الموضوع: عاجل: أحسن بدلة formal منين؟

المشاركة الأصلية كتبت بواسطة أحمد كمال

انضف فرع لموريس حنا فرع المريلاند

والله السؤال ده كان على بالي. سبحان الله
بقول برضه فرع جنينة ولا هليوبوليس فيه تشكيلات أحسن من فرع شارع شريف
المريلاند أنهي في اللينك: جنينة ولا هليوبوليس ولا بطراوي؟

طيب سؤال مقارنة بقى: موريس حنا ولا btm (فرع الزمالك)؟

بص بقي لو معدي من عند الحريه خد بصه مش هتخسر حاجه
ف محل اسمه شعراوي جنب الحريه مول ع طول بتعجبنه حاجته و نضيفه
فابقي بص كده

المشاركة الأصلية كتبت بواسطة love7amada

بص بقي لو معدي من عند الحريه خد بصه مش هتخسر حاجه
ف محل اسمه شعراوي جنب الحريه مول ع طول بتعجبنه حاجته و نضيفه
فابقي بص كده

ألف شكر. هحطه في مشوار البدلة الجاية إن شاء الله

المشاركة الأصلية كتبت بواسطة شريف

طب هو في عروض دلوقتي في اي حته
فرصه يعني او حاجه متتعوضش

ازيك يا شريف باشا؟ :)
م. أحمد كمال كان بيقول "فيه سرار Sarar في جوزيف تيتو بيبيع موديلات السنة اللي فاتت بنص التمن تقريبا"
أنا ماروحتش عنده لسه بصراحة

المشاركة الأصلية كتبت بواسطة sara2001

العفو على ايه
موريس حنا فعلا مشهور باللبس الكلاسيك
وفيه لورنزو في البطل احمد عبد العزيز وجاي لاروش في عباس العقاد وفي وسط البلد ... كانوا واقعين من الذاكره عندي :)

Guy la Roche ده تمام فعلا
حضرتك فكرتينا باللي إحنا كلنا ناسيينه :)

السيدات والسادة العزيزات والأعزاء
لفيت ودورت ليلة ما عملت الموضوع ده وعديت على كام مكان من اللي حضراتكم تفضلتم مشكورين ووصفتهوملي
والحمدلله لقيت طلبي بعد تالت محل دورت فيه في شهاب
بس فيه حاجة لاحظتها:
كل البدل اللي شوفتها يا إما مصنوعة في مصر يا إما في الصين ويكتبلك على الجاكت من جوّه Designed in Italy
قال يعني إحنا مش عارفين الفرق بين designed و made !!!

هو التصميم بتاع بعض البدل تحفة فعلا بس الخامات والتقفيل هأقول 80% مثلا كواليتي عالي

طيب فين بقى الـ stores اللي بدلها من a لـ z مصنوعة برّة؟
وأنا مدرك تماما إن البدلة الواحدة اللي بالشكل ده هتعدي 3000 مستريح

وأنا متشكر جدا للكل فعلا :)))