استفسار من زملائنا المحامين بخصوص تايم شير

السلام عليكم و رحمه الله و بركاته

انا عندى استفسار و ارجوا من الاخوه المحامين فى المنتدى مساعدتى

الموضوع اننا كنا شاريين تايم شير مع احدي شركات السياحه على اساس ان ليهم قريه فى الغردقه و انهم حيبنوا قريتين كمان فى فايد و شرم الشيخ

المهم بعد مرور كام سنه بنوا فعلا قريه فى فايد بس حاجه صغيره كده اوى و فوجئنا انهم بيقولوا ان القريه اللى فى الغردقه قفلت لانى فى اختلاف ما بين الشركاء و انه خلاص مينفعش نروح القريه اللى فى الغردقه و عرفت من واحد قريبى ليه تايم شير فى قريه جنبها انها قفلت فعلا

دلقوتى انا عاوز رافع قضيه على الشركه دى و اطالبهم انه اما ينزلونا فى قريه اخرى فى الغردقه او يرجعولنا الفلوس اللى دفعناها

هل حد يقدر يساعدنى فى الموضوع ده و لو حد ليه خبره فى الموضوع يا ريت يقولى و انا ابعتله صوره العقد لو كان محتاج تفاصيل اكتر و جزاكم الله خيرا

ابعت لي سكان من العقد يا يوسف انا عندي محامي يحب يخدم أويييييييي :)

اقتباس:

---

المشاركة الأصلية كتبت بواسطة أحمد كمال

ابعت لي سكان من العقد يا يوسف انا عندي محامي يحب يخدم أويييييييي :)

---

السلام عليكم يا ابو حميد

Your inbox is full, can you send me you e-mail in a private message to send you the contract ?

فضيت الاينبوكس

مشكلة الموضوع ده ان الكلام بتاع القرى التانيه و شوية حاجات من اللى بيبعهالك مش بتكون فى العقد ... بيكتب فى العقد الحاجه الاصليه اللى هى القريه بتاعة فايد و خلاص ... ربنا معاك

كان عندي موضوع في المكتب من فتره مع شركه والموضوع تم حله ودي حاول تتكلم معاهم
وممكن تبعتلي صورة العقد علي الميل وممكن اقولك راي فيه
samehelbaqary@hotmail.com

اقتباس:

---

المشاركة الأصلية كتبت بواسطة mr_sameh

كان عندي موضوع في المكتب من فتره مع شركه والموضوع تم حله ودي حاول تتكلم معاهم
وممكن تبعتلي صورة العقد علي الميل وممكن اقولك راي فيه
samehelbaqary@hotmail.com

---

استاذ سامح , انا بعت لحضرتك صوره العقد على الايميل و الف شكر على الاهتمام و جزاك الله خيرا

السلام عليكم
ان كان الموضوع يخص ريميفيرا - ابعتلى التفاصيل
دمت بود.....

عاوز اعرف برضه لو فى شرط جزائى نص المبلغ بالكامل لو العميل حب يلغى الموضوع .. هل فى أى حل ان العميل يلغى العقد بدون ما يدفع نص تمن الشاليه بالكامل؟

وصل وهرد عليك

اقتباس:

---

المشاركة الأصلية كتبت بواسطة gelgel2004

السلام عليكم
ان كان الموضوع يخص ريميفيرا - ابعتلى التفاصيل
دمت بود.....

---

اه الموضوع يخص فعلا قرية ريمفيرا فى الغردقه و التفاصيل اننا قمنا بشراء اسبوعين تايم شير فى القريه من كام سنه و بعدين فوجئت السنه اللى فاتت انهم بيقولوا ان القريه قفلت بسبب خلاف ما بين الشركاء

الحقيقه اننا كان بقالنا فتره كبيره مبنروحش و الموضوع مش مهم اوى بالنسبه لنا بس انا الحقيقه محبتش رد الشركه و حسيت ان فيها نصب و علشان كده حبيت اعرف ايه الاجراءات القانونيه علشان اخد حقى

هو أنا ممكن أبيع تايم شير لو لسه بدفع أقساطه؟ أو أعمل تنازل لحد وهو يكمل الأقساط؟

اقتباس:

---

المشاركة الأصلية كتبت بواسطة mr_sameh

وصل وهرد عليك

---

استاذ سامح , اشكرك بشده على ردك الكريم و المفصل , قمت بارسال رساله اخرى لحضرتك على الخاص