هل فعلا الامارات اوقفت منح تأشيرات العمل للمصريين نهائيا؟؟
هل فعلا الامارات اوقفت منح تأشيرات العمل للمصريين نهائيا؟؟
لا اعتقد و الدول العربيه صعب جداً تستغنى عن العماله المصريه لعده اسباب منها المهاره و اللغه العربيه و القرب منهم جغرافيا
مش فاهم الكلام - حضرتك جبت الموضوع ده منين؟
الموضوع مش معلن بس على حد معلوماتى هو صحيح بنسبة كبيرة
تأشيرات العمل للمصريين دلوقتى مش بيتوافق عليها بسهولة...........بتترفض بدون أبداء أسباب.
و رسمياً محدش بيقول أنها موقوفة.
أنا سمعت الكلام ده من أسبوعين و كنت بسأل ناس معرفة علشان واحد صاحبى.......و أتقالى كمان أن ممكن يجيى على تأشيرة سياحة و هو هنا يتعمله إقامة عمل......و مش بتترفض على الأغلب.
أيه الحكمة أو أيه الفرق مش عارف.
السياحة مفيهاش مشاكل.
هو ايه اللي بيحصل ده هو احنا بقينا بلاك لست كده في كل حته
يا جماعة فين كرامتنا .... ليه المصري ملهوش كرامة في اي حته
تروح اي سفارة لدولة محترمة تلاقي تعقيدات ملهاش اخر .... مش فاهم ايه السبب
الواحد مستخسر بلدنا دي لو كان فيه ناس بتحبها فعلا مكنش ده يبقى حالها :((
السلام عليكم
الموضوع دة مش رسمى انما تعليمات غير معلنة , للاسف كل اصدقائى فى الامارات اترفض تجديد الاقامة ليهم بدون سبب و بعضهم عرف يجددها بالرشوة
المفروض يكون فى رد مناسب من مصر للتهريج دة , دة المصريين فى الخليج ممكن يحتلوا دول الخليج كلها
الهندي بالنسابالة ارخصله ومطيع لاقصي درجة
ويليه طائفة الباكستان والبنغال
على فكره يا جماعه الكلام ده صحيح و تأشيرات المصريين واقفه فعلا لكن مش لكل المصريين
ده للمصرين اللى مش بقالهم فتره تتعدى ال5 سنين فى الامارات لكن الاقل لا تجدد له الفيزا او الاقامه و يجبر على الرجوع
و ده كلام من ناس فعلا فى الامارات و المنع ده مش رسمي لا ده من تحت لتحت بلغتنا المصريه
و الله المستعان على المصريين فى كل انجاء العالم
لأ.......التجديدات مفيهاش مشكلة
لسه واحد معايا في الشغل مجدد و بقاله اكتر من 6 سنين هنا
المشكلة في تأشيرات العمل الجديدة
ابن عمتى وصديقى فى قطر وبيقولى فعلا مفيش تاشيرات خلاص للمصريين
قطر ما قالتش مفيش تاشيرات بس الواقع انها بطلت فعلا تدى ( قرار غير معلن بوقف تاشيرات جديدة للمصريين - الجديدة مش التجديد ) بس الى شغال شغال
لكن معرفش وضع الامارات
للاسف احنا اللى بنفرط فى كرامتنا- لو المصريين فى الدول دى يد واحده واى اجراء ضد حد منهم كان يبقى له رد فعل- زى الهنود والفلبينين والسوريين بعملوا ما كانش حد فى الدول اللى كنا بنبعت لهم حتى القلك والاستيكه ما كانش حد منهم جرؤ يمس طرفنا
احنا محتاجين رئيس جديد يعرف الناس دي قيمتنا لازم دول الخليج ترجع لخانة المفعول به ومصر في خانة الفاعل من جديد
كويس علشان نشتغل فى بلدنا
