الموضوع: كيف تصنع ايفو 1000 حصان ؟

الموضوع حصري ومش عاوز من وراه إلا الجزاء الحسن من الله والفائده لمن يريد سواء للمعرفه فقط أو في إلتنفيذ الفعلي
موضوعي هو إعطاء فكرة عن تفاصيل عمل مشروع بالشكل دة ازاي يتم
وازاي تطلع 1000 حصان من موتور 2000 cc زي ال- 4G63T وهو موتور الايفو من 4 لحد 9

للعلم تكاليف المشروع تتخطى ال-200 -250 ألف جنيه غير تمن الايفوليوشن نفسها وهنشوف ازاي الكلام دة مع بعض

البداية دايماً بتكون من الموتور كأساس وبعدها نروح لل- feeds أو إلي بيغذي الموتور ويساعده على العمل وبعدها هنروح للتعليق والفرامل والدفرينشيل وبعدها الالكترونيكس وقديأخذني سرد الموضوع لطريقة أخرى المهم إن المعلومة توصل .

موتور الايفو هو من المصنع 2.0 compression ratio 8.8:1 وبيكون عليها charge من turbine بمقاس محدود و-flow نسبياً قليل ( لحد 450 حصان كحد أقصى في حدود الامان ) بعد الناس طلعت 500 + على الموتور وهو stock internals لكن دة push to the limits

إذاً علشان نطلع 1000 حصان لازم نعيد بناء الموتور من الصفر بمكونات تستحمل ال boost العالي جداً اللازم لإخراج ١٠٠٠ حصان أو بتصميم تاني للموتور نعيد بنائه بمكونات ذات compression ratio عالية جداً 12-13-14 :1 مع boost معقول و revving
عالي يوصل الي ١١-١٢ RPM علشان نطلع ١٠٠٠ حصان

إذاً هناك طريقتين لبناء الموتور
نكبر ال- CC من 2.0 ل 2.3 أو 2.4 بخامات تستحمل boost عالي جداً
مع
Compressionو ratio قليل نسبياً إبتداءً من 8.5 لحد 10 : 1 - دة إسمه stroking

أو إن احنا نعيد بنائه على نفس ال- CC 2.0 لكن بمكونات تستحمل أو مصممه لل- revving العالي 10 أو 11 ألف RPM

وطبعاً تصميم ال- cylinder head في الاتنين واحد بيتم إعادة بناه من الصفر بمكونات تستحمل ال revving العالي سواء في ال stroking أو في الحالة التانية

نتكلم عن الحالة الأولى وهي ال- stroking up

علشان أكبر من 2.0 ل- 2.3 محتاج connection rods أو بيلات أطول من إلستوك
بمعنى لو إلي في الموتور 150 mm مع الستروكر هتكون 157 mm وطبعاً كرانك غير الكرانك إلي في الموتور.
طبعاً ال bore أو قطر cylinder ملوش دعوة بالموضوع لكن البعض بيكبر الbore من 85.5 الي 86 mm بمعنى بيخرط 0.5 mm من ال cylinder وبيجيب ال- pistons على المقاس الجديد مش stock bore ود غالباً بتكون special order .

كونا فكرة هنعمل اه

عاوزين pistons تكون لها قدرة على تحمل 1000 حصان ودي لغة بيفهمهة البياعين في
في شركات التعديل الكبيرة لتسهيل عملية البيع إنه بيسألك على ال target HP إلي إنت عايزه بدون الدخول في تفاصيل part numbers أو خامات تصنيع وأنواع materials !

كمثال على ال- Pistons دي wiseco HD أو AMS 1000 HP pistons .

Buscher Racing 1000 HP .. البستنس طبعاً بتيجي مع ال- rings بتاعتها (الشنابر ) والمسامير وكلها مصممه مخصوص للهدف دة السعر بيتروح من 3500 إلى 5000 جنيه

نيجي لل- connection rods أو البيلات ودي الحمل عليها ديماً عالي لأنها الدعامه إلي شايلة ال pistons بالضغط العالي فوقها

في نوعين من ال-conn rods ....

H Beam ودي مالناش فيها هنا لأنها اخرها 500 أو 600 حصان

النوع التاني ال-I Beam ودة المطلوب لأنه بيستحمل HP أعلى بكتير من النوع الاول بالإضافه وبسبب تصميمه أخف من ال- H Beam ودة بيساعد على سرعه ال- Revving للموتور

من الانواع دي Manley I Beam أو cosworth أو Tomie وسعرها بيتروح من 4000 جنيه لحد 7500 جنيه وبتيجي مع المسامير ذات التصميم المخصوص ل- 1000 حصان وتراعي عند الطلب ذكر انها ل- stroker 2.3 علشان يديك الطول المناسب

نيجي للكرانك . طبعاً الكرانك الستوك مينفعش ل-1000 حصان فلازم تغيره بكرانك Forged أو من مواد مقواه و خفيفة وفي نوعين light و- ultralight وفي شركات كتير لكن أشهر كرانك ultralight إسمه K1 ودة تمنه 9 ألاف جنيه تقريباً ويراعى عند الطلب ذكر إنه ل- stroker 2.3

الجزء إلي بعد كدة هو السبايك - Bearings إلي بيركب عليها الكرانك ودي كمان لازم تكون sporty specs وأشهرها من شركة ACL وسعرها كلها حوالي 1000 جنيه

كده خلصنا ال internals يكون في العلم معظم الشركات بتعمل stroker kits ك pakages على بعض لكن إنت محتاج تطلب كل حاجة لوحدها لو عاوز تعمل hi rated HP لأن معظم ال- kits دي بتراعي انها تكون موفرة لزياده مكسب الشركة وزياده المبيعات لعمل 400 أو 500 حصان في ال- safe limits و- كمان انها لازم يكون عندها stroker kit كنوع من أنواع سياسة المبيعات أو الدعاية زي AMS أو HKS أو Tommie

تابعوا المرة الجاية هناخد الموتور على الخراط لتركيب الحاجات دي وهنتابع شراء باقي القطع
ونتكلم على ال- cylinder head .

المشاركة الأصلية كتبت بواسطة عصام غنايم

تنفيذ الكلام ده بالنسبه للمصريين خيال علمى

انا متفق معااااااااااااك