طبعا المشايه مهمه جدا ليه بس ياريت هو يتعود عليها بسهوله
عرض للطباعة
كل حاجة بتيجى فى وقتها يا استاذ احمد.هو مش يمشى مشى 100% فى اول سنة ومش عارف ليه مستعجل على مشيه وتقوية رجليه.هو مش بياخد كالسيوم ؟ ده هيقوى رجليه كفاية وعلى العموم الكالسيوم اللى فى جسمه مش هيكفى سنانه او رجليه فعشان كدة بياخد كالسيوم مكمل (والله اعلم ده مع ابنى بس ولا ولاد تانين).
معلش طولت عليك بس ليه عاوزله حاجة تقوى رجليه؟ وزى ما ابو اياد قالك المشاية ممتازة لتقوية عضلات الرجل بس خد بالك ليتعلم يطلع منها لوحده.
والله يا رجاله دا اول ابن ربنا رزقنى بيه وانا عامل ذى الجاهل كل حاجه بتعلمها لانها بتكون جديده عليا وهو فعلا بياخد كالسيوم
انا بس فكرت انى اجيبله حاجه يدويه علشان يعملها بايده مش مجرد زرار يدوس عليه وخلاص او حاجه مثلا تنمى الذكاء عندو والله انا فعلا عامل ذى الجاهل مش عارف المفروض ايه ال جى فى السن دا واكيد كل سن وليه هدايا معينه وليه اسلوب معين كمان فى التعامل
انا زيك برضه.رزقنى ربنا باول ولد والحمد لله من سنة واربع شهور وحاليا هو فى فترة التقليد البسيط ولسة بتعلم ايه الصح وايه الغلط معاه وده طبعا باتباع كلام الدكتور والجدود والجدات وبقرا كتير ولو الانجليزى بتاعك كويس خش على الموقع ده وعيش :BabyCenter | Homepage - Pregnancy, Baby, Toddler, Kids انا بقرى منه كتير وخد بالك ان مش شرط الولد يعمل كل المفروض اللى الموقع بيقوله لان الاطفال بتختلف .
تنمية الذكاء ممكن تعملها معاه بحاجات بسيطة:
اولا عامله انه شخص فاهم واشرحله بتعمل ايه دلوقتى معاه يعنى مثلا بتاكل ايه وديه معلقة وشوكة والسكينة لا عشان بتعور او بتوجع.
التليفزيون الفيلم ده الراجل بيكتب ويقرا............الخ.
العربية مينفعش تقعد معايا عشان انا بسوق وانت اتفرج من الشباك.
يعنى اشرحله كل اللى بيدور حواليه (نبهه)
اديله ورقة وقلم وانت اقعد جنبه وعلمه براحة يمسك القلم ازاى واكتب معاه او ارسم او شخبط.
وفيه قسم فى المنتدى لطب الاطفال اسال والدكاترة بسم الله ما شاء عليهم بيخدموا بامتياز.
على فكرة معظم الأطفال مبتحبش لعبها و تحب تاخد أى حاجه تانية فى البيت تلعب بيها.
يعنى مثلا ياخد مفك أو شاحن موبايل أو لابتوب و يلعب بيه .. و دايما بيركز على الحاجات اللى انت بتستخدمها زى التليفون و الموبايل و اللابتوب مثلا.
و اللى بلاحظه ان الأطفال بيحبوا الحاجات اللى بتعمل رد فعل لما الطفل يعمل أكشن معين .. يعنى مثلا يحب لما يضغط على زرار الموبايل يعمل صوت .. أو يشيل الشاحن من اللابتوب فيعمل صوت .. و يفضل يكرر الحركه دى و ميزهقش.
وتلاقيه مثلا ماسك مفك و فيشة و عمال يحط المفك جوه الفيشه و يطلعها و يفضل كده بالساعات .. و يسيب جنبه لعب أد كده ولا يقرب لها.
انا ابنى حاليا بيلعب بالموبيل بتاعى هيا دى مصدر التسليه الوحيد بتاعه ولازم يرميه فى الارض ويجرى وراه بفكر اجيبله موبيل بس احساسى انه برضوا هيمسك الموبيل بتاعى ويرميه فى الارض ويجرى وراه