الموضوع: اشهر 60 جمله بيقولها الاب والام فى مصر

موضوع رائع
مش عارف أقولك إيه
أصل أنا عانيت من الكلام ده وفكرتني بالذي مضى
إسمحلي بالتعليق على بعض الجمل

المشاركة الأصلية كتبت بواسطة osama

شكله ابن ناس ومتربى "
ويبقى شيطان ويقعدوا يزنوا عليك لما يلاقوك مطنشه وهما فاكرينه كويس وإنتا مكسوف تقولهم بلاويه وفي الآخر يبوظك ويقولوك إحنا مش عارفين إيه إلي عمل فيك كده؟

كفاية مقدمات بقى وادخلكم فى الجمل على طووووول
المهم إن المقدمات دية أهم من الكلام نفسه وأحياناً مبتكونش مقدمات ده بيقبى صلب الموضوع ويقولولك مقدمات عشان مش عايزين يسمعوا حاجة

1- مالكش دعوة بالسياسة .. وماتمشيش فى مظاهرات :
لحد ما أتركبنا وإتزلينا وخيبنا خيبة ماحدش شافها

2- مش عاوزه أسمع صوت : .
وصوتها هيا واصل لحد الشارع

3- ماتردش عليا :
حد يرد على الكلام الحلو ده

4- تقعد فى أول صف قدام السبورة :.
عشان يقرفوك
خد الغياب
هاتلي مش عارف إيه من بره
تعالى عشان عايزين شيالين
وتتخنق وتموت من كتر الغبار بتاع التباشير

5- لو مش فاهم حاجة .. ارفع إيدك وقول للأستاذ مش فاهم ...ماتتكسفش
وهو أصلاً ما بيشرحش حاجة ولو رفعت إيدك هيطلعك حمار وإنك إنتا إلي مخك مقفل وممكن يعملك مسخرة الفصل كله

6- اللى بيشيل قربة مخرومة بتخر عليه لوحده
وده مش صحيح لأنها بتتضر الناس إلي معاك لذلك شرع الأمر بالمعروف والنهي عن المنكر

7- ومالها الكتب بتاعت الوزارة .
مبيجيش منها الإمتحان ومذاكرتها عايزه سنتين فوق السنة الأصلية

8- بص كويس وإنت بتعدى الشارع .
وتبقى بقالك ساعة واقف على الرصيف وبصيت في كل ناحية زي ما تكون سارق حاجة والشارع فاضي كمان

9- ماتتأخرش بعد المدرسة وتقعد تصيع مع أصحابك
وإيه يعني لما أتفسح شوية هوا أنا مليش نفس في شوية خروج بدل الحبسة بتاعت المدرسة ومن بعدها البيت

دى نصيحة ستحقق لك قدرا من السعادة الزوجية (باعتبار إنك من الشغل للبيت )
بالعكس ده إنتا لما هتكبر هتصيع في الشوارع عشان تعوض الكبت بتاع الطفولة ده

10- افرد ظهرك .
وهما مشيلينك شنطة تقطم ظهر أبو الهول

11- مافيش مذاكرة على المزيكا ... أو .. بتذاكر إزاى والبتاع ده شغال جنبك .
ولو حتى من غيره مفيش مذاكرة برضه عند بقى

12- ما تمشيش حافى فى السقعة دى .
والشقة كلها مقفلة بقالها 3 شهور ما أتفتحتش والشباشب كلها مخفية ومفيش شرابات ومفيش أي بديل غير إنك تمشي حافي

13- صليت العصر ..؟! ( إشمعنى العصر ....!!!!!)
وإنتا مصليتش من السنة إلي فاتت

14- ربنا يهديك ... ربــنــا يــهــديــك ... أو ... إنك لا تهدى من أحببت .
كان نفسي ربنا يستجيب

15- إطفى التليفزيون وقوم ذاكر ... أو ... إطفى التليفزيون وقوم خش أوضتك
وممكن تكون لسة قاعد من 3 دقايق مثلاً أو تكون بقالك 5 ساعات بتذاكر مش مهم
المهم إن شكلك وإنتا قاعد أدام التليفزيون مضايقه

16- إوعى تقول لحد هات لى حاجة
اللهم أغننا عن شرار خلقك

17- إقفل صدرك .
مش فاهمها ديه

18- بلاش وقفة فى الشبابيك والبلكونات
وإنتا محبوس بقالك جمعة عشان المذاكرة ونفسك تشم هوا

19- كل على مهلك .. وأمضغ كويس .. وماتاكلش وإنت واقف وكل من قدمك متحفش .
ده لو كان الأكل له طعم

20- المسلسل مش هاينفعك ... قوم .
ويفضل هوا قاعد

21- كفاية رغى فى التليفون .
وإنتا محروم من الكلام لا حد عايز يسمعك ولا بيتكلم معاك

22- ماتقعدش قدام المروحة وإنت مستحمى
ملاحظة قيمة

23- وإنت فاكر إحنا مستنيين منك حاجة ؟!
وإنتا عمرك ما قولت ولا أوحيت ولا همست بكلمة توحي بكده متعرفش بيسمعوهالك ليه كل يوم

