السلام عليكم كل سنة وانتو طيبيبن يا جماعة انا كونت بسال على الماهيندرا سكوربيون حد عندة او يعرف معلومات عنها انا حاسس انها عربية بتاعة شغل بس مظلومة فى السوق قولت اسال الرجالة هنا اللى مش بيبخلو على حد بالاجابة وشكرا لتعبكم
عرض للطباعة
السلام عليكم كل سنة وانتو طيبيبن يا جماعة انا كونت بسال على الماهيندرا سكوربيون حد عندة او يعرف معلومات عنها انا حاسس انها عربية بتاعة شغل بس مظلومة فى السوق قولت اسال الرجالة هنا اللى مش بيبخلو على حد بالاجابة وشكرا لتعبكم
العربية دي تعبانة جدا و شكلها قمة في الاستفزاز خاصة المؤخرة تجيب انهيار عصبي :)
حاجه عيانه جدا و خساره فيها الفلوس
ماهيندرا
لا حول ولا قوة الا بالله
عربيه زباله انا ركبتها و الركوبه بتاعتها تحس انها هتجيبلك انزلاق غضروفى
و فاشله فى الصحراء و لما تقعد على الكنبة الخلفيه تحس انك مكفى على وشك
هذة ليس سيارة انها اداه تعذيب
تصميمها مالوش حل بشع
محتاجه اعاده هيكله
كائنك راكب ميكروباص الترامكو
لا اله الا الله مفيش واحد قال كلمة شكر واحد اكيد هى عربية فى البطاطس
ماهيندرا؟؟
أعوذ بالله من غضب الله
ممكن بتمنها تجيب 5 6 تكاتك و تبدل بينهم
انا سالت واحد هندي عليها قالي تاني شركة فى الهند بعد التاتا والتاتا اصلا زبالة غير كدة انت شايف العربية عاملة ازاي...محتاجة علاج طبيعي واعادة تاهيل
مع احترامي لجميع الاراء العربية دي محاولة هندي لعمل سيارة 4*4 وهي محاولة جيدة في المجمل ..شاسية زي الزلط يتحمل كل الاجهادات اللي ممكن تتعرض لها عربية دفع رباعي ومواتير يمكن اسؤها محرك ال2000 الفرنسي لكن الديزل كويس وموفر جدا في الاستهلاك بالنسبة للحجم والوزن بس مش عارف مصدرة اية
بالنسبة لراحة الجلوس العربية كويسة في الامام والكراسي بتتعدل تقريبا في كل الاتجاهات عدا الارتفاع ومساحات الجلوس معقولة للرجلين والدريكسيون بس يمكن تحس انك راكب ميكروباص اقرب منة لعربية دفع رباعي اما العربية ورا ماعرفش عنها حاجة بس المساحات كبيرة وتناسب الاسر الكبيرة لكن ماتتوقعش انك راكب باجيرو او لاندروفر او باترول لان الفرق كبير بس في العموم عربية كويسة وبجودة هندي تتحمل الهري وماتشتكيش بس خلي بالك من سعر اعادة البيع والخسارة وامداد قطع الغيار مع التوكيل الحاجات دي مهمة جدا وقبل كل شيءاستخارة وتوفيق الله دى اهم حاجة وربنا ييسرلك الخير
هي مشكلتها الرئيسية في تصميها (شكلها وحش جدا) أنا رأي أن التيجو أو الرينو داستر أرحم بكتير
دى شكل الجرار الزراعى من بره وجوه............الشركة اللى مصنعاها بتصنع جررات على فكره
هى دى التوكتوك بس ب اربع عجلات و ايه بى اس:cool (1):
ماهيندرا
عربية قبيحة وهربانة من التجنيد
شوفوا مع صحبى ديزل من سنه تقريبا ديزل جابت وش سلندر فى العيد ثانيا وانا فى شارع الثورة الناس هاديه الطريق وقف فجاءة الى راكب الماهنديرا جه يقف العربيه لم تقف خبط الى قدامه وهوة بيفاديه وطلع على الرصيف انا كنت فى الاتجاه المقابل ولم اكمل المشاهدة دة غير ان شكلها بشع
حرام الفلوس فيها دى ممكن اركبها لو كسبتها غير كدة ولا جنى ادفعة فيها
عربية شكلها يجيب انهيار عصبي ما بالك لو سايقها بقى .. كذا مرة شفتها عطلانة
وحشه جدااااااااااااااااااااااا
على فكرة اللى صممها مكنش معاة ميزان مية
وهوا دة الشعب المصرى
http://2.bp.blogspot.com/_ZfsG-DVCoP...a_scorpio_.jpg
http://pictures.topspeed.in/IMG/crop...t-3_600x0w.jpg
أنا كنت مفكرها صينى
طلعت هندى
العربية فعلاً شكلها مش حلو .. وغير مستساغه
بس خد بالك
ديه من العربيات القليلة جداً الملاكى الموجوده فى مصر
اللى على شاسيه مش على علب
حتى الشيروكى مش على شاسيه زيها !!!!
