لأ طبعا حساس السرعة بيبقى راكب على الفتيس ومتوصل بفيشة
عرض للطباعة
لأ طبعا حساس السرعة بيبقى راكب على الفتيس ومتوصل بفيشة
يبقى اكيد لما الفتيس باظ الحساس ده كمان باظ
شكرا ع الرد يا باشا
سمسم بيه
نسيبنا من الفتيس شوية بعد ما فيدتنى فيه وخلاص بدور على طقم دبرياج استيراد وكلمت ناس تشوفهولى
نروح بقى لموضوع مهم تانى انا خلاص هاخد كل كلامك ثقة ولا عزاء للميكانيكية
انا عربيتى انجكشن ولا كربراتير ولو انت متعرفش هعرف انا ازاى ؟؟ هوا سؤال كوميدى بس عاوز افهم يعنى ايه اصلا
وازاى اعمل صيانة للموتور واحافظ عليه
ايه الحاجات اللى بتحتاج تنظيف وكدا
ايه الرشاشات والحساسات دى وازاى اعملهم صيانة بردو مش فاهم
لأ طبعا عربيتك انجيكشن معرفة العربية ازا كانت انجيكشن ولا كربرايتر هتلاقى مسترة متركب عليها اربع رشاشات كل واحد فيهم راكب على سيلندر + ecu او وحدة كنترول الكترونية تنظم تشغيل الحساسات + وجود حساسات على المحرك ( idle valve -maf - tps - oxygen sensor ) دول الاشهر
- صيانة المحرك بنفسك
1- انك تمون من بنزين نظيف لان الرشاشات حساسة
2- تنظيف كل 6 شهور لبلف الايدل وكل سنة للثروتل بودى + الرشاشات تتحط على جهاز التراسونيك للتنظيف وتكلفتة 100 جنية تنظيف فقط + فك وتركيب
3- دول اشهر حاجة عشان تحافظ على عربيتك بس صدقنى بتفرق جامد جدا بس مع تنظيف الثروتل بودى لازم العربية تتحط على اسكانر لظبط الاربى ام
4- حاجة مهمة مع كل تنظيف لازم العربية تكون البطارية متشالة وان تبدأ بنزع الموجب اولا للحفاظ على الكنترول ثم تبدأ ايضا بتركيب الموجب
وان شاء الله تكون العربية تمام
لو انت عايز تعمل دة بنفسك يبقى هتجيب الاتى :
1- wd- 40 + منظف انجيكشن الاول تمنة 20 جنية والتانى 35 جنية الى 40 جنية حسب النوع
2- مفك صليبة
3- بيبة مقاس 10
بس انت مش هينفع تعمل غير التنظيف بس لكن الثروتل بودى لازم توديها ورشة وتتحط على جهاز كاشف اعطال
واى حاجة انا فى الخدمة
الحقنى يا باشا حصلت حاجة غريبة النهاردة
كنت ببص على البوجيهات النهاردة وجيت افكها لقيت الجلدة اللى بتغطيها دى هيا اللى طلعت
ومعرفتش اطلع البوجيه نفسه
المهم ركبت الجلدة تانى وضغطها جامد لجوه بس جيت ادور لقيت لمبة check engine نورت
هل ده من البوجيه مركبتش الجلدة صح ولا اللمبة نورت عشان الفتيس بايظ والحساس وكدا؟؟؟
انا مستغرب انا محركتش حاجة من مكانها بس لو من الحساس بتاع البنزين او الفتيس كان زمانها نورت من زمان مش كدا ولا ايه
تسلم على الوصفة بتاعت صيانة العربية دى بس ترشحلى فين اعمل الحاجات دى؟؟ فين فى القاهرة؟؟
انت بتعمل الحاجات دى فين يعنى وانا هروح اعمل فى نفس المكان اللى بتعمل فيه
كدة انت محتاج تغير سلك البوجية دة شوف هو رقم واحد وهاتة عشان كل واحد ولية طول معين
واكيد مش من الفتيس لان انت فتيسك مانيوال ومافيهوش كنترول , وبالنسبة لحساس السرعة فطبعا ممكن ينور لمبة الاعطال
طيب انت العربية صوت محركها عامل ازاى لما تزود بنزين لو لقيت العربية بتترج وصوتها عالى اعرف كدة ان العربية دية شغالة على 3 سلندر بس ولازم تجيب السلك وفى كلتا الاحوال هتجيب السلك لان كدة غلط
شوف انا الحاجات دية بعملها بنفسى , بس انا افضل ان واحد يكون بيشتغل فى الصينى لان الميكانيكية بيشوفوا ان الموضوع دة سهل انة يشتغلوا فية وبياخد تنظيف كتير + انة محتاج لجهاز بعد التنظيف دة فافضل ان اى حد يعملة يكون بيشتغل فى الصينى
وحاول تسأل اخواتك هنا فى القسم اكيد بيتعاملوا مع ناس وشوف doha - wise
سليمه
انا بقى عندى كل انواع الاصوات وكل انواع الرج وكل حاجة يا سمسم بيه
انا كدا مش هعرف اسافر بيها اوديها لحد نضيف بيفهم
انا راكنها تحت البيت ومش عارف اعمل ايه
اوك يا باشا انا هشوف doha واحاول اوصل معاه لحل