هو عيب سواق فى الاساس و بردة عيب عربية... لو كانت العربية فيها فرامل abs و فيها مانع انزلاق esp كانت ممكن تفرق معاة.
عرض للطباعة
هو عيب سواق فى الاساس و بردة عيب عربية... لو كانت العربية فيها فرامل abs و فيها مانع انزلاق esp كانت ممكن تفرق معاة.
حمد الله على سلامته
وهو عيب سائق ممكن فى عربيات تانية فى اعلى مستوى مكنش بان العيب ده
اصلا العربيات الهيونداى تتفتقر الى الثبات من اول ما عملوها لحد الان عمرى ما سوقت عربيه هيونداى وحسيت بالامان بعد 100 كيلو فى الساعه
صاحب العربيه عومها بنفسه وهو طبعا غلطان
هو فى غلط على السواق وقدر الله وما شاء فعل بس معلش بردوا 120 مش السرعة الفتاكة اوى لانى ال100 الواحد بيبقى ماشى عليها وهو فى اى مكان وبتبقى الحياه مش وحشة اوى بفرنا طيب انا نفسى افهم الالنترا عربية عريضة وارتفاعها كلها مش كبير بالنسبة لعرضها وارتفاع بطن العربية عن الارض مش عالى زى الشاهين يعنى لا دة واطى شوية والمفروض ان الايرودينامكس بتاعها يساعد فى تثبتها و موضوع الرمل والمشاكل بتاعتة حصلت معايا لو ايدى رقصت بالدركسيون بس اقصى العربية تعوم لكن تتقلب
اكيد فى حلقة مفقودة فى الموضوع
أولا .. حمدا لله علي سلامة صديقك و فداه العربية و أي حاجة تانية
ثانيا.. أكيد هو غلطان للاتي :
1- أنشغل عن القيادة بقراءة ورقة أو موبايل و كان الاولي أنه يتوقف علي جانب الطريق لدقيقة او دقيقتين
2- التصرف كان عنيف جدا و مهما كانت العربية أو كانت امكانياتها كانت هاتتقلب
معلش مش عيب العربية خالص و بلاش نحمل الكوري أو أي فئة فوق طاقتها
علي رأي الشاعر :
"نعيب زماننا و العيب فينا ... و ما لزماننا عيب سوانا"
هو طبعا غلطة سواق بنسبة 50 % لانه ماشى 120 و سرح فى ورقة و نزل فى الرملة
ال 50 % التانية عيب عربية
العربيات اللى فيها عوامل سلامة ايجابية esp abs ebd asr بتتلافى غلطات السواقين لوحدها من غير تدخل السواق نهائى
يعنى فى حالتنا دى كان السيناريو اللى العربية حاتعمله مع نفسها بدون تدخل السائق هو
نقل كل قوة الفرامل على العجلات اللى على الاسفلت مع موازنة قوة الفرملة ما بين العجلة الامامية اللى على الاسفلت و العجلة الخلفية اللى على الرملة بنسبة ما تخليش العربية تلف
فصل العجلة اللى فى الرملة نهائى و عدم نقل قوة دفع ليها من الموتور
و بكده لو لف الدركسيون 180 درجة عمر ما العربية حاتعوم منه
على فكرة نفس الموضوع حصل مع زميلى فى الشغل بهوندا سيفيك 2010
كان بيفادى كلب على الصحراوى على 130 و لفة يمين و لفة شمال مع فرامل و نامت الحلوة على جنبها و على السقف بعد كده
و المضحك اكتر ان الموتور فضل داير بعد كده لغاية لما صاحب العربية بطلها
و الزيت نزل من فلتر الهوا و من الشكمان
عربيات تعبانة