الحمد لله تم اكتشاف و تصليح المشكلة اللى كانت مجننانى
http://www.nilemotors.net/Nile/261791-a.html
دة لينك المشكلة و مشاركات الوحوش و طلع العيب حاجة تانية خالص بعيد عن الدماغ خالص
انا لما زهقت و خصوصا ان المدام هيا اللى معاها عربيتى ومعاها البنت فالموضوع عصبنى جدا قلتلهم سيبوها عند فهد و مصطفى لحد ما يظبطوها و مايتمشيش بيها و هيا كدا لان العربية لما بتبطل الفرامل بتروح و طبعا المدام بتلبس فى اللى قدامها
المهم مصطفى ربنا يباركلة غير كل حاجة تقريبا فى العربية وبرضة العيب موجود
لقيتة بيكلمنى بيقولى ما بدهاش انا رايح بيها الحرفيين لكهربائى هناك معرفة
الساعة 3 صباحا جالى تليفون بالبشرى من مصطفى مبروك يا دكتور عربيتك قامت بالسلامة
طبعا انا مصدقتش نفسى
كان فيها اية يا درش
كان فى سلكة فى الضفيرة اللى بتدى كهرباء للرشاشات بتعمل قفلة و دة اللى بيفصل العربية و طبعا الكهربائى خد ييجى 5 ساعات هوا كمان بيراجع على كل حاجة لان مصطفى راحلة فى حدود الساعة 9
الخلاصة ان العيب مكانش فى الدماغ و طلع كلام فاضى و الحمد لله ان الناس عندها ضمير كان ممكن يفتحلى انو غير و عمل بس الحمد لله
وشكرا لكل من ساهم و حاول يساعد وربنا يكفيكو شر العربيات لما تقفش على الواحد هههههههههه