حكاية جناب العضو !

**wassim_nasser** · 26-12-2011 02:25 AM

قاعد في الصيدلية ولا بيا ولا عليا .. وباتفرج علي الاخ احمد المسلمانى و هو بيشرح الخلاف الداير مابين ساركوزي و رجب اردوغان و ازاي ان الخلاف التاريخي مابين تركيا و فرنسا تحول لتوازنات سياسية ما بين فرنسا وتركيا و امريكا وايران .. المهم كان من حوالي شهر جم جماعة اجروا شقه ف العماره اللي قصاد الصيدلية و عملوا حزب ! مش فاكر اسمه الحزب العربي للعدالة والمساواه .. نزل راجل بجلابية وقور دخلي الصيدلية وقال انا الشيخ فلان الفلانى رئيس الحزب وجارك و مرشح نفسى ف الشورى و صوتك معانا و همتك معانا .. قولتله بالتوفيق إن شاء الله (أنا كنت اعرف شكله عشان شفت بوستراته ع العربيات) .. طيب أؤمر يا جناب العضو .. ف الاول قالي هات شريط كتافلام .. اتفضل أي خدمة تانية .. ميل عليا وسألنى ماعندكش حبيتين تامول؟! والتامول لمن لا يعرف (أو لمن يعرف و عامل عبيط) هو مسكن قوى ومضاد للإلتهابات و له أثر مخدر قوى و احيانا بيستخدم استخدام خاطئ للإرتقاء بالدماغ المصرية (عشان نعرف نتعامل مع البشر) .. المهم ان الراجل سليم زي الحصان بس عنده ياحرام صداع وحش (اخص عليك يا صداع حوجتنا للتامول) .. انا طبعا استغربت من راجل ف وضعه يطلب حاجه زي دي كده نهارا جهارا .. قمت كعبشت وشى وقولتله لا والله مش باشتغل فيه .. هو يظهر حس انى شوية و هاهزأه راح خد بعضه وقالك امشى بكرامتى .. رجعت ابص علي عمنا احمد المسلمانى لقيته بيقول : "ناخد بالنا يا جماعه واحنا بننتخب اعضاء مجلس الشعب .. مفيش واحد جاهل يدخل المجلس .. الوضع السياسى معقد .. الاغبياء يمتنعون" .. فا سكت كده وقولتله ف سري "الاقيش معاك حبيتين تامول"

**A7MED_PHARMA** · 26-12-2011 02:36 AM

مانت عارف يازميلي
البتاع ده بقا عادي زي الأسبيرين بدون مبالغة
كان الي بيدخل عليا زمان يطلبه..كان بيبص وراه علشان محدش يشوفه
دلوقتي الدنيا بيسسسسسسسس
أي حد وأي سن مابقاش يتكسف ييجي يطلبه
يعني هقولك فئات من البشر إلي بتيجي تسألني عليه
1.مدرس
2.محامي
3.ظباط جيش
4.عمال عاديين
5.سواقين
6.موظف حكومي
إلخ

كل أصناف البشر بقت بتطلبه وتاخده بشكل روتيني كإنه عادي جدااا
والمصيبة السودا الي موجودة والكل مطنش عليها .. إنه موجود (مستورد بدون ترخيص) ولاتكاد صيدلية تخلو منه

طيب أنا هقولك حاجة شبه بتاعتك دي
واحد مخه عبيط جدا من البلد بتاعتنا دي .. الراجل ده مل مايشوفني سهران ييجي يقعد معايا
ويرغي
ويرغي
ويرغي
بشكل مقرف والله ياوسيم .. طلبت معاه وهو شارب سيجارة مجرمة إنه يقوم بأداء الواجب الوطني ويرشح نفسه
وفعلا رشح نفسه .. وفعلا سقط
بس الفكرة
إنه حشااااش ..وبتاع دماغه

**el_nahal2004** · 26-12-2011 03:08 AM

ربنا يهدى ويشفى كل مريض

**عصام غنايم** · 26-12-2011 06:08 AM

طيب ليا سؤال مهم اوى اعرف اجابته

وبخاصه من متخصصين ذى الدكاتره اللى معانا

هو فعلاٌ التامول والترامادول والهيبانول وما الى شاكلتهم بيعملوا دماغ

يعنى فعلاٌ بيخلوا الواحد مبسوط

ولا دى مجرد اوهام الناس بتوهم بعض بيها

يعنى انا مش داخل مخى ابداٌ ان مسكن اى كان نوعه يعمل دماغ

طيب ايه تعريف الدماغ اصلاٌ ؟

هل ان تغييب العقل وان الواحد يبقى شكل الحمار هى دى الدماغ

ولا مثلاٌ البرشام ده بيخلى الواحد مبسوط وهادى ورايق زى الحشيش مثلاٌ

والله فعلاٌ نفسى اعرف الأجابه

**wassim_nasser** · 26-12-2011 08:31 AM

المشاركة الأصلية كتبت بواسطة dr_mido

التامول لامستوى له اى مستوى بيطلبه

أي نعم .. اوجزت فأنجزت

**احمد المصرى** · 26-12-2011 08:34 AM

المشاركة الأصلية كتبت بواسطة عصام غنايم

طيب ليا سؤال مهم اوى اعرف اجابته

وبخاصه من متخصصين ذى الدكاتره اللى معانا

هو فعلاٌ التامول والترامادول والهيبانول وما الى شاكلتهم بيعملوا دماغ

يعنى فعلاٌ بيخلوا الواحد مبسوط

ولا دى مجرد اوهام الناس بتوهم بعض بيها

يعنى انا مش داخل مخى ابداٌ ان مسكن اى كان نوعه يعمل دماغ

طيب ايه تعريف الدماغ اصلاٌ ؟

هل ان تغييب العقل وان الواحد يبقى شكل الحمار هى دى الدماغ

ولا مثلاٌ البرشام ده بيخلى الواحد مبسوط وهادى ورايق زى الحشيش مثلاٌ

والله فعلاٌ نفسى اعرف الأجابه

+111111111111111111111111

**wassim_nasser** · 26-12-2011 08:45 AM

المشاركة الأصلية كتبت بواسطة a7med_pharma

والمصيبة السودا الي موجودة والكل مطنش عليها .. إنه موجود (مستورد بدون ترخيص) ولاتكاد صيدلية تخلو منه

هى دي تحديدا المشكلة .. انك تبقي بتحارب عشان تقنع الناس انك مش بتجيبه ولا بتشتغل فيه عشان حرام و بيدمر الدماغ ده غير المسؤلية القانونية وتلاقي الناس بتقولك " حرام ايه ياعم ده علاج " يا جماعة طب انتو بتستعملوه علاج ؟ أو يقولك " ممنوع ازاي بس لما مغرق الصيدليات" وتبص تلاقي الصين مغرقالك الدنيا تامول و فراولة و ما الي ذلك من انواع الترامادول .. طب وبعدين يابو علاوى انا ابتديت اقلق علي مستقبل فزاع لحسن يشوف تامول يفتكره اقراص سكر او حد يمرشله نص شريط ع التبن

-

-

الموضوع: حكاية جناب العضو !

LinkBack

أدوات الموضوع

عرض

حكاية جناب العضو ! - انشر الموضوع فى :

-

-

-

-

-

المواضيع المتشابهه

ممكن بعد أذن عتاوله السواقه؟عاوز ارجع الكرسى ورا واسوق براحتى من غير م اشوق جناب العر

ايه حكاية الكليو؟؟!!!!!!!!!!!!!!!!!!!!!

الكلمات الدلالية لهذا الموضوع

المفضلات

المفضلات

ضوابط المشاركة