الموضوع: تم تصليح دراع النور وحل المشكله نهائيا لسيارات كيا

السلام عليكم


بعد بحث كتير فى المنتدى لقيت ان مشكله دراع النور تقريبا فى كل عربيات السيراتو او الكيا عموما والحل الوحيد هو تغيير دراع النور ولكنى حاولت انى ابحث عن طريقه لتصليح دراع النور بدون تغيير علشان ال حابب يصلح ومش عايز يغير الدراع الاصلى بتاع الفبريكه


انا بتعامل مع كهربائى من سنين فى فيصل والحمد لله ربنا وفقه وصلح دراع النور والفوجات اشتغلت وذى الفل الحمد لله الموضوع بس بياخد وقت شويه علشان لازم يفك الدركسيون ولازم يفك الايرباج مع انى كنت قلقان جدااااااا بس من طريقه فك الراجل بصراحه كنت مطمن جدااااا لانه بيفك وهو فاهم بيعمل ايه بالظبط


المشكله الكبيره


اكبر مشكله هو فك دراع النور نفسه هيا دى القصه بقا لان عباره عن ابره انت عايز تخرجها من مكانها لو خرجت الدراع بيتفك فى ثانيه بس تخريجها رخم لاقصى درجه وفى خرم صغير بس كان لازم الخرم دا يكبر شويه علشان يقدر انه يخرج الابره دى ويفك دراع النور وطبعا دى الحاجه الوحيده ال وحشه فى الموضوع بس انا شخصيا مكنتش زعلان لان دا الحل الوحيد بصراحه


المهم العيب من فى سلكه كانت مفكوكه وهو لحمها واشتغل دراع النور عادى جدااااااااااا

مميزات الموضوع :-
1:- انه صلحت دراع النور بدون تكلفه تغيير الدراع النور + انى حافظت على دراع الفبريكه

2:- انى تغلبت على مشكله عامه فى سيارات كيا
3:- انى لقيت حل لاعضاء نايل موتورز لحل هذه المشكله


عيبوب الموضوع :- ان شكل الخرم دا اكبر شويه بس انا شخصيا مخدش بالى منه والدراع راكب خالص ولو كان فى وقت كمان كان خباه بس انا كنت مستعجل وكنت راضى جدااااااا بالدراع كدا لان الخرم مش باين اساسا اطلاقا



انا راضى عن الموضوع بنسبه لا تقل عن 99 % ا


ولو حد عايز يصلح الدراع انصحه انه يروح لرضا بجد راجل فى قمه الاحترام والادب والاخلاق