والاجازة دى بدون مرتب ولا اعتيادى
عرض للطباعة
رسيتم علي ايه ؟؟؟
حنتجمع كام ؟
شنوري هيشرف عندنا .... يا دي الهنا ... يا دي الهنا
طيب انا عندي اقتراح يا رجاله اننا نغير المره دي ونروح زيزو نتانه
ومتقلقوش اللي مش عارفه هنعمل وصف تفصيلي للمكان وهو اصلا قريب من بحه
الميزة في زيزو نتانه ان اكله سندوتشات يعني ارحم من اكل بحه اللي الطبق كله برسيم (كسبره) على رأي mrwho1982
الميزة التانية انه في مكان واسع وهادي مقارنة بشارع بورسعيد وليالي الحلمية والقهاوي هناك كتير
الميزة الأكبر بقى ان الركن هناك اسهل والأماكن كتير لأنه امام باب الفتوح يعني كله يقدر يركن على سور باب الفتوح اللي ماسك الشارع من اوله لآخره
على العموم اي مكان انا معاكم دة مجرد اقتراح
انا جاي ان شاء الله مع جبهة المهندسين :d
رجاله بحري هاينورو كايرو :)
بس المره الي فاتت كلت و فصلت بطريقه مريبه و اتفرمت و انا سايق كنت مهنج :d
الاكل عند بحه مره واحده في الحياه عشان المناعه بس :p
فارما راشق
إن شاء الله جااااي .. وإحتمال أعدي على ميت غمر أشقط ماجيفر ف السكة
وأعدي على طنطا أشقط سمير ووسام والصعيدي لو يحب
وأعدي ع المحلة أشقط حبيبي خالد أيمن
... وأي حد ف السكة أهلا وسهلا .. شنطة الانسر واسعة
وبالنسبة للمكان
أنا بقول نتجمع كلنا في أي حتة الأول .. ونروح نعاكس البنات ع الكورنيش
والحج أحمد يقف يصورنا من بعيد وإحنا بننضرب .. أهي حاجة للذكرى
المكان مش مشكلة .. المهم التجمع الأول
رستوا على إيه؟؟؟
انا مؤيد لزيزو عشان الوسع والهدوء ومكان غير العادة
معاكو في اي حته يا رجاله بس يا ريت نحدد قبل بليل