انا شغال فى مكان بقالى فيه 6 سنين وقبلها كنت شغال سنتين فى مكان تانى المهم شغلى الحالى وقت التعيين كان عندى خبرة سنتين وتم الاتفاق على مرتب معين مع العلم ان مدير المكتب عارف خبرتى اد ايه وفوجئت مع مرتب اول شهر ان المرتب اقل مما اتفق عليه طبعا هتقولو مش فيه عقد هقولكم اه فيه بس انتو عارفين القطاع الخاص يكتب حاجة فى العقد مختلفة عشان التامينات المهم لقيت المرتب اقل من المتفق عليه بمبلغ مش كتير بس النقطة ان انا عامل حسابى على رقم وافوجأ برقم اقل اعمل ايه اتكلمت مع المدير بتاعى رد عليا وقالى عشان الخبرة قلتله انا قلتلك خبرتى اد ايه ومعايا شهادات خبرة بالسنتين دول المهم كان متعين معايا فى نفس اليوم زميل واجتهدت انا وهو وعملنا نظام الى للمكان يتم تسجيل البيانات عليه المهم طورنا المكان جدا انا وهو طبعا الزملاء القدام شايفنا شغالين انا وهو طبعا الغيرة اشتغلت واحنا كل شوية نسمع كلام مش كويس ومقالب تتعمل فينا مع مدير المكتب ولما نتكلم يترد علينا ان فلان اقدم منكم وخبرته اكتر المهم مرت الايام وزميلى الاقدم ده حصل مشكلة بينه وبين المدير وانا كنت فى النص واتاخدت فى الرجلين واخدت جزاء انا وهو وبعدين حصلت مشكلة تانية وراح المدير قاطع عيشه اتلككله من الاخر ومشاه وانا فى الاول والاخر فى حالى مليش فى اللف ولا الدوران جه واحد اتعين بعد تعيين ى بسنة وخبرته سنة واحدة واتعين على مرتب اعلى منى طبعا انا عشان مليش فى اللف والدوران قلت ربنا يبارك فى الاول والاخر ده رزق ومحدش يقول على انى سلبي وسكت وقلت خلاص وبعد كمان المشكلة اللى حصلت مع المدير حاططنى فى دماغه عشان يقطع عيشي بسبب ان ليا علاقات مع الناس الاعلى منه واجتماعى اكتر وهو مش بيحب كده لان عنده مشكلة انه قافل على نفسه خالص وملوش دعوة بحد ولما عرف ان انا بكلم فلان واعرف علان خاف لاكون اعمله مشكلة وبعدين المكان اللى شغال فيه كل سنة بيتعمل تكريم لكل ادارة بيتم اختيار واحد من الادارة لتكريمه وكا عندى امل ان اتكرم انا وزميلى اللى متعينين مع بعض فى يوم واحد على اعتبار ان السنة دى طلبو من كل ادارة ترشيح اتنين للتكريم وكان عندى امل بس للاسف هو لسه حاططنى فى دماغه على الرغم ان المشكلة عدى عليها 3 سنين ومن بعده انا شغلا بمايرضى الله المهم مديرى اختار زميلى ده للتكريم وكمان طلبله ترقية يبقى نائب مدير واتوافق عليها انا والله مش بحقد عليه هو مجتهد ويستاهل كل خير بس انا كمان تعبت معاه فى تطوير المكان وده بشهادة زمايلى حتى والله زمايلى قالولى انت اتظلمت كتير وكان على الاقل كان رشحك للتكريم انا اعمل ايه انا مخنووووق جدا :_Alshmokh11: ومش عارف اعمل ايه واللى ضايقنى اكتر ان اللى متعين بعدي كل شوية يلمح انه هيطلب تعديل لمرتبه على اساس ان ناس مشