يا جماعه ياللي عندكو رينو فلوانس

**ahmed_ph** · 23-12-2011 10:53 PM

استأذنكم يا جماعه تجاوبوني على اسئلتي دي دلوقتي انا عندي رينو فلوانس وروحت بيها التوكيل عشان موضوع ان صوت الموتور عالي وسحبها تقيل المهم قالولي الاوربي كله صوت الموتور بتاعه عالي كده واما اجيب سرعات عالية والاقي صوت الموتور عالي بردو مفيش مشاكل هما قالولي كده المهم والمهندس بيسوقها قالي انت شكلك خدت مطب جامد اثر على الزوايا فهنظبتهالك المهم ظبتوها بس انا حاسس دلوقتي ان الباور تقل بعد الموضوع ده ياترى ليه هل فيه مثلا حاجه تقلت الباور ولا ده عادي بعد تظبيط الزوايا ولا هما لعبو في حاجه يعني دلوقتي وانا واقف كده يدوب مدور العربية بلف الدركسيون يمين وشمال بصعوبة هل ده عشان العربية واقفة ولا ايه ياريت تجاوبوني على الموضوع ده بعد اذنكم عشان لو كده اروحلهم تاني وشكرا

**GMakram** · 24-12-2011 12:16 AM

انا هكون من مالكى الرائعه فلوانس قريب وهى مع احد اصحابى وسوقتها كذا مره وسافرت بيها,هى فعلا سحبها تقيل شويه وصوت الموتور عالى بعض الشئ لكنه مش مزعج ده العادى
اما بخصوص الباور فانا فى حدود معرفتى ان من اكتر مايميز الفلوانس هى الباور الخفيف اللى بيتقل مع زياده السرعه لكن وانت واقف المفروض يكون خفيف اوى

تحياتى

**amr mokhtar** · 25-12-2011 07:12 PM

بالنسبة لصوت العربية
انا هحاول انى أشخص اللى انت حاسس به بعيدآ عن الأعطال
انا اول مرة ركبت العربية مكنتش بسمع صوت الموتور ... بعد شوية لما أخدت عليها و سوقتها كتير بقيت بسمعه بوضوح و أحيانآ بيجيلى الهاجس ان الموتور صوته بقه عالى
و برضه حاول تركب فلوانس تانية و تقارن الصوت
او حتى إستأذن منهم فى التوكيل إنك تركب عربية تانية فى الصيانة و قارن الصوتين ببعض

بالنسبة للسحب .. العربية تقيلة شوية فى سحبها بس مش ميتة يعنى

بالنسبة للدركسيون .. جرب تظبط ضغط الإطارات زى ما مكتوب على باب العربية و بإذن الله هتتظبط معاك

**Ahmed Anwer** · 27-12-2011 03:41 PM

لأ حكاية الباور دي غريبة جدا

لأن باورها خفيف جدا جدا ،، و هيا واقفة و علي سرعات قليلة

**ahmed_ph** · 28-12-2011 12:09 AM

المشاركة الأصلية كتبت بواسطة ahmed anwer

لأ حكاية الباور دي غريبة جدا

لأن باورها خفيف جدا جدا ،، و هيا واقفة و علي سرعات قليلة

دلوقتي على الواقف تقيل شوية اما اتحرك قبل العشرة ناعم جدا جدا بعد كده لغايت ال30 بيبتدي يتقل اكتر هل ده طبيعي كده النعومية دي مبحسهاش غير وانا بركن مثلا لكن غير كده بيبقى تقيل شوية فهل ده طبيعي وشكرا لردك