توطي و تشيله من الارض عن انك تشيله من نص المسافه و بعدين مظهر جمالي ايضا
هما في الجهاز اللي بجانب كل كوريك بتاع العده لاقيت في طبقين استانليس واحد كبير و واحد صغير الكبير ده بيحط فيه الاجزاء اللي فكها و الصغير ده للمسامير و خلافه علشان مافيش حاجه تضيع منه
اللي لفت نظري بقي و ده المهم مسامير الكاوتش بتتحط فييييييين سؤال كان مطروح في ذهني لحد مالاقيت له الاجابه اللي انبهرت منها اوي اوي اوي
الجهاز اللي معاهم ده في طاسه صغيره في الجنب كده بتتمسك في المسامير بمغناطيس جامد (مموجوده في الصوره تحت علي الشمال الجزء الاستانلس الصغير ده)
واحد هاييجي يقولي مالجزء ده كده كده موجود في الجهاز هاقوله ماهو موجود في الجهاز ماشي موجود في الجهاز بس للي يستخدمه بقي لان ببساطه ممكن العامل في غفله يحطهم في اي حته و بعدين يرجع بقي يدور عليهم
بصراحه التوكيل تحفه بكل المقاييس و بيهتم بكل التفاصيل الصغيره قبل الكبيره و ده مهم جدا في ترتيب الشغل و سهوله و اليسر في التنفيذ

:S_thum1[1]: كالعادة تقرير تحفة من تقاريرك اللى بتتحفنا بيها يا ابو حميد :S_thum1[1]:
والى الامام دائما اتوايجيبت ونيسان وطبعا ده جزء من المركز ولسه فاضل بقى الورش الخاصة بالسمكرة والدوكو وغيرها من الصيانات الكبيرة وكمان ادارة اتوايجيبت كلها اللى هاتتنقل للمركز فى ابو رواش زى ما صرح المهندس راجى يوم المقابلة المفاجآة
-----------------------------------------------

اقتباس:

---

المشاركة الأصلية كتبت بواسطة M.Nabeeh

ناوي أروح في صيانه ال5000 بأذن الله



:S_thum1[1]::S_thum1[1]:

---

5000 كم !!! ... يابنى حرام عليك كده العربية موديل 2011 والسنة خلصت ولسه ما جبتش اول 10 الاف
انا عربيتى مستلمها فى 6-2010 قبل اخر 2010 كنت عامل صيانة ال20 الف وقبل ما ارخص السنة التانية كنت عامل ال40 الف :first: .. ها مين يحب يشد معايا :36_9_4:

اقتباس:

---

المشاركة الأصلية كتبت بواسطة zeznia

علي كده ممكن نتقابل
احتمال اكمل 60000 برضو
شكرا عالتقرير الممتاز ومبروك علينا اتو ايجبت
بس هو العنوان ايه

---

اقتباس:

---

المشاركة الأصلية كتبت بواسطة hossam_zaky

هاحاول أحجز عندهم السبت 31 / 12 لصيانة ال80000 بأذن الله

---

اقتباس:

---

المشاركة الأصلية كتبت بواسطة ehabvet

استاذ ومنسق قسم
بإذن الله هاروح الأسبوع الجاي أعمل صيانة الستين

---

انا حاجز يا جماعة ميعاد صيانة ال60.000 كم باذن الله مع اتوايجيبت يوم السبت 31-12-2011 وكمان هاركب عازل الكبوت
لو اتجمعنا كلنا يومها يبقى كويس وملحق لمقابلة الجمعة اللى مالحقناش نقعد فيها مع بعض :S_thum1[1]:
ومش بعيد نتفق مع احمد مصطفى ويجيلنا كمان :U_thin1[1]:

اقتباس:

---

المشاركة الأصلية كتبت بواسطة ahmddomar

فهل عادي إني أنتقل من مركز صيانه ( السبع ) لمركز آخر ( أوتو إيجيبت )
وبخصوص الأسعار أسعار الصيانات وقطع الغيار أغلى أم أقل ؟
وبخصوص الخصومات الخاصه بالمنتدى بتكون كام ؟ وكمان كنت عايز منك إستيكرات المنتدى وأنا كنت ناوي أخدها منك في المقابله اللي فاتت بس كنت مرتبط بمواعيد كتيره أوي وإن شاء الله أحضر المقابله اللي جايه وأشوف واتعرف على الأعضاء المحترمين أوي وعلى سيادتك ، بس لو ممكن أقابلك وأخد الاستيكرز في أي مكان تحدده أكون شاكر وأنا للعلم عملي بالمعادي وسكني ببنها .