24- ماتعليش صوتك .
وشوشهم في ودنهم

25- بلاش لعب فى الشارع .
طيب ما تشوفولنا نادي نلعب فيه

26- يا ابنى اللى ذاكر ذاكر خلاص .. قوم نام .
مفيش فايدة إنتا ساقط ساقط

27- بلاش لعب بالمقص .. بيجيب الفقر .
الجهل وحش

28- يا ابنى كلم خالتك العيانة .. اسأل عليها .
يعني متسألوش عليها إلا وهيا عيانة ده أن قربت أنساها

29- إوعى حد غريب يديلك حاجة تاكلها او تشربها وتاخدها منه
كفاية العز إلي إنتا فيه

30- النوم لحد الضهر بيجيب الفقر .
هو أنتوا بتسيبوا حد ينام

31- إوعى تكدب عليا تانى مرة .
أصدقها أوعى تقول الحق عشان متتنضربش تاني مرة

32- لازم تاكل سلطة .
مش لما تعملوا سلطة ولا هي في المناسبات بس

33- لو شوفت خناقة مالكش دعوة بيها .
خليك مسالم وخد على أفاك وأسكت عشان تطلع راجل

34- عيب .. لازم تحترم الأكبر منك .
صحيح بس ياريت لما راجل كبير يزنق عليك بالعربية متبأش تشتمه لحد تاني يوم

35- كلمنا لما توصل .
مينفعش Missed

36- بلاش أكل بره
يا رب عيني على أكل جوه

37- لو فلحت ابقى قابلنى .
مش عارف طيب أنا فلحت دلوقتي شكلك إيه بقى

38- يا ابنى أنت مسطول ولا إيه .
من إلي فيا

39- إنت فاكرنا نايمين على ودانا .
والله مش فارقه

40- وطى المدعوق ده شوية .
وهوا مقفول أصلاً

41- قوم إقرالك كلمتين ينفعوك .
في كتب تانية غير كتب الوزارة ممكن ينفوعني

42- إيه اللامبالاة والاستهتار اللى إنت عايش فيهم دول .
صحيح إنتا إزاي عايش كده كل ديه مذاكرة وشطارة وتفوق روح خيب يمكن يغيروا رأيهم

43- إنت فاكرنا لاقيين الفلوس دى فى الشارع .
طيب بتجيب بيها الحاجة أم 5 جنية ب30 جنية ليه لما إنتا تعبان فيها ولا عليا بس الكلام ده

44- والله ما إنت فالح .. وآدى دقنى اهيه .
وهوا لسه حالق

45- ما تتكلمش بصوت عالى فى الحمام .
لو كان عالي أصلاً ممكن أعرف السبب

46- ماتنامش غير لما تغسل سنانك .
يا ريتهم قالوهالي

47- ماتلزقش فى التليفزيون كده .... نظرك هايضيع .
صحيح

48- ضرب أمثلة تشجع على الكفاح .. أشهرها :
( أحد الاقارب اللى كان بيذاكر على لمبة جاز أو على نور العامود فى الشارع ونجح وأخد الدكتوراة وسافر أمريكا )
دول تقريباً كل قرايبنا

49- سلم على عمك كويس يا ولد .
يعني أعمله إيه أخده بالحضن وأعبطه

50- يا ابنى محدش بينفع حد .
أو ولد صالح يدعوا له

51- ماتطلعش إيدك من شباك العربية .
صحيح الواحد كان غريب في الموضوع ده الظاهر من كتر الكبت

52- قصة الغريق اللى ك**** اللى كل مرة يقول إلحقونى .. لحد ما غرق .

53- التهديدات المخيفة شكلا .. والكارتونية موضوعا .. مثل :
هاقطم رقبتك ... هاقطع لسانك ... هادبحك دبح.
التهويل ده وبعدين النزول على مفيش خلا الأبناء فقدوا الإحساس بصدق الأباء

54- ربنا يرزقك بعيل يوريك اللى وريتهولى .
روحي يا ناكرة خيري شوفي زماني من زمن غيري

55- ماتطلعش على الملاية النضيفة ورجليك مت******ة كده .
متتحركش خالص يا ريت تشوف حل وترفع رجليك على رقبتك كمان

56- ماتقعدش عريان كده قدام إخواتك البنات .
طب أقفل التلفزيون

57- حول القناة دى ... بلاش مسخرة وقلة أدب .
شوفلنا أوحش منها أو زيها

58- نسيت تشرب ؟ نسيت تاكل ؟ نسيت تقول هاتوا مصروف ؟ نسيت تعكنن عليا وعلى أمك ؟
هو المواضيع دية تتنسي هيا بتبقى بالساهل

59- طلع إيدك من جيبك وإنت بتكلمنى .

أقف عدل أدام الباشا الظابط

ولسة ما فى الجراب يا حاوى

فين رقم 60؟؟؟