السلام عليكم ،،،،
ممكن يكون سؤالي حد سأله قبل كده ...
هل النيسان صني و الرينو سكالا توءم تقريباً متطابق ؟؟؟؟
و لا في فرق بين العربيتين و شكراً ...
عرض للطباعة
السلام عليكم ،،،،
ممكن يكون سؤالي حد سأله قبل كده ...
هل النيسان صني و الرينو سكالا توءم تقريباً متطابق ؟؟؟؟
و لا في فرق بين العربيتين و شكراً ...
الرينو سكالا تعتبر من انتاج شركة سامسونج الكورية ونتزل فى بعض البلاد (مصر والكسيك وكلومبيا) تحت اسم سكالا وفى الخليج تحت اسم نيسان صنى وباسم نيسان الميرا فى دول اخرى.
المصدر: Renault Samsung SM3 - Wikipedia, the free encyclopedia
وتسير بمواتير من شركة نيسان وبالتالى فى تقريباً نفس موتور الصنى المصرى.
المثير ان الجيل الثانى من تلك السيارة هو "رينو فلورنس" !!!
الصنى المصرى مبنية على قاعدة سيارات نيسان N16 والتى تباع فى دول اخرى تحت اسماء مختلفة، ولم ينزل اصدار جديد من الصنى من شركة نيسان ولكن للحفاظ على حصة الشركة فى سوق الخليج تم انزال السيارة سامسوج تحت اسم الصنى.
المصدر: Nissan Sunny - Wikipedia, the free encyclopedia
وبالتالى فأن الصنى المصنعة حالياً فى مصر هى اخر تصميم لتلك السيارة. (وان كان مخطط نزول الشكل الجديد منصف 2012)
تشابة التصميم الداخلى ناتج من نقل المعرفة للتصميم بين رينو ونيسان وسامسونج وكذلك داتشيا (الرومانية) للتوفير وبالتالى المنافسة فى السوق الدولية.
انا جربت الصنى فى الخليج ولا اجد منها شكوى واملك حالياً الصنى فى مصر وكذلك لااجد شكوى.
أنا رجحت الصنى لسبب واحد فقط سياسة الامر الواقع من السوق المصرى، لو قدر الله وارد ان اغير سيكون من الصعب تغيير السكالا لعدم وجود طلب عليها بينما الصنى لأ.
والسلام ختام
هى فعلا الرينو السكالا هى الصنى الخليجى و فى شراكه بين رينو و نيسان و تجاريا اسم نيسان فى مصر يخللى النيسان صنى احسن فى سعر اعاده البيع و الانتشار
أنا شايف أن الكلام كله عن موضوع إعادة البيع
طيب فين المقارنة فى الموتور والكفاءة والصيانة والتقفيل
يعنى يقال أن الصنى تقفيل مصرى وعفشتها وحشة
يا ترى إيه أخبار تقفيل الاسكالا ، يعنى تقفيل كورى واللا مصرى برضه
ويا ترى ايه رأى حضراتكم فى السكالا المانيوال؟؟؟؟
حضرتك انا معايا سكالا اتوماتيك هاي لاين العربية التقفيل بتاعها كويس و الكراسي مريحة بس انا بحس ان العفشة ناشفة شوية ... حتى لما سألت في التوكيل قالولي هي العربية كده ..... الموتور هوه هوه مفيش تغيير و اسعار الصيانات معقولة انا عامل 34 الف و شايف ان العربية معقولة و ربنا يوفقك
العربيه فى غاية الجمال وعامل لحد دلوقتى 2000 كم والحمد لله مفيش شكوى والحمد لله والله اكبر :)
الصنى ناشفه علشان عفشه رياضيه و مقابل كده بتاخد منها ثبات جامد على السرعات العاليه
حضرتك محتاج تجرب الاتنين وتشترى الانسب لك
بص حضرتك فى حاجه معروفه فى كل الدنيا اسمها ثقافه المستهلك و هى اللى بتخللى مستهلكين بلد يفضلوا مواصفات معينه او ماركه معينه و اللى انا بقولوا ده تحديدا علشان سعر اعاده البيع و مثال بسيط ليه رينو مثلا بتنزل الداستر فى اوروبا الشرقيه تحت ماركه داتشيا لانها معروفه اكتر و الناس بتفضلها و عندنا بتنزل تحت اسم رينو لان اسم داتشيا مرتبط بالتاكسيات و عمر ما حد هيشتريها لو نزلت من داتشيا و لا هتتباع بسعر فوق ال ١٢٠ الف مع العلم ان العربيه دى هى دى بالضبط لكن اسم الصانع بيفرق فى سعر البيع و اعاده البيع و خاصه انه معروف ان هناك تحالف بين نيسان و رينو يعنى الموضوع عادى جداً و اللى اقصده انك مش هتلاقى اختلاف كبير بين الاتنين كمواصفات بالنسبه للاساسيات لكن اللى هيفرق هو سعر اعاده البيع لانه اكيد لصالح الصنى فعليك انك تحدد اولوياتك و تختار بين التقفيل المصرى او الكورى اذا كان فارق معاك و كمان بين توكيل رينو و نيسان و حكايه اعاده البيع و بعد كده تقرر و بالتوفيق ان شاء الله
[، لو قدر الله وارد ان اغير سيكون من الصعب تغيير السكالا لعدم وجود طلب عليها بينما الصنى لأ.
+1111111111