مع بداية عام 2012 تخفيض جمارك السيارات 10% على السيارات الواردة من الاتحاد الاوروبى

تخفيض جمارك السيارات 10%

http://www.alwafd.org/images/news/235538212c188.jpg
سيارات فى الجمارك

بوابة الوفد - كتب – أحمد أبوصالح

أكد مصدر مسئول بمصلحة الجمارك المصرية أنه سيتم تخفيض تعريفة جمارك السيارات بنسبة 10% على السيارات الواردة من الاتحاد الاوروبى.
وقال المصدر إنه وفقا لاتفاقيات الشراكة المبرمة بين مصر والاتحاد الاوروبى فإنه سيبدأ سريان تنفيذها مع بداية عام 2012.
وأكد المصدر فى تصريحات خاصة لـ"بوابة الوفد" أن تلك القرارات سيادية ولا يجوز التراجع عنها كما أشيع مؤخرا وحتى لا تظهر مصر أمام العالم أنها لا تحترم اتفاقياتها المبرمة مع بقية دول العالم.
وكانت عدة صفحات على موقع "الفيس بوك" قد طالبت بالغاء أو تخفيض الجمارك علي السيارات عبر انشاء عدد من الصفحات التي تطالب بالغاء جمارك السيارات فى محاولة لتشكيل جبهة ضغط علي الحكومة حتى تتخذ القرار كما انتقدوا ارتفاع الضرائب والرسوم على السيارات عند دخولها من الجمارك ووصفوها بأنها جمارك باهظة الثمن لا تحدث فى أى دولة فى العالم.

ياترى ديه الإشاعة بتاعة كل سنة ؟

اعتقد دا معاد الاشاعة السنوية :d :(

لو كنا فى ابريل كنت هقول كدبة ابريل:ma:

ليه .... هي الحدايه بترمي كتاكيت

لو صح هايخفضوها يبقي يشوفوا المكسب اللي بيحطوه التوكيلات ويحددوا المكسب عشان جشع التجار هما الوحدين اللي هايستفادوا من النزول ده وكانك يابوا زيد ماغزيت

هى مش اشاعة المفروض ان دى تالت سنة تخفيض

يعنى جمرك ال 1600 الاوروبى بدل ماكان 40 % + 15 % + 3 %

نزل كل سنة 10 % من ال 40 يعنى بقى 28 % + 15 % + 3 %

بس احنا مش حاسين بالفرق بسبب ان الوكلاء بيزودوا السعر سواء بسبب استغلالهم او بسبب هبوط الجنيه امام الدولار او اليورو

ففى النهايه بنلاقى العربيات غليت بدل ماترخص :)

مين بقي المصدر المسئول دا (؟) مهو لو خبر حقيقي اكن أعلن عن نفسه

والله ياريت....مين يكره يعني:b4_556:

الخبر صحيح بالنسبة للعربيات الاوروبى فقط حسب الاتفاقية بين مصر و الاتحاد الاوروبى , بس تأثيرها مش هيبان لان الجنية انخفض أما اليورو و الدولار للاسف

اشاااااااااااااااااعة كل سنة لية هى الحداية بتحدف كتاكيت!!!!!!!!!!!!!!!

ولو لو يعنى خفضوا الجمارك اكيد حيخترعوا حاجة تانية يعنى ممكن يخترعو ضريبة دمغة نوعية او ضريبة مبيعات لتعويض نسبة الخصم ويمكن اكتر هههههههههه....

المشكلة إن الكلام معناه إن الموضوع ده مطبقش قبل كده والسنادي أول مرة الكلام ده هيتم فيها

مع إن نفس المصدر المسئول ده كل سنة يطلع يقول الكلمتين دول

النهاردة 1/1/2012
ايه اخبار الجمارك محدش جاب عربية جديدة بعد التخفيض ؟
ههههههههههه

اقتباس:

---

المشاركة الأصلية كتبت بواسطة hosam_optrawy

هى مش اشاعة المفروض ان دى تالت سنة تخفيض

يعنى جمرك ال 1600 الاوروبى بدل ماكان 40 % + 15 % + 3 %

نزل كل سنة 10 % من ال 40 يعنى بقى 28 % + 15 % + 3 %

بس احنا مش حاسين بالفرق بسبب ان الوكلاء بيزودوا السعر سواء بسبب استغلالهم او بسبب هبوط الجنيه امام الدولار او اليورو

ففى النهايه بنلاقى العربيات غليت بدل ماترخص :)

---

+11111111111111111111111
الله ينور عليك هو ده اللي بيحصل فعلا

يا ريت يا جماعة تنسوا موضوع الاسعار إنها تنزل ده خاااااالص ... أنا مش مصدق انكم بتتكلموا فيه أصلا :)

لا بجد انا كأنس انبهرت

بدل ما التيوتاكرولا جمركها بئا 90 الف جنيه بئا 80 الف جنيه بجد بجد مبهر

المفروض أن التخفيض بدأ من 2010
يعنى دى ثالث سنة
والمفروض تكون الجمارك اتخفضت السنة دى بنسبة 30%
يعنى المفروض فى 2012 يتشال 1/3 (ثلث) الجمارك ...
يعنى لو عربية كانت جمركها 30 ألف جنيه وسعرها 70 ألف مثللا
يبقى المفروض يتشال منهم 10 آلاف جنيه ويصبح سعرها 60 ألف
لكن نعمل إيه فى جشع الوكلاء والمستوردين الذين استفادوا بهذا الفارق لصالحهم بداية من 2010م
وحسبنا الله ونعم الوكيل