السلام عليكم جميعا عندي استفسار للخبراء بخصوص مشكلة عندي فى التيدا 2007 هي انى لو ماشى علي اي سرعة حتى ولو خمسين ستين وادوس فرامل خفيف ( تشعير) الاقى رعشة ورجرجة جامدة فى الدركسيون لكن لو دوست جامد مافيش اي مشاكل وعموما الفرامل كويسة وبتمسك كويس هى المشكلة فى الهزة دي بس
طبعا وللاسف رحت التوكيل ( مودرن ابو رواش) فقالو الى ان العربية محتاجة تغيير تيل وطنابير وحاجة اسمها تيش ميزان ماشى ياعم الحاج اتكل على الله وغير واتطوقت في بتاع 2400 جنيه تغيير ومصنعيات وغسيل وضريبة و العربية فضلت تطلع وتخش مرة الفنى ركب التيل والطنابير وما ضبطش الهواء والزيت دخلتهاله تانى لقيته بيزود زيت ؟؟؟؟؟ طب ازاي بتكشف على فرامل وتغير تيل وطنابير من غير ما تبص على الزيت ؟؟؟؟ المهم لقيتهم حطولى زيت dot3
وسلملى العربية ولقيت غطاء علبة الزيت مرمى تحت الكبوت- الافندي زود زيت وما قفلش غطاء الخزنة المهم العربية اتحسنت وكان فيه اصوات راحت ولكن وياللهول لسه الرعشة موجودة وبتزيد مع الوقت فياريت لوحد عنده حل للمشكلة دي غير انى اروح توكيلات تانى
- العربية قبل القصة دي كنت غيرتلها كوبلنج شمال استيراد ومقص شمال جديد مش اصلى - ارجو المشورة وشكرا للجميع