طبعا السفرا واعضاء السفاره دى بيبقوا من الاضيش النظام واخر حاجه تهمهم هى مصلحة اى مواطن مصرى- مستعدين يلحسوا تراب رجل الخليجى علشان يرضى عنهم ويستمروا فى مكانهم تهليب وفشخره- لو فى تمثيل دبلوماسى من ناس محترمه كان برضه عملوا لنا الف حساب
سفارة مين و ديبلوماسيين مين
السفارة دى فى أى دولة بيعمل فيها و يعيش مصريين
بتبقى أول مرة و أخر مرة يشوفها المصرى ...... قبل ما يترحل على مصر لو عمل مصيبة
غير كده ولا الهوا
اخ يا حكام الخليج يا ....- الله يرحم لما كنتم تيجوا مصر -
--------------------
يرجى اختيار عبارات مناسبة للتعبير عن وجه نظرك
مشرف 3ب
28/12/2011
7.33
هي مش ممنوعه بشكل كامل
يعني هم بيقننو شويه دخول العماله الاجنبيه عموما عشان يشغلو ابناء البلد
في السعوديه عاملين نسبه للعماله السعوديه في اي مؤسسه لازم تبقى موجوده و بتاخد مرتب بحد ادنى 3000 ريال
السنادي الشركه كانت محتاجه مهندس ميكانيكا و جابت مهندس من مصر بفيزت مهندس عادي
لكن هي بقت محدده اكتر من الاول
يمكن السنتين دول ابتدو يزودو نسبه المدرسين السعوديين في المدارس
و كانو بيبعتو للناس عشان يقدمو علي شغل بمرتبات كبيره و فئه كبيره استجابت خصوصا السيدات
واحد صاحبي مهندس ميكانيكا لسه مسافر بقاله شهر السعوديه
يعني العمليه مقننه شويه اليومين دول و لكن مش حكايه عشان الثوره و الكلام دا
ايام الثوره كانو بيستقبلو المصريين في المطار احسن استقبال و كانو بيخلصو الاجراءات بسرعه
السعوديين كلهم كانو فرحانين بالمصريين بس الفئه الجاهله زي الفئه الجاهله في مصر الي زعلانين علي المخلوع هم الي عاملين مشاكل
ربنا يصلح الحال
السلام عليكم ورحمة الله وبركاته
..
إسمحولي بعد قراااااءة الموضوع وكل الردود أقول إللي بيحصل بما إني هناك
أول حاجة (ممنوع عمل أى إقامة جديدة لكل من المصريين أو التوانسة)
لكن إذا بتجدد إقامتك وانت موجود فى البلد أوك بيمشوها..يعني مافي تأشيرات جديدة
تانى حاجة( مش كل الامارات عملت كدة لكن اللى افتتحت الموضوع أبو ظبي ودبي )
تالت حاجة( أيوة حضرتك سهل جدا يستغنوا عننا ألف مرة تعرف ليه؟
عشان مرتبنا عالى وصوتنا أعلى وبنعمل مشاكل ..لكن الهنود أقل راتب
ومش بيفتحوا بوقهم خاااااااالص ومش بتوع مشاكل يعني روح روح .تعالى تعالى)
رابع حاجة(أيوة بقينا في البلاك ليست إحنا والتوانسة لأننا عملنا ثورة وبالتالي وجودنا غير مرغوب فيه لأن ببساطة بنلفت نظر الناس وننبهم لحاجات محظورة)
خامس حاجة( مين اللى يبقوا ايد واحدة ويكون ليهم رد فعل واحد؟؟)
حضرتك لو فتحت بوقك يلا بالسلامة فيه ألف ومليون غيرك هيجوا
طيب لو قولنا أوك ..هتنزل مصر تشتغل ايه فى الظروف دي؟ وهتعيش اسرتك إزاى على نفس المستوى اللى هما عايشينه؟
وهما عاااااااااااااارفين ده كويس جداجدا جدا
خامس حاجة( آخر حاجة ممكن تجيب حق لحد هى السفارة المصرية)
عارف ده كله ليه؟؟؟؟؟؟؟؟؟
عشان نتعلم بقى نقفل بوقنا وما يبقاش لينا كرامة أبدا ولا لينا حقوق ويفضلوا دايسين على رقابينا ...
وفي الآخر يا نعيش ونسكت ونتحمل عشان لقمة العيش أو الأجل يجي ويشلونا فى صندوق على بلدنا
أستغفر الله العظيم ..بعتذر للجميع على قتامة حروفي لكن حال واحد قريبي اتوفى بالسعودية أول امبارح وهينزل بكرة مشحون لأهله في صندوق هو اللى خلاني بحالتي دي .بعتذر مرة تانية
فعمركم شوفتواكدة؟؟؟؟؟؟
متهيألي ده تمن الغربة القاسية اللى أجبر أهالينا عليها النظام الفاسد اللى خلى عمرنا يجري بينا وبأهالينا ومش حاسين بيه...
ربنا يسلم الجميع ويحفظ مصر سالمة غانمة من كل شر ويردنا لأهلنا سالمين ويشفي مرضانا ومرضى المسلمين ويرحم موتانا برحمته وحوله وقوته إنه على ذلك لقاااااااااااااادر
توتاااااا
معلش خلونى أختلف معاكم فى الكلام ده
و مش كل الناس زى بعضها و الدليل على كلامى حاكم الشارقة اللى قام مؤخراً بالتبرع بإعادة ترميم و صيانة مبنى المجمع العلمى اللى أتحرق و أعلن كمان أن معظم الكتب اللى كانت فى المجمع موجودة فى مكتبته الخاصة و هيتبرع بيها للمجمع بعد ما يترمم.
الراجل ده من قبل حتى الموقف ده و أنا بحترمه جداً لعدة أسباب منها تمسكه بتطبيق الشريعة فى الشارقة.......و للى مش عارف......فى الشارقة ما هو مباح فى دبى و أبوظبى حتى لو حاجة من تحت لتحت فهو غير مباح فى الشارقة زى الخمور و الدعارة..........حتى الشيشة ممنوعة فى مقاهى الشارقة.
على فكرة الراجل ده خريج جامعة القاهرة و شايل جمايل مصر على راسه........زى ما هو وضح لما كلم منى الشاذلى.
فى التلات سنين اللى قعدتهم فى دبى ........ بصراحة شديدة
ما شوفتش من الأماراتيين غير كل محبة و احترام و أدب
و كان بيحصلى مواقف غريبة أنا و أصدقائى المصريين و نلاقى ناس اماراتيين عاديين بيقفوا عشان يساعدونا
ربنا يرجع العلاقات كويسة تانى ان شاء الله
شعب الامارات من ارقى الشعوب العربية اخلاقا وميستحقوش يتقال عليهم تيوس
اما كونهم معاهم فلوس فده رزق ربنا يرزق من يشاء بغير حساب
اما اسباب منع الاقامات الجديدة فدي سياسة دولة واياً كان سببها فالسيئة لا تعم
الموضوع ده شغال من ساعة الثورة و هو غير معلن بس بيبقا اسباب الرفض دواعى امنية... والى بيأكد كدة ان التجديد عادى للناس الى موجودين فى الامارات.. و بشكل عام فى عدم رضا من الامارتيين عن الثورة و خصوصا محاكمة المخلوع.. الموضوع مالوش علاقة باسلوب عمل المصرى و الهندى.... ده غير ان حال البلد نايم جدا من ساعة الازمة العالمية و خصوصا فى سوق العقارات و البناء..
الناس اللي بتشتم الإمارتيين
سؤال: لو واحد إماراتي شافنا و احنا بنسوق تفتكر هيقول اية؟
متحضرين؟
جزاكي الله كل خير
أعتقد حضرتك لخصتي المعلومات الصحيحة
أنا في الإمارات من 8 سنوات وده الوضع
وإن كنت أسمع إن الفيز الجديدة بدأوا يسمحوا بها في دبي نوعا ما لكن في أبو ظبي الوضع صعب جدا بالنسبة لأي عامل جديد
عاوزين نعرف فقط إن الغربة تمنها غالي قوي قوي وأكبر مما نتخيل
ونفس الموقف مر بنا منذ ثلاثة أيام - واحد مهندس سوري قاعد عزابي وأسرته في سوريا وحدث حريق في شقته والرجل أصيب ثم خرج من الشباك وتمسك بالوحدة الخارجية للمكيف ورغم أن الدفاع المدني قام بما عليه وفرش له مظلة تستقبله لكن قدر الله أن انهار المكيف ووقعا سويا فمات
تخيلوا منظر أسرته وهو يعود إليهم في صندوق
الغربة ليست ترف ومهما كان العائد فلا يستحق عناء الغربة طالما أنك تستطيع العيش بكرامة وسعة في بلدك - أما الاستمرار فيها وادمانها فهو الغباء بعينه في رأيي
ساعات بأتمنى إنهم يفنشوا الناس كلها هنا علشان يرجعوا لأهلهم وزوجاتهم وأبنائهم ويعيشوا حياتهم بصورة طبيعية لأني تقريبا عمري ما شفت أي وافد من أي جنسية ويشعر بالراحة من تواجده هنا حتى لو كان وضعه المادي ممتاز وبياخد خمسين ألف درهم في الشهر
ويا ريت كل واحد يستشعر قدرة الله سبحانه وتعالى وأنه هو الرزاق ذو القوة المتين وما نخافش لأن خوفنا ده هو اللي قلل قيمتنا وفيه جنسيات تانية وضعهم أقل مننا بكتير لكن الواحد فيهم لما يتكلم مع أي مواطن أو وافد يتكلم بكل ثقة وعلو رأس وعمره ما بيخاف من رزق أو تفنيش وده بيخليهم يقدروه ويتمسكوا به
هل فيه جديد في الموضوع دا ؟؟؟؟؟
أعتقد التأشيرات بتمشي عادي في دبي لأن في قريب لسه جاي إقامة قريب...مش مغلقة يعني
بالنسبة للعمالة الهندية فعلا هي اللي مسيطرة جدا...ربنا يستر علي العرب اللي هنا (كلهم مش مصريين بس)
الإماراتيين مش بيتكلموا في السياسة خالص وإن كنت بحس إنهم مع اللي حصل في مصر...مش كلهم طبعا بس واضح إن أهل البلد علي الحياد لأن طبيعتهم مالهمش فيه
في الأخر الإماراتي جدع جدا بس بحس إنه مش عايز غيره يتفوق عليه وخاصة مصر
مثلا دبي تشتهر بالسياحة...لو مصر وقفت علي رجلها وإتصلحت وبقي فيه نظام...أعتقد دبي دي محدش هيعتبها لأن فعلا (مملة) علي الأقل بالنسبالي
ليه بقي محدش هيعتبها لأن مصر فيها مزارات سياحية وأماكن طبيعية أحسن وأكتر من دبي مليون مرة وعشان كده هم مش عايزين مصر تتفوق عليهم
حاجة تانية بقي السياح الأجانب هنا بقوا مسخرة ومش بيقدروا يكلموهم ولا يقولولهم احترموا نفسكم شوية انتم في بلد عربي وله تقاليد عشان لو قالوا كده السياحة هتتضرب (الا بقي لو فيه حاجة جامدة اكيد كلكم فاهمني) وده اللي مش عايزينه يحصل في مصر...عايز تشرف مصر باحترامك أهلا وسهلا ... مش عايز برااااااااااااااا ومشفش وشك تاني
حد فاهم حاجة