بيجو 207 ؟ إية نظامها ؟

سلام عليكم, أنا زميل من قسم فيات و مهتم بال207 مستعملة
أنا عارف إنها نادرة شوية, و بعد بحث على قسم البيجو هنا للأسف لاقيت مواضيع بسيطة و أغلبها قديمة من 2008
بعد حوالى 4 سنين, هل فى عيوب معروفة ظهرت ؟ أخبار الفتيس الأوتوماتيك إية؟ نفس مشكلة ال307 ؟ هل أى مشاكل متكررة فى الكهرباء بتاعتها مثلا ؟
قطع الغيار برة التوكيل متوفرة ؟ ممكن أسعار لبعضها كمثال ؟ زى الفوانيس و السيور و التيل ؟

لو لاقيت 207 2008 عاملة 50,000 مثلا مانيوال فبريكة تخلص على كام مثلا ؟ 70,000 ؟
فى أخبار عن ال208 هتنزل إمتى و بكام فى مصر؟

و شكرا مقدما

و عليكم السلام و رحمة الله و بركاته

انا بصراحة معرفش اوى عن الـ 207 بس هى شكلها جميل الصراحة و شكلها من العربيات المحترمة بس انا بحس انها ضيقة شوية من ورا

خصوصا ان حضرتك بتقول فى حدود الـ 70 الف ممكن تجيب 307 او c4 نظيفة و هما اكثر انتشارا و وسعا من الـ 207

دا رأيى الشخصى و بالتوفيق ان شاء الله

بالنسبالى كشاب لسة مش متجوز الحجم الصغير للعربية أهم من الوسع بتاع الكنبة, لأنى عايز أجيب مينى كوبر أساسا بس معدية الميزانية بتاعتى, مش مهم اللى يقعد ورا يبقى مرتاح !:whtauwant:

و بعدين 70,000 هتجيبلى 207 مانيوال (1600 CC طبعا) موديل حديث و ماشية قليل,
فى حين إن السعر دة فى ال307 يجيب موديل أقدم و ماشية كتيييير, دة غير المخاطرة فى عيوب مشهورة فى الفتيس الأوتو و الكونترول

عموما شكرا لردك و أنا مستنى النصيحة و التجربة الفعلية من الأعضاء أصحاب العربية

اقتباس:

---

المشاركة الأصلية كتبت بواسطة Moe86

بالنسبالى كشاب لسة مش متجوز الحجم الصغير للعربية أهم من الوسع بتاع الكنبة, لأنى عايز أجيب مينى كوبر أساسا بس معدية الميزانية بتاعتى, مش مهم اللى يقعد ورا يبقى مرتاح !:whtauwant:

و بعدين 70,000 هتجيبلى 207 مانيوال (1600 CC طبعا) موديل حديث و ماشية قليل,
فى حين إن السعر دة فى ال307 يجيب موديل أقدم و ماشية كتيييير, دة غير المخاطرة فى عيوب مشهورة فى الفتيس الأوتو و الكونترول

عموما شكرا لردك و أنا مستنى النصيحة و التجربة الفعلية من الأعضاء أصحاب العربية

---

تمام فهمت قصدك و عندك حق

و ممكن برضو تفكر فى الـ c3 الـ 1600 بتبقى فيها اوبشنز كثير اوى و فيه منها بانوراما و هتبقى فى حدود السعر ده

و بالتوفيق ان شاء الله

شكرا لذوقك, الc3 حاسس إن شكلها بناتى قوى خصوصا سقفها بيبان من الجنب كأنه نص دائرة !