فأكيد قوية جداً وتستحمل
ومتهيألى انها عربية للخدمة الشاقة
مش للفسح والمنظرة والروشنة
بمناسبة الجرارات انت تعرف ان لامبورجينى شركة لصناعه الجرارات والعزاقات والآلات الزراعيه
http://www.nilemotors.net/Nile/255442-a.html
ويخلق مالا تعلمون
ربنا يسامحكم
داخل اقول كلمتين وقعتوني من الضحك
هي فعلا شكلها زبالة
ولكن لان اصلها نص نقل
يعني هي نص نقل ومتايفة اتعملت ملاكي عشان كدة شكلها قبيح
لكن شاسية انسي
تحط عليها حجارة بجد
شوف لو استخدامك مزارع وارياف ومش فارق معاك ضهرك دوس
بس الميكانيكا بتاعتها تعبانة على جسمها
يبقي الافضل ايسوزو دوبل كابينة وتتقفل بهارد توب
ههههههههههه
العربية دى من الاخر اتشركت
ههههههههه هى فعلا لغز :d
ما اجمل الكلام بدون عمل
السلام عليكم
طبعا انا متفق مع أراء معظم الزملاء ان شكلها مش حلو.
لكن الواحد يقول اللى ليه واللى علية
العربية دى اتعمللها تست درايف من واحد محترف (الاستاذ محمد شتا لو تعرفوه) وبيشكر جدا فى أدائها
ودة انطباعة الاول , واللى استمر معاة وزاد اعجابة بيها بعد حوالى أسبوع استخدام.
الراجل الى حد ما معجب بأدائها وماشتكاش من أى نشوفية مبالغ فيها فى العربية (طبيعى العربية لازم تبقى ناشفة , مفيش عربية 4*4 الا لازم تكون ناشفة حتى الشيروكى والرانجلر , انت مش راكب مرسيدس سيدان , فما بالك بالهندى )
فهى اجمالا كعربية دفع رباعى مناسبة جدا بالنسبة لسعرها , وامكانياتها مناسبة جدا كعربية دفع رباعى أساسا , وموتورها الديزل قوى ومناسب .
مايعيبهاش غير شكلها الغير جميل , وسعر اعادة البيع الغير معروف
تحياتى
العربية ديه تحس ان الهنود كانوا مستعجلين وعايزين يعملوا عربية وخلاص بتفكرني لما كنا بنرسم العربيات واحنا صغيرين مربعات فوق بعض
المهم اخر مرة كنت في الهند شفت ال Mahindra XUV اهي ديه بصراحة عربية شيك جدا من جوة ومن بره، مقدرش احكم علي الاداء عشان هما مشورين في السريع، بس تحس لنك راكب عربية
الله يسمحهم المستوردين بيستوردوا حثالة العربيات
الماهيندرا سعر البيع ملوش حل، بتنزل 40 او 50 الف مستريح لموديل 2011 - 2010
يعني خسارة من كل ناحية ، راكب مكعبات وخسران فلوس
اول مرة دخلت كابينة القيادة
اعتقد ممكن الخص الموضوع في ان ميكروباص تويوتا هاييس افضل من ماهيندرا 40 ضعف
عربية فاشلة