وشكرا

---

ازيك يا استاذ احمد يا بلدياتى ..
موضوع انك تنقل الصيانة من مكان لمكان تانى مفيهوش اى مشكلة .. الاهم راحتك فى المكان اللى بتعمل فيه صيانة عربيتك واصلاح اعطالك وممكن اوى تعمل زى تاريخ للعربية كده فى ورقة وتطلب من المركز الجديد اضافته لملف العربية عندك لأنه طبعا التوكيل القديم مش هايديك ملف عربيتك
على سبيل المثال انا غيرت كاوتشات مساعدين وضفيرة فى صيانة ال40 وكلاكس فى ال45
وعلى فكرة اسعار الصيانات وقطع الغيار ثابتة فى كل التوكيلات ومسعرة مسبقا من قبل نيسان مصر بما فيهم مصنعيات التركيب كمان والفرق بيكون فى نسب الخصم والعروض المقدمة من كل توكيل او مركز
لو امكن وقابلت ابو حميد قبل حضرتك - مثلا - ممكن ابقى اجيبلك منه استيكر المنتدى والقسم ونتفق على مكان نتقابل فيه ويكون اقربلك :hihihi:

تفرير جميل من شاب جميل
ارجو انهم يحافظو على مستواهم ويتقدمو كمان وكمان ويريت باقى الوكلاء يغييرو منهم ويطورو نفسهم علشان الكل يستفيد

اقتباس:

---

المشاركة الأصلية كتبت بواسطة ehabvet

دا انا يبقى ليا الشرف يا أستاذ خالد
حتى نعرف نقعد مع بعض شويه لأن يوم المقابلة كان زحمه ودسم حبتين
أنا ممكن أروح قبل ما أكمل الستين

---

الشرف لينا والله يادكتور
انا دلوقتي ماشي في ال59000
وكل الصيانات في السبع وعايز اجرب حد جديد
عموما لما تيجي تحدد معاد كلمني عالخاص وربنا يسهل واكون فاضي
كمان انا نسيت اخد ستكر نايل موتورز من احمد ومش عارف كده مش هاخد خصم
اعمل ايه بقي عايز الاستكر

ايه ده دالرجاله كلها هنا
يوم 31-12 اعتقد ممكن يكون مناسب
ايه رايك يادكتور ايهاب
نحجز الزاي بقي
واعملوا حسابي في استكر نايل موتورز

اقتباس:

---

المشاركة الأصلية كتبت بواسطة y2y1500

:S_thum1[1]: كالعادة تقرير تحفة من تقاريرك اللى بتتحفنا بيها يا ابو حميد :S_thum1[1]:
والى الامام دائما اتوايجيبت ونيسان وطبعا ده جزء من المركز ولسه فاضل بقى الورش الخاصة بالسمكرة والدوكو وغيرها من الصيانات الكبيرة وكمان ادارة اتوايجيبت كلها اللى هاتتنقل للمركز فى ابو رواش زى ما صرح المهندس راجى يوم المقابلة المفاجآة
-----------------------------------------------



5000 كم !!! ... يابنى حرام عليك كده العربية موديل 2011 والسنة خلصت ولسه ما جبتش اول 10 الاف
انا عربيتى مستلمها فى 6-2010 قبل اخر 2010 كنت عامل صيانة ال20 الف وقبل ما ارخص السنة التانية كنت عامل ال40 الف :first: .. ها مين يحب يشد معايا :36_9_4:










