حاجة غريبة مع نقل الغيارات!

**elmoski** · 22-12-2011 07:35 PM

عندي حاجة غريبة ومش عارف دتفسيره اية- الحكاية باختصار ان لو انا قرصت علي النقلة حبة يعني جيت انقل علي rpm4 اول ما اشيل رجلي من علي البنزين عشان اغير النقلة صوت الموتور بيفضل عالي للحظات علي الرغم اني ببقي شايل رجلي من علي البنزين وحاططها علي الدبرياج‎ ‎ياريت لو حد عندة تفسير عربيتي a113

**kimocyc** · 23-12-2011 12:03 PM

دواسة البنزين كهربة مش واير..

يعني لو ضغط بنزين وشيلت رجلك مرة واحدة في وضع الواير.. العربية حتنتش عشان البوابة كانت مفتوحة وقفلت فجأة.. لكن مع الدواسة الكهرباء بتفضل البوابة مفتوحة وبتقفل شيء فشيء عشان متحسش بالنتشة.. طبيعي

**khaled_Saga** · 23-12-2011 01:01 PM

المشاركة الأصلية كتبت بواسطة kimocyc

دواسة البنزين كهربة مش واير..

يعني لو ضغط بنزين وشيلت رجلك مرة واحدة في وضع الواير.. العربية حتنتش عشان البوابة كانت مفتوحة وقفلت فجأة.. لكن مع الدواسة الكهرباء بتفضل البوابة مفتوحة وبتقفل شيء فشيء عشان متحسش بالنتشة.. طبيعي

كلام سليم .. الدواسات الكهربا اكيد استجابتها ابطأ بعض الشىء من الواير .. لو حضرتك ركبت لانوس مثلا (دواسة واير) هتفهم الكلام ده
ثانيا حرام عليك تقرص على الغيار لحد الار بى ام 4 (يعنى لو فى حالة الغيارات الاقل من الغيار الخامس)

**elmoski** · 23-12-2011 01:37 PM

ربنا يطمنكم ومتشكر علي المعلومة دي ونا والله مش بقرص علي النقلات الا وقت الحاجة فقط

**kimocyc** · 23-12-2011 01:48 PM

واحب اطمنك لما بتنقل على 4 ميعتبرش قرص.. هي محاولة للحصول على اكبر عزم فقط مش اكتر.. وساعتها حتلاقي العربية بتطير مش بتمشي..

**hugan** · 23-12-2011 02:47 PM

النقل علي 4 ار بي ام طبيعي مش حمل علي الموتور والفتيس

**elmoski** · 23-12-2011 06:24 PM

هو اية حساس الدبرياج ده ? واية علاقته بدواسة البنزين طيب

**kimocyc** · 23-12-2011 07:43 PM

المشاركة الأصلية كتبت بواسطة osa92003

مع احترامى للجميع ده حساس السرعه اللى تحت دواسه الدرياج عايز يتظبط و

مع احترامي لرأي حضرتك.. الكلام مش صحيح.. لسبب بسيط.. رجلاش حساس الدبرياج وهو الصوباع الموجود تحت الدواسة مسئول فقط عن النتشة اللي بنحس بيها واحنا ماشين احيانا.. وليس صوت الموتور.

وعلى فكرة فيه فرق بين حساس السرعة وسويتش الدبرياج :)

**khaled_Saga** · 23-12-2011 09:14 PM

المشاركة الأصلية كتبت بواسطة kimocyc

مع احترامي لرأي حضرتك.. الكلام مش صحيح.. لسبب بسيط.. رجلاش حساس الدبرياج وهو الصوباع الموجود تحت الدواسة مسئول فقط عن النتشة اللي بنحس بيها واحنا ماشين احيانا.. وليس صوت الموتور.

وعلى فكرة فيه فرق بين حساس السرعة وسويتش الدبرياج :)

كلام سلام مية فى المية حساس الدبرياج ده بتاع التنتيشة وعن تجربة وملوش اى علاقة بالار بى ام او صوت الموتور