الموضوع: رايحين اتو ايجيبت يوم السبت .. مين يزود؟؟؟

المشاركة الأصلية كتبت بواسطة sameh_oo7

والله يا جماعة احلى ما فى اليوم ده هو انى اتعرفت على ناس محترمين جدا زيكم ... وياريت نرتب مقابله جديده تشمل جميع اعضاء قسم نيسان .
نيجى بقى لأسوء ما فى اليوم ______ انى مشيت اخر واحد + اوتو ايجبت معرفوش يحلولى اى مشكلة فى العربية وبالاخص موضو ع((abs)) اللمبة لسه منورة والفرامل ضاااااااااااااااايعة فده ان دل يدل على حاجة من الاتنين
( اهمال او خبره ضعيفة جدا ) علشان 5ساعات ونص فحص ومعملوش اى حاجه . فأنا مش هعمل تقرير علشان تقريرى هيبقى غير مرضى ( لأوتو ايجبت )

المشاركة الأصلية كتبت بواسطة autoegypt

الاستاذ سامح لقد تم عمل شكوى و رقمها كالتالى 01007 و سوف نقوم بالاتصال غدا الاربعاء 04-01- 2012 بعد المتابعة مع ادارة خدمات ما بعد البيع

المشاركة الأصلية كتبت بواسطة ahmed.tv

انا مكنتش متوقع بعد ما بلغتكم ان الرد حيكون بالاسلوب المحترف ده بجد
بصراحة الواحد بيفتخر بوجودكم معانا حقيقى .. وبالحرفية العالية فى التعامل

وانكم تعملوا شكوى بالحالة وليها رقم عشان يتابع العميل بيها لو محصلش اهتمام .. ده حرافية عالية جداااااا

وان شاء الله تتحل المشكلة على خير

وحقيقى بتنمنى كل التوكيلات عموما ومراكز الخدمة تكون بنفس الحرفية العالية دى

المشاركة الأصلية كتبت بواسطة y2y1500

لا يا ابو حميد الاجمل من الرد المحترف والمختصر المفيد والاهتمام
هو ان اول مشاركة لاتوايجيبت فى المنتدى كله والقسم خاصة يكون بهدف حل مشكلة خاصة بأحد العملاء
وده بيأكد انهم مختلفين عن اى وكيل آخر عامل عضوية فى المنتدى وله موضوع اعلانى او حتى فاتح موضوع لحل المشاكل وفى الاخر مش بتتحل

المشاركة الأصلية كتبت بواسطة ahmed.tv

الاخ العزيز سامح باشا صاحب مشكلة الabs

مع متابعة شكوتك مع خدمة العملاء .. واتصالى بمدير الصيانة .. تم ابلاغى ان المشكلة فى قطعة الabs وهى مش متوافرة عندهم ..

وبعد ما طلعوا امر الجوب والشغل بتاع العربية وعرفوا امتى العربية دخلت المركز وامتى خرجت وايه المشكلة اللى كانت فيها وكانت مع اى مهندس استقبال .. قالولى بلغوا حضرتك يوم الصيانة ان القطعة مش متوافرة .ز وحضرتك كنت عارف بعدم توافرها

وبعدها فعلا بحثوا عنها فى اغلب مراكز الخدمة وفى مصنع نيسان ومش متوافرة .. وعملوا بيها اروضر عشان تتجاب فى اقرب وقت

وغالبا كنترول الabs زى ما حصل فى عربيتى بيجى من اليابان .. فحياخد وقت .. واول ما يتوافر ويجى عندهم فى المركز باذن الله حتيم الاتصال بيك لحل المشكلة على خير

تحياتى ليك

المشاركة الأصلية كتبت بواسطة sameh_oo7

تحياتى لاوتو ايجبت ولجميع المسئولين فى اوتو ايجبت على اهتمامهم بعملائهم ، وبالفعل تم الاتصال بيا ،
وفى انتظار الاتصال الثانى من سيادتكم عند حصولكم على كنترول ال ((abs)) وتحياتى مرة تانية

المشاركة الأصلية كتبت بواسطة ahmed.tv

لا ابدا مفيش حاجة يا سامح

المهم انهم مش اهملوا .. لان لما قريت كلمتك استغربت .. والناس بصراحة اكتف جدا .. ولما سالت على مشكلتك عشان ابلغهم الشكوى .. لقتهم حتى هما متابعين وسالوا وطلعوا امر الجوب عشان يتاكدوا ايه اللى حصل وهل مفيش حد بلغك ولالا

علىا لعموم حصل خير

هو بس لازم كانوا يكشفوا على دورة الفرامل كلها ويطمنوا

وكمان يعتبر انت اول واحد يشتكى من موضوع كنترول الabs ده

وطبعا الكنترول ده بيتجاب بالبارت نامبر مخصوص للعربية .. زى ما حصل فى التيدا فى عربيتى

وبعدين ان شاء الله اول ما يتوافر حيكلموك .. غير كدا اطمن الفرامل عادية جدا .. ما هى بس الا ان الabs مش شغال فقط .. فاكيد مع الرمل حتسحف منك

فاطمن وان شاء الله خير يا حبى

تحياتى ليك

تم بحمد الله حل مشكلتى بخصوص كنترول ال((abs)) بواسطة مركز خدمة (اوتو ايجبت)
انا قلت ارد هنا علشان مشكلتى اتكلمنا فيها هنا.. وشكر خاص جدا لاوتو ايجبت على المصداقية والاحترافية فى التعامل مع العملاء .
تحياتى