انا حاجز يا جماعة ميعاد صيانة ال60.000 كم باذن الله مع اتوايجيبت يوم السبت 31-12-2011 وكمان هاركب عازل الكبوت
لو اتجمعنا كلنا يومها يبقى كويس وملحق لمقابلة الجمعة اللى مالحقناش نقعد فيها مع بعض :S_thum1[1]:
ومش بعيد نتفق مع احمد مصطفى ويجيلنا كمان :U_thin1[1]:




ازيك يا استاذ احمد يا بلدياتى ..
موضوع انك تنقل الصيانة من مكان لمكان تانى مفيهوش اى مشكلة .. الاهم راحتك فى المكان اللى بتعمل فيه صيانة عربيتك واصلاح اعطالك وممكن اوى تعمل زى تاريخ للعربية كده فى ورقة وتطلب من المركز الجديد اضافته لملف العربية عندك لأنه طبعا التوكيل القديم مش هايديك ملف عربيتك
على سبيل المثال انا غيرت كاوتشات مساعدين وضفيرة فى صيانة ال40 وكلاكس فى ال45
وعلى فكرة اسعار الصيانات وقطع الغيار ثابتة فى كل التوكيلات ومسعرة مسبقا من قبل نيسان مصر بما فيهم مصنعيات التركيب كمان والفرق بيكون فى نسب الخصم والعروض المقدمة من كل توكيل او مركز
لو امكن وقابلت ابو حميد قبل حضرتك - مثلا - ممكن ابقى اجيبلك منه استيكر المنتدى والقسم ونتفق على مكان نتقابل فيه ويكون اقربلك :hihihi:

---

اقتباس:

---

المشاركة الأصلية كتبت بواسطة zeznia

ايه ده دالرجاله كلها هنا
يوم 31-12 اعتقد ممكن يكون مناسب
ايه رايك يادكتور ايهاب
نحجز الزاي بقي
واعملوا حسابي في استكر نايل موتورز

---

قشطة بالمهلبية

اقتباس:

---

المشاركة الأصلية كتبت بواسطة zeznia

ايه ده دالرجاله كلها هنا
يوم 31-12 اعتقد ممكن يكون مناسب
ايه رايك يادكتور ايهاب
نحجز الزاي بقي
واعملوا حسابي في استكر نايل موتورز

---

:S_thum1[1]::S_thum1[1]::S_thum1[1]: انا كمان النهاردة 59000
يبقى عالبركة .. ميعادنا يوم السبت 31-12-2011 باذن الله
على فكرة انا حاجز الساعة 9 صباحا

اقتباس:

---

المشاركة الأصلية كتبت بواسطة y2y1500

5000 كم !!! ... يابنى حرام عليك كده العربية موديل 2011 والسنة خلصت ولسه ما جبتش اول 10 الاف
انا عربيتى مستلمها فى 6-2010 قبل اخر 2010 كنت عامل صيانة ال20 الف وقبل ما ارخص السنة التانية كنت عامل ال40 الف :first: .. ها مين يحب يشد معايا :36_9_4:

---

هاتخسر علي فكره لو انا اتكلمت :00020191:

اقتباس:

---

المشاركة الأصلية كتبت بواسطة walidadel

هاتخسر علي فكره لو انا اتكلمت :00020191:

---

:duh: ليه بس انت عامل 150 الف كم فى 4 سنين يعنى 40 الف فى السنة زيى يعنى :ma:

اقتباس:

---

المشاركة الأصلية كتبت بواسطة y2y1500

:duh: ليه بس انت عامل 150 الف كم فى 4 سنين يعنى 40 الف فى السنة زيى يعنى :ma:

---

ايه ياعم الرقم ده انت مش متابع ولا ايه دلوقي بقوا 156800 حاجه كده و تعالي يوم 31-12 اقولك كام بالظبط مع الاخذ في الاعتبار ظروف السنه دي و الدنيا هاديه شويه :dontudear:

اقتباس:

---

المشاركة الأصلية كتبت بواسطة walidadel

ايه ياعم الرقم ده انت مش متابع ولا ايه دلوقي بقوا 156800 حاجه كده و تعالي يوم 31-12 اقولك كام بالظبط مع الاخذ في الاعتبار ظروف السنه دي و الدنيا هاديه شويه :dontudear:

---

ايه ياعم وليد .. انت قالبها تاكسى العاصمة ولا ايه ؟ هههههههههه

اقتباس:

---

المشاركة الأصلية كتبت بواسطة y2y1500

ايه ياعم وليد .. انت قالبها تاكسى العاصمة ولا ايه ؟ هههههههههه

---

يارييييييييييييييييت كان زماني عديت مع اللي عدوا ياعم يوسف .... يلا الحمد لله علي كل حال :36_1_1[1]:

ممتاز يا احمد

نتمنى استمرار النجاح لاوتو ايجيبت

اقتباس:

---

المشاركة الأصلية كتبت بواسطة bassamhafez

ممتاز يا احمد

نتمنى استمرار النجاح لاوتو ايجيبت

---

:verygood::verygood::verygood:

شاكر لتقدير الاعضاء .. واسف على انقطاعى الفترة اللى فاتت

وباذن الله لما ورشة السمكرة تكتمل والشو روم عندهم يجهز ويخلص .. حوفيكم بصور جديدة باذن الله

واى عضو محتاج يدعم تقريره عن الصيانة فى مركز اتو ايجيبت بصور ممكن ياخد من التقرير ده او تقارير الاعضاء اللى فيها صور ..
وقريب باذن الله حنعمل موضوع مجمع فيه كل تقارير الاعضاء عن مركز اتو ايجيبت عشان يكون مرجع ليكم للتقييم

تحياتى للجميع

اقتباس:

---

المشاركة الأصلية كتبت بواسطة ahmed.tv

شاكر لتقدير الاعضاء .. واسف على انقطاعى الفترة اللى فاتت

وباذن الله لما ورشة السمكرة تكتمل والشو روم عندهم يجهز ويخلص .. حوفيكم بصور جديدة باذن الله

واى عضو محتاج يدعم تقريره عن الصيانة فى مركز اتو ايجيبت بصور ممكن ياخد من التقرير ده او تقارير الاعضاء اللى فيها صور ..
وقريب باذن الله حنعمل موضوع مجمع فيه كل تقارير الاعضاء عن مركز اتو ايجيبت عشان يكون مرجع ليكم للتقييم

تحياتى للجميع

---

فى انتظار تقرير كامل عن مركز اتوايجيبت بعد اكتماله تماما
وكمان تجميعة لكل مواضيع صيانات وتقارير الاعضاء فيه :top_posters:

اقتباس:

---

المشاركة الأصلية كتبت بواسطة Ahmazong

أول حاجة نورت يا بيه قسم نيسان ..
تاني حاجة بقى عادي جدا تتنقل بين أي مركز صيانة لنيسان إن شاء الله لو كان في اسوان ..
قطع الغير عندهم سعرها حلو . وده تقرير بالخصومات
http://www.nilemotors.net/Nile/259753-a.html
طبعا الخصومات ده بالاستيكر بس . و أستاذ ahmed .tv معاه كل حاجة ..

---

بجد تقرير ممتاز
بجد كل مواضيعك جميلة
تسلم ايدك

اى دة !!!:plusone1::plusone1:
ماشاء الله تقرير ولا ارووع .. بجد شغل عااااااااااالى (الله ينور) وجزاااك الله كل خير .. وفعلا أنا لازم اعمل تقرير برضك عن مركز (ه-ق) علشاااااااااااان تعرفوا قد اى اننا متطوريين زيكووا برضك !!:36_1_31:
تسلم ايدك يااستاذ أحمد .

بصراحه تسلم ايدك وانت شجعتني اني اروح اعمل تشيك على العربيه بتاعتي بس محتاج أعرف


السعر التقريبي للصيانه لسياره صني 2008 عامله 70000 كم وكيفيه الحجز ؟

ولو عاوز اغير زيت فتيس اوتوماتيك يكلف كام ؟؟

ولو عاوز تيل فرامل خلفي يكلف كام ؟؟