بوجيهات و سلوك بوجيهات

**mero100** · 23-12-2011 09:25 PM

قابلت سائق تاكسي ابيض ...كنت راكن في مكان و كان بالصدفه واقف جانبي ....سألته علي بعض استفسارات في العربيه .... من ضمنهم البوجيهات : قاللي ngk اتنين شمعه ممتاز ...قلتله بس 2 شمعه ملوش لازمه ....قاللي ازاي ده 2 شمعه ب 2 بوجيه لانه بيخرج شرارتين ..... قولت اسألكم هنا في المنتدي هل الكلام ده صح؟
كمان لقيته مركب سلوك بوجيهات نوبيرا سودا من غير غطاء معدن عند الموتور ...قاللي لان الاغطيه المعدن بتعمل مشاكل لما تلمس غطاء الفرن المعدن .....هل كلامه مظبوط؟

**MMamdouh** · 23-12-2011 11:08 PM

فيه حد يسال سواق تاكسى برضة؟؟

MMamdouh

**blazer** · 24-12-2011 01:58 AM

+999
مع الاحترام سواقين التاكسى شغالين بالبركه
اذا كان الصنايعيه واصحاب الورش معظهم بطيخ

**nice_bird** · 24-12-2011 04:10 AM

لا طبعا الفرق بين الشمعة والاتنين شمعة وهكذا في عمر البوجية نفسه الاتنين يقعد اكتر من الواحد وهكذا وكان في موضوع قديم بيشرح الكلام دا هنا في المنتدي

**mero100** · 26-12-2011 04:40 PM

ههههه.....طبعا كلكم هرتوني تريقه :-)
ماشي يا رجاله .....و بردو مردتوش علي الاسئله الفنيه اللي ف موضوعي
ماشي يا ممدوح ....ماشي يا مايلو ....ماشي يا بلازر :-)
انا حعملكوا موضوع جديد من غير سوااااااااااااق التاكسي
عمرو ابراهيم :-)

**mero100** · 26-12-2011 10:52 PM

المشاركة الأصلية كتبت بواسطة MMamdouh

فيه حد يسال سواق تاكسى برضة؟؟

MMamdouh

بصرف النظر عن سواااااق التاكسي الابيض يا بو حميد :-))
انا قريت ليك رد في موضوع في 2007 هنا في المنتدي و كان رأيك استخدام بوجيهات ngk اتنين شمعه بتوع الليجانزا للانوس ....ياريت تشرحلي الموضوع دة ..... , بردو ايه رايك في موضوع الجزء المعدن اللي في سلوك البوجيهات و اللي بيبقي عند صاجه الفرن ....هل تلامس الجزأين بيعمل مشكله ؟
تحياتي
عمرو ابراهيم

**MMamdouh** · 27-12-2011 01:02 AM

المشاركة الأصلية كتبت بواسطة mero100

انا قريت ليك رد في موضوع في 2007 هنا في المنتدي و كان رأيك استخدام بوجيهات ngk اتنين شمعه بتوع الليجانزا للانوس ....ياريت تشرحلي الموضوع دة

بعد تجارب كتير مع البوجيهات لقيت ان كلة زى بعضة... الواحد زى 2 زى 4...كل الفرق العمر الافتراضى فقط

البوجيهات ال2 شمعة بتاعت الليجانزا فيها مشكلة و عى ان راس البوجية صغيرة سنة فا سلك البوجيهات مبيقفلش عليها كويس فا بتهرب كهرباء و دة بيضعف الشرارة اللى المفروض تحرق خليط الهوا و البنزين

..... , بردو ايه رايك في موضوع الجزء المعدن اللي في سلوك البوجيهات و اللي بيبقي عند صاجه الفرن ....هل تلامس الجزأين بيعمل مشكله

اى كلام فى ودان علام... او بمعنى ادق... كلام تكسجية

MMamdouh