الموضوع: قانون الخلع المصري....بين نصرة المرأة...وضياع حق الرجل..

امبارح قاعد في آمان الله باتفرج علي قناة الحياة..الجديدة..
قوم اية ...الاقي برنامج عن الخلع عدد القضايا ايلي وصل 250 الف قضية في السنة..

الضيوف كان دكتور ازهري ودكتورة في احدي مجالس الصلح الاسرية...

المهم ...الحوار بدأ بتعريف الخلع ...وهو عبارة عن اعطاء الحق للمرأة لانهاء العلاقة الزوجية ...لاي سبب....يارب حتي يكون ان جوزها مابقاش شكلة كويس او ظهر فجأة انة مش عاجبها ...دة طبعا غير باقي الاسباب ....وايلي من اغلبها انة ممكن يتخانق معاها او يخالفها في رأيها ...او مثلا مش عايزها تشتغل ...والخ..

طيب الكلام دة حلو قوي...وفي منتهي العدل...بس الاسلام زي ماعطي الزوجة هذا الحق..امرها بانها ترد علي الراجل المهر ايلي دفعه ...(عاجلة وآجلة)...

قانون الخلع حل مشاكل كتير قوي...يعني بدل ما كانت قضايا الاحوال الشخصية بتعيش في المحاكم سنين....بقت تخلص في شهور...والست تاخد حريتها ...وتترك الزوج في الشارع....
آة في الشارع....ازاي الكلام دة...

القانون بيقول ان الست ترد المهر....صح ...يعني حوالي ربع جنية...لان زي ما الناس كلها عارفة...مافيش مهور...والناس بتتشارك في فرش شقة الزوجية...

وتتنازل عن المؤخر...باعتبارة مهر مؤجل...تمام قوي....نص الناس ماعادش بيكتبوا مؤخرات...

امال فين المشكلة...

قايمة المنقولات....ايلي الزوج بيمضي عليها ...وهو مغصوب العينين مكبل اليدين....
القايمة دي...مالهاش علاقة بعقد الزواج خاااالص....وهي تعتبر دين علي الرجل وفي عهدتة...وعلية ان يرجع المفروشات وما تحوية القايمة...الي الزوجة بعد الخلع...

تعالو بقي نشوف القايمة دي بيبقي فيها اية...
المفروشات كلها ايلي اشترتها الزوجة ...مضاف اليها كل ما اشتراة الزوج
ذهب الزوجة ..الي هو الشبكة...
دة غير ان بيتم تقييم القايمة بمبلغ نقدي...يعني كل بند مقيم بمبلغ مادي...علشان الزوج الغلبان...يدفع القيمة النقدية ...لو حصل ان المفروشات دي استهلكت ...


يعني الزوجة....بتروح تخلع الزوج....وتقول للقاضي انا هاردلة المهر واتنازل عن المؤخر...زي الاسلام ما بيقول...
وترجع تطالب الزوج بالنفقة ...والشقة لو كانت حاضنة...والقايمة...

يعني الزوج المسكين ....ماعندوش غير الشارع ....

المشكلة طبعا مش هاتحصل الا اذا ...وصل الخلاف بين الزوجين لهذا الحد المأسوي..

طيب ازاي ايلي مقدم علي الزواج يقدر يحدد...اذا ما كانت زوجة المستقبل عاقلة وراسية ...وبنت ناس..ومش هاتنيمة في الشارع....

الظريف بقي ....ان الدكتور الشيخ ضيف البرنامج روي قصة عن احد سائلية...بيقول

ان في راجل جة قالة...انة كان في شقتة...وفي بنتين واقفين تحت الشباك وواحدة بتقول للتانية...انا جايلي عريس بس مش عاجبني...
فصاحبتها ردت عليها ...قالتلها ...يا خايبة هوفي حد لاقي عرسان...وبعدين اهوة جربية....لو ما عجبكيش .....ابقي اخلعية...وطبعا هاتقشطة لما تخلعه....


ياتري بقي....قانون الخلع دة...نصر مين ...وجة علي مين....وياريت بقي عرف المجتمع المصري في كتابة قايمة المنقولات...وايلي بسببها في رجالة بيدخلوا السجن...اة السجن...تنتهي...ويبقي عقد الزواج شرعي...

يعني الراجل..يجيب شقة ويفرشها ...علي قد امكانياتة...ويدفع مهر...وخلصنا علي كدة...

ربنا يستر علي المتجوزين.....ويرحم ايلي هايتجوز......

الأرقام دى كلها كلام فارغ
ولا يمكن أن تصل القضايا المرفوعه الى 1 على 20 من ذلك الرقم ( أنا من العاملين بهذا المجال )
وبعدين المحكمه لا تقضى بالخلع إلا بعد قيام الزوجه برد كل ما قدمه لها الزوج وكل ما يستطيع إثبات ملكيته له
والمحاكم تعرف جيدا أن القائمه ماهى الإ ضمان لحق الزوجه وليس أكثر
وبعدين الزوجه التى لا تريد العيش مع زوجها ( مع السلامه والقلب داعى لها )
وبعدين أنا من مؤيدى عدم إجبار الزوجه على الحياه مع زوجها رغما عنها
وذلك لأن الحياه الزوجيه لابد وأن تقوم على الموده و الرحمه ويتحيل تحقيق ذلك بالإكراه
يبقى تتطلق أحسن ما تقتله