أية أنسب نوع زيت ياجماعة

**elgohary20012** · 26-12-2011 11:18 AM

السلام عليكم كنت عايز أعرف أنسب و أحسن نوع زيت ماتور لعربيتى تويوتا كرولا هاى لاين 2010 عاملا 13000 كم مع العلم أنى بحط موبيل xhp ياريت ياجماعة تقولولى اية أنسب نوع زيت يهدى من صوت الماتور و يكون أدائة... أحسن ياريت تفدونى

**Veroman** · 26-12-2011 11:33 AM

انا بردو عايز اعرف انى زيت احسن موبيل ولا فالفولين ؟؟؟؟؟؟

**elgohary20012** · 26-12-2011 01:45 PM

اية ياجماعة حد يعبرنا

**elgohary20012** · 27-12-2011 09:49 AM

نرجو الأهتمام ياجماعة عايز أعرف أفضل الزيوت المستعملة فى الماتور و ياريت يكون حد أستعملها

**Unendlich** · 27-12-2011 12:03 PM

حضرتك بتحط زيت ال 5000 ابو 100 جنيه في عربية زيرو تمنها 160 ألف جنيه و عاملة 13 ألف !!!

**hero** · 27-12-2011 02:18 PM

هو الزيت دة سيء قوي للدرجة دي....انا لسة مغير منة في عربيتي الياريس بعد موبيل 1...بس انا غيرت لاني ما باستخدمش العربية كتير وباغير الموبيل 1 وهو لسة جديد بمرور ال6 شهور علية ...(يعني بيمر علية 6 شهور قبل ال5 آلاف كم حتي)

وعلي فكرة الزيت ب 160 جنية غير الضريبة والمصنعية...

انا متابع الموضوع لاني حسيت ان صوت الموتور علي عن الموبيل 1

شكرا مقدما

**Formulator** · 27-12-2011 05:58 PM

المشاركة الأصلية كتبت بواسطة elgohary20012

مع العلم أنى بحط موبيل xhp ياريت ياجماعة تقولولى اية أنسب نوع زيت يهدى من صوت الماتور و يكون أدائة... أحسن ياريت تفدونى

المشاركة الأصلية كتبت بواسطة hero

انا متابع الموضوع لاني حسيت ان صوت الموتور علي عن الموبيل 1

طبعا لااااااااااااازم صوت الموتور يبقى عالى مع الزيت نصف-التخليقى اللى بتستعملوه..؟!!

يافندم استخدموا زيت Full-Synthetic حسب الـrecommended عندك فـ المانيوال بتاع العربية..؟؟!!!
توكيل تويوتا بيستخدم موبيل1
ممكن تستخدموا شيل هيلكس ألترا, أو LiquiMoly Top Tec أو Valvoline SynPower.. اى زيت تخليقى بالكامل 5w-40
وممكن فـ الشتاء تستخدم 0w-30, و فـ الصيف 5w-50.. أو تثبت على 5w-40 صيف-شتاء..!!

المهم يبقى Fully-Synthetic حفاظا على العمر الأفتراضى للموتور بتاعك..

**Veroman** · 29-12-2011 08:30 AM

و مش عارف اعمل اية اغيرة ولا ازودة ولا اسيبة شوية كدة

**ahmedfd** · 29-12-2011 10:38 AM

مش ضروري الزيت التخليقي يكون أفضل لعربيتك.
كل الزيوت زي بعض طالما بتحقق الحد الأدنى لمتطلبات الـ API Standards اللي بيضعها معهد البترول الأمريكي.
و آخر مواصفة نزلت لمحركات البنزين هي API SN و قبلها كان API SM و قبلها API SL و قبلها API SJ و دول كلهم ما زالوا شغالين و قبلهم كان API SH و API SG و دول غير مستخدمين و المفروض لا ينتجوا حالياً.
الخلاصة إن أي عربية اليوم بتحط زيت مكتوب على علبته إنه متوافق مع مواصفات API SM أو API SN فده مفيهوش أي مشكلة على العربية.
و كمان أي شركة تضع علامة API و SAE على علب منتجاتها فهي لازم بتكون بتحقق الحد الأدنى لهذه المواصفة يعني هنا موبيل زي شل زي كالتكس زي مصر للبترول زي التعاون، و كل الـ base بتاع الزيوت دي زيوت محركات قديمة اللي بتنزل من العربية أثناء التغيير و بتتجمع و تروح لمصانع يتم فيها إعادة التنقية Lube Oil Blending Plants و وضع الإضافات اللازمة و إعادة تعبئتها... طبعاً الإضافات بتختلف لكل شركة لكن طالما وضعت علامة API و SAE فهي لازم تكون بتحقق الحد الأدني لهذه المواصفة.
الزيوت التخليقية ميزتها عن الزيوت المعدنية في تحمل الحرارة الشديدة بدون تغير مواصفة الزيت بس ده للحرارة الشديدة قوي و ده بيكون في المحركات اللي بتعمل في ظروف قاسية زي محركات السيارات السبور و السباق أو، و ده الأهم، عدم التأثر بالحرارة المنخفضة أثناء عملية بدء المحرك في الجو القارس البرودة.
و بالنسبة للسيارات العادية بتاعتنا كل واحد بيشوف إحتياجاته .. يمكن يكون تقليل المقاومة أثناء إدارة المحرك في البرد ميزة لكن مش للدرجة يعني .. المهم بالتأكيد API SN أو SM مفيهوش أي مشكلة.
ممكن طبعاً شركات تنصح بنوع معين لكن مش معنى كدة إن الزيت المعدني مش كويس أو لا يصلح.