بما إن محدش فادنى بأى معلومة هحكى على الجديد معايا و خلاص
مبدأيا أنا ماكنتش أعرف إن التوكيل أباظة ضايع قوى للدرجة دى!!
رحت النهاردة توكيل بيجو فى طنطا, أشوف ال207 على الطبيعة و كدة, لاقيتهم عارضين منها فئة واحدة بس مش بيبعوا غيرها: 1400 أوتوماتيك بيز لاين, المصيبة بقى بكااااااام..... 123,000 جنيه بعد التخفيض, هما فاكرين فى ناس عبيطة قوى كدة؟!
مين اللى هيدفع 123 ألف فى عربية 1400cc و كمان أتوماتيك يعنى بطيئة موووووت, دة غير إن العربية قرعة خالص (ولا جنوط ولا فتحة سقف ولا فوجات ولا فرش جلد ولا أى حاجة خالص)
اللى خدت بالى منه, إن جودة الخامات الداخلية عالية, و لكن حسيت إنها أقل من ال207 اللى شوفتها من 3 سنين, الكلام دة بجد ولا تهيؤات ؟
و مش هتكلم عن الsalesman اللى كل معلوماته عن العربية إسمها إية و بكام !!!
كنت فاكر أوماترا بتوع فيات ضايعين جدا طلع فى أضيع منهم بكتييير

لاحول ولا قوة إلا بالله, محدش هنا معاه 207 خالص ؟!

طب حد معاه الكتالوج بتاعها pdf بالإنجليزى؟ علشان اللى عرفت أجيبه من على النت فرنساوى و هولندى!

السلام عليكم ورحمة الله وبركاته
أنا عندى 405 قديمة وباتردد كتير على التوكيل وباشوف مختلف موديلات البيجو وباسأل أصحاب السيارات عنها. اللى فهمته إن ال207 كسيارة شبابية هى فعلا الأعلى فى حدود سعرها وأنا أظن أن سعر 70 ألف فى موديل 2008 مش كتير بشرط إنها تكون فى حالة ممتازة وتكون صيانتها دايما عند الوكيل
:verygood:

شكرا يا أستاذ مصطفى, أنا بس كنت مستنى رد حد مجربها أو بيملكها

القسم دة ميت خالص, البقاء لله
عموما, أنا رحت توكيل بيجو تانى و قابلنى salesman مختلف قالى إن العربية 1600 مش 1400 ! ناس ضايعة بجد. و فالى برضو إنها موديل 2011 و تمنها ممكن يخلص على 120 ألف أو أقل كمان, أعتقد إن سعرها كدة غالى بس معقول شوية بالنسبة لباقى العربيات الأوروبى
و قالى مفيش أخبار عن موديل 2012, فى رأيى الشخصى هما عايزيين يخلصوا منها قبل نزول 208 الجديدة كليا
موديلات 207 الأقدم زى 2008 مثلا كانت أوتوماتيك عادى ولا ستيبترونيك زى اللى شوفتها فى المعرض؟ حاسس إن محدش هيرد و بسأل نفسى كعادة القسم دة

اقتباس:

---

المشاركة الأصلية كتبت بواسطة moe86

القسم دة ميت خالص, البقاء لله
عموما, أنا رحت توكيل بيجو تانى و قابلنى salesman مختلف قالى إن العربية 1600 مش 1400 ! ناس ضايعة بجد. و فالى برضو إنها موديل 2011 و تمنها ممكن يخلص على 120 ألف أو أقل كمان, أعتقد إن سعرها كدة غالى بس معقول شوية بالنسبة لباقى العربيات الأوروبى
و قالى مفيش أخبار عن موديل 2012, فى رأيى الشخصى هما عايزيين يخلصوا منها قبل نزول 208 الجديدة كليا
موديلات 207 الأقدم زى 2008 مثلا كانت أوتوماتيك عادى ولا ستيبترونيك زى اللى شوفتها فى المعرض؟ حاسس إن محدش هيرد و بسأل نفسى كعادة القسم دة

---

حسب الاوبشنز اللى فيها بس لو 120 او اقل سنة انا شايف ان مش كثير عليها بصراحة عربية اوروبى هاتشباك 1600 اوتوماتيك سعر كويس بس يبقى فيها شوية اوبشنز برضه ، بس برضه لو قارنتها بالاوروبى الهاتشباك من الفئة ديه هتلاقيها احسن كقيمة مقابل سعر ، عندك البونتو و الكورسا و البولو كلهم 1400 و اغلى منها .. بس العربيات ديه عشان تتجاب زيرو يبقى مش ناوى تغير قريب لأن سعر اعادة البيع وحش اوى

شكلى زهقتك بردودى :36_2_33: بس القسم هنا نايم اوى فعلا

اقتباس:

