عروض عليا لانسر شارك 2009 اتوماتيك بس ...

السلام عليكم اول مرة ادخل قسم الياباني و ميتسوبيشي سابقا كنت في قسم الماتريكس ثم الكروز ثم اونو و بايك هوندا :) المهم :
معروض عليا لانسر شارك 2009 اتوماتيك ب 55,000 جم بس كانت داخلة في رصيف و بوظت حاجات كتير من تحت و الراجل صلحها ب 15,000 جم بس المشكلة ان صاحبي لما بيسوقها بيقولي بيسمع اصوات فيها لما بيدوس بنزين و كده و مش معروف الصوت ده من ايه بالضبط بس بيجيب بيها 140 و بتمشي تمام معاه بس الاصوات من ايه مش عارفين المهم ايه رأيكم اوديها لميكانيكي يشوفهالي و يقولي اخدها ولا لأ ولا انتم رأيكم ايه ارجوكم افيدوني فيها علشان انا متعلق بيها اني هركب شارك و بالسعر ده فشايفها فرصة بصراحة بدل ما اجيب فيرنا او تيريوس 2000 او اسبيرانزا و الفئة ديه فالشارك بالتأكيد فئة مختلفة خالص
رأيكم ايه و الخلاصة :U_thin1[1]:

بصراحه انا من رأي ابعد عنها خالص وما تفكرش فيها لانها غريبه جدا بالسعر دا وممكن تكون الخبطه واصله للشاصيه
الا لو انت متمسك بيها يبقى وديها فحص كمبيوتر وشوف ايه النتيجه
بس نصيحه فكك منها
دي لو بومه سعرها مش هيكون كدا !!!

اقتباس:

---

المشاركة الأصلية كتبت بواسطة vtc

بصراحه انا من رأي ابعد عنها خالص وما تفكرش فيها لانها غريبه جدا بالسعر دا وممكن تكون الخبطه واصله للشاصيه
الا لو انت متمسك بيها يبقى وديها فحص كمبيوتر وشوف ايه النتيجه
بس نصيحه فكك منها
دي لو بومه سعرها مش هيكون كدا !!!

---

انا معاك جدا فعلا بلاش السعر يغريه بدل ما يجيب حاجة و يلبس فيها على طول و لما يعوز يبعها متعرفش و يلاقى الخبطة ديه مسمعه فى حاجات تانية .

انا بفكر اوديها لميكانيكي يشوفلي ايه نظامها
و بصراحة سعرها مغري جدا جدا :) ديه لو بوما مش هتبقي كده
فأيه بقي !!! :(

اقتباس:

---

المشاركة الأصلية كتبت بواسطة nouranwar

انا بفكر اوديها لميكانيكي يشوفلي ايه نظامها
و بصراحة سعرها مغري جدا جدا :) ديه لو بوما مش هتبقي كده
فأيه بقي !!! :(

---

بص لو انت عجباك قوى خدها اكشف عليها فى التوكيل و برده خلى ميكانيكى تبعك يبصلك عليها و خليه يقلبلك فيها و شوف الاتنين هيقولولك عليها ايه عشان لو الخبطة ديه كانت سمعت فى الشاسيه او لو كان الشاسيه اتلحم

صاحبها لية بيبعها بلسعر دة الا لو كان ملصمها ابعد اجيب عربية على قدي وتريحني بدل ما اجيب عربية تخليني اتجن نصيحة اخ

دى عاوزة سمكرى مش ميكانيكى .. هى غالبا متعدلتش كويس من تحت أو لسه محتاجه تغير نص قدمانى.

يا باشا السعر ده نازل قوى العربية كده فيها مش مظبوطه وممكن صاحب العربيه بيضحك عليك لان مش اى واحد يرضى يبيع عربيه زى دى بالسعر الا لو كانت العربية متضمره وهو ملصمها ياباشا انا لسه بايع العربية بتاعتى شارك 2008 من 3 شهور ب 124 الف جنيه فازاى انت بتقول ب 55 الف

ابعد عنها احسن اكيد فيها بلاوي

رصيف ايه اللى اضراره تتصلح ب 15000 ده شكله دمر وش العربيه

خلاص طالما رأيكم كلكم اني ابعد عنها فمليش نصيب فيها :(
طيب دلوقتي صاحبي شافلي شارك 2009 برضه ب 60,000 جم اتوماتيك بس كانت شغالة ايجار بالشهر مش باليوم و الافراح و كده فهوديها عند الميكانيكي يكشفلي علي الموتور و الجيربوكس و كده و لو قالي تمام هطلع علي السمكري يشوفهالي من تحت و لو قالي تمام هطلع انا اجربها و اشوف مشيها عامل ازاي و لو طلعت تمام و عجبتني هطلع بيها علي التوكيل و اكشف بقي علشان ابقي واخدها و انا مطمن ان شاء الله

ربنا يوفقك وابقى قولنا ايه النظام ما تنساناش عشان عايز اعرف الاسعار العجيبه الرهيبه دي وراها ايه

اقتباس:

---

المشاركة الأصلية كتبت بواسطة dreslam

ربنا يوفقك وابقى قولنا ايه النظام ما تنساناش عشان عايز اعرف الاسعار العجيبه الرهيبه دي وراها ايه

---

ربنا يخليك
بالتأكيد ان شاء الله علشان مبعملش حاجة غير لما استشيركم هنا الاول

انا مش متفائل بالعربيه اللى بتتأجر عاده بتبقى متهانه قوى من الناس اللى بتسقها لانهم مش بتبقى العربية فرقه معاهم ببصله

انا نفسى أعرف بتجيب الأسعار الغريبة ديه منين

اقتباس:

---

المشاركة الأصلية كتبت بواسطة ironhead

انا مش متفائل بالعربيه اللى بتتأجر عاده بتبقى متهانه قوى من الناس اللى بتسقها لانهم مش بتبقى العربية فرقه معاهم ببصله

---

انا مع حضرتك تمام بس هكشف عليها و اعمل اللي عليا و الباقي علي ربنا بقي

اقتباس:

---

المشاركة الأصلية كتبت بواسطة sonaserry

انا نفسى أعرف بتجيب الأسعار الغريبة ديه منين

---

والله العظيم انا متفاجأ زيكم بالضبط علشان كده بسألكم علشان تساعدوني و لو طلعت حالتها كويسة هبقي انا الكسبان في الليلة ديه

اقتباس:

---

المشاركة الأصلية كتبت بواسطة sonaserry

انا نفسى أعرف بتجيب الأسعار الغريبة ديه منين

---

هههههههههههههه انا والله نفسى اعرف بتعرف الاسعار دى ازاى

يا جماعة سوق المستعمل قلق جامد الأيام دي... يا ريت نكون حريصين و منستبعدش إحتمال إن ممكن تكون عربيات مسروقة و ورقها ملعوب فيه..
ربنا يستر على الجميع و ما تنساش الإستخارة و ربنا يوفقك لحاجة كويسة بإذن الله.

اقتباس:

---

المشاركة الأصلية كتبت بواسطة ahmedfd

يا جماعة سوق المستعمل قلق جامد الأيام دي... يا ريت نكون حريصين و منستبعدش إحتمال إن ممكن تكون عربيات مسروقة و ورقها ملعوب فيه..
ربنا يستر على الجميع و ما تنساش الإستخارة و ربنا يوفقك لحاجة كويسة بإذن الله.

---

انت بتتكلم كلام مظبوط جدا

اللى بيبيع اكيد مش مجنون. يعنى اكيد الحاجات دى فيها سر يا اما مسروقه او فيها مشاكل كتيره ممكن تصرف عليها إد كده و هو مش بينصب عليك لانه بيبيع بالسعر ده. اللى اقصده ان حضرتك شوف سعرها الطبيعى كام فى السوق و بعد كده يبقى فى رينج اعلى او اقل ٤ او ٥ الاف جنيه بالكتير و حتى فى هذه الحاله برضه تكشف عليها كويس لكن حضرتك بتكلم فى تلاتين اربعين الف جنيه. طب تيجى ازاى؟ ما كنش حد غلب :36_1_50[1]:

اقتباس:

---

المشاركة الأصلية كتبت بواسطة wshawky

اللى بيبيع اكيد مش مجنون. يعنى اكيد الحاجات دى فيها سر يا اما مسروقه او فيها مشاكل كتيره ممكن تصرف عليها إد كده و هو مش بينصب عليك لانه بيبيع بالسعر ده. اللى اقصده ان حضرتك شوف سعرها الطبيعى كام فى السوق و بعد كده يبقى فى رينج اعلى او اقل ٤ او ٥ الاف جنيه بالكتير و حتى فى هذه الحاله برضه تكشف عليها كويس لكن حضرتك بتكلم فى تلاتين اربعين الف جنيه. طب تيجى ازاى؟ ما كنش حد غلب :36_1_50[1]:

---

:S_thum1[1]: انا معاك جدا فى اللى بتقوله

وديها لميكانيكى بعد ما توديها لسمكرى بيفهم يقولك سليمه والا لا مكان الخبطه

رحت للراجل اول امبارح بيقولي انا وديتها تتصلح و تتعمل مضبوط و هبيعها علي 80,000 جم و تعالي اتفرج عليها لما تخلص قلتله ربنا يوفقك في بيعها و مشيت مش طالبة بصراحة بقي و ربنا يوفقه في بيعها ان شاء الله

و بالنسبة للتانية الايجار بيقولي الراجل ماضي عقد ايجار لغاية يوم 4-1-2012 و هكلمك لو مش هيجدد تيجي تتفرج عليها بصراحة يا رجالة قفلت منهم و لما قلتولي ابعد عنهمو كده انا قفلت اكتر رأيكم ايه !! استني ولا ارجع للفئة الاصلية بتاعتي ؟! علشان لو كده فيه قدامي اوكتافيا 99 ب 55,000 كاملة مانيوال فتحة سقف رايح اتفرج عليها النهاردة ان شاء الله و فيه اسبيرانزا 516 كاملة 2007 ب 48,000 جم و لقيت في فبريكة واحد حاطت اعلان علي m11 2010 كاملة و طالب فيها 47,000 جم
رأيكم ايه !!!

اه كدا ماشي ممكن تبص على الاوكتافيا وفي الرينج اللي انتا حاطه في كذا اختيار على فكره ان شاء الله حتلاقي بس بص الاول على الاوكتافيا

اوكتافيا 99 !!! حرام عليك هتلاقيها ماشية كتير قوى خليك فى موديل أحدث شوية

انا شكلي فقر بصراحة لقيت ابيزا 2006 جامدة و اول ما اتصلت بالراجل قالي اتباعت كانت ب 52,000 جم
و اتصلت بواحد معاه فيرنا اتوماتيك 2007 قالي اتباعت كان عارضها ب 48,000 جم
الاوكتافيا بكلم الراجل مش بيرد مش بقولكم شكلي مش هشتري عربيات قبل الجيش :(
اصحابي بيقولولي خليك في البولو 2001 هتبقي جامدة و كده رأيكم ايه ؟ عايز اخلص في عربية قبل ما ادخل الجيش

اقتباس:

---

المشاركة الأصلية كتبت بواسطة sonaserry

اوكتافيا 99 !!! حرام عليك هتلاقيها ماشية كتير قوى خليك فى موديل أحدث شوية

---

انا لو عليا اشتريها زيرو بس حضرتك المبلغ اللي معايا هو ال حاكمني 50,00 جم

بشكر جدا كل اللي شاركني و قاللي نصيحته في اني ابعد عن العربيات التعبانة اللي كنت بدور عليها :)
انا خلاص رجعت لأصلي كان معايا ماتريكس من سنة و شوية و بدور دلوقتي علي واحدة تانية تكون في حالتها اتوماتيك برضه و رفعت الميزانية من 50,000 جم الي 60-65,000 جم شكرا ليكم بجد :)

ربنا يوفقك وتلاقى حاجة تريحك

اقتباس:

---

المشاركة الأصلية كتبت بواسطة sonaserry

ربنا يوفقك وتلاقى حاجة تريحك

---

يارب شكرا ليك
:11_5_14[1]: :)

ربنا يوفقك وتلاقى عربية كويسة

اقتباس:

---

المشاركة الأصلية كتبت بواسطة bebo_mody_244

ربنا يوفقك وتلاقى عربية كويسة

---

يارب يخليك
شكرا ليك :)