---

المشاركة الأصلية كتبت بواسطة moe86

القسم دة ميت خالص, البقاء لله
عموما, أنا رحت توكيل بيجو تانى و قابلنى salesman مختلف قالى إن العربية 1600 مش 1400 ! ناس ضايعة بجد. و فالى برضو إنها موديل 2011 و تمنها ممكن يخلص على 120 ألف أو أقل كمان, أعتقد إن سعرها كدة غالى بس معقول شوية بالنسبة لباقى العربيات الأوروبى
و قالى مفيش أخبار عن موديل 2012, فى رأيى الشخصى هما عايزيين يخلصوا منها قبل نزول 208 الجديدة كليا
موديلات 207 الأقدم زى 2008 مثلا كانت أوتوماتيك عادى ولا ستيبترونيك زى اللى شوفتها فى المعرض؟ حاسس إن محدش هيرد و بسأل نفسى كعادة القسم دة

---

طب ما هي فعلا 1600
ال 208 لسة شوية عليها على ما تجيلنا
و كل اوتوماتيك البيجو والستروين ستبترونيك

اقتباس:

---

المشاركة الأصلية كتبت بواسطة mohab.nabil

حسب الاوبشنز اللى فيها بس لو 120 او اقل سنة انا شايف ان مش كثير عليها بصراحة عربية اوروبى هاتشباك 1600 اوتوماتيك سعر كويس بس يبقى فيها شوية اوبشنز برضه ، بس برضه لو قارنتها بالاوروبى الهاتشباك من الفئة ديه هتلاقيها احسن كقيمة مقابل سعر ، عندك البونتو و الكورسا و البولو كلهم 1400 و اغلى منها .. بس العربيات ديه عشان تتجاب زيرو يبقى مش ناوى تغير قريب لأن سعر اعادة البيع وحش اوى

شكلى زهقتك بردودى :36_2_33: بس القسم هنا نايم اوى فعلا

---

زهقتنى إية! دة انت بترفعلى معنوياتى فى كل مرة أقرر إنى مكتبش حاجة تانى فى قسم بيجو
و بالنسبة لسعر إعادة البيع معاك حق, علشان كدة حتى لو هقدر أجيبها زيرو ب120 أنا هجيبها مستعملة ب75 مثلا

اقتباس:

---

المشاركة الأصلية كتبت بواسطة unendlich

طب ما هي فعلا 1600
ال 208 لسة شوية عليها على ما تجيلنا
و كل اوتوماتيك البيجو والستروين ستبترونيك

---

تمام, أنا بسأل عن ال208 علشان لو هتنزل قريب قوى أستناها , علشان وقتها ال207 سعرها ينزل و أستفيد بالفرق دة

سؤال technical شوية
ال207 باور زيت ولا كهرباء ؟

السلام عليكم ورحمة الله وبركاته
شكلك كده حاتقعد تسأل كتير ومش حاتشترى ولا حاجة. اللى بيشترى الأوروبى بيفكر فى استمرار السيارة معاه لسنين طويلة يعنى مش حا يسأل على سعر إعادة البيع لأنه لو باعها بعد أكتر من عشر سنين مثلا حايكون سعر إعادة البيع لها أكتر من الكورى. لو تقدر على تمن الجديد أريح لك بكتير. أما أسئلتك على مواصفات السيارة فيمكن بسهولة الحصول عليها من مواقع كثيرة على النت

شكلك زهقت منى خالص خالص يعنى!
أنا بس بسأل كتير طبيعى علشان الواحد مش بيشترى عربية كل يوم و زى ما إنت بتقول الأوروبى بيعه تقيل و بينزل جامد
و بالنسبة للمواقع العالمية, دايما المنتديات الجامدة فى بيجو بتبقى بالفرنساوى و كمان مواصفات العربيات فى أوروبا مختلفة كتير عننا, مثلا أغلب العربيات فى هناك ديزل مش بنزين

اقتباس:

---

المشاركة الأصلية كتبت بواسطة moe86

شكلك زهقت منى خالص خالص يعنى!
أنا بس بسأل كتير طبيعى علشان الواحد مش بيشترى عربية كل يوم و زى ما إنت بتقول الأوروبى بيعه تقيل و بينزل جامد
و بالنسبة للمواقع العالمية, دايما المنتديات الجامدة فى بيجو بتبقى بالفرنساوى و كمان مواصفات العربيات فى أوروبا مختلفة كتير عننا, مثلا أغلب العربيات فى هناك ديزل مش بنزين

---

السلام عليكم ورحمة الله وبركاته
لا والله العفو مش زهقان منك ولا حاجة دا أنا بالعكس نفسى أشوف مداخلات كتير فى قسم البيجو الفقير ده, أنا بس صعبان عليه ترددك ونفسى إنك تحاول تاخد قرارك سواء بالشراء أو لأ أسرع من كدة شوية, وعلى فكرة أنا شخصيا عندى الطبع ده وأعانى منه كثيرا وبيضرنى ساعات عشان كده بازعل لما حد يعمل زييى. خلينا فى موضوعنا: البيجو عامة سيارة إعتماديتها عالية ومعمرة وماتحتاجش كتير لمشاوير للورش والصنايعية وده مقابل قطع غيار غالية ووكيل فى السنين الأخيرة كان نام وضيع سمعته القديمة. أظن إنه مع تغير الظروف السياسية ممكن الوكيل يتعافى: يارب. من خلال زياراتى للورش اللى بتتعامل مع البيجو وسؤالى لمالكى ال207 والمهندسين ماكانش فيه انتقاد أو عيوب كبيرة فيها. لو ناوى تستعملها سنتين تلاتة وتغيرها بلاش أحسن ولو ناوى تحتفظ بيها كتير حاتكون أفضل من سيارات أخرى كتير فى حدود سعرها

هات وانا اترجمهولك لو حبيت

سيارة ال 207 سيارة رائعة بكل المقاييس سواء نسختها الديزل 1,6 ابو ال 90 حصان او ال1,4 بنزين
وهي السيارة الاكثر مبيعا في فئتها
من المقرر ان تخلفها هذه السنة سيارة 208

اقتباس:

---

المشاركة الأصلية كتبت بواسطة moe86

لاحول ولا قوة إلا بالله, محدش هنا معاه 207 خالص ؟!

طب حد معاه الكتالوج بتاعها pdf بالإنجليزى؟ علشان اللى عرفت أجيبه من على النت فرنساوى و هولندى!

---

الله يخليكوا يا رجالة, شكرا على الردود
بصراحه اللى مأخر شراء العربية شوية ظروف الشغل الأيام دى لأنى إشتغلت فى مستشفى جديدة جنب البيت, و كمان ظروف البلد عاما, بس إن شاء الله هانت خلاص
يا WOLF313 هو حضرتك هتترجم الكاتلوج كله! مستحيل , و لو إستخدمنا برامج translation الترجمة بتبقى مضحكة جدا, علشان كدة كنت بسأل على حد يرفع الكاتلوج هنا على طول, و طبعا شاكر لعرضك
معلش بقى أنا الحمد لله جامد فى الإنجليزى بس ما أعرفش أى لغة غيره خالص

ساترجمه للمنتدى شخصيا ليس مشكلة
طبعا لن تكون ترجمة كاملة لكنها مختصرة

اقتباس:

---

المشاركة الأصلية كتبت بواسطة moe86

الله يخليكوا يا رجالة, شكرا على الردود
بصراحه اللى مأخر شراء العربية شوية ظروف الشغل الأيام دى لأنى إشتغلت فى مستشفى جديدة جنب البيت, و كمان ظروف البلد عاما, بس إن شاء الله هانت خلاص
يا wolf313 هو حضرتك هتترجم الكاتلوج كله! مستحيل , و لو إستخدمنا برامج translation الترجمة بتبقى مضحكة جدا, علشان كدة كنت بسأل على حد يرفع الكاتلوج هنا على طول, و طبعا شاكر لعرضك
معلش بقى أنا الحمد لله جامد فى الإنجليزى بس ما أعرفش أى لغة غيره خالص

---

حد عندو فكرة بتــــــــــــــسخـــــــ ـــــــن ولا ايه
يعني هل ممكن زي الياباني اشغل التكييف واقعد الف بالعربية ما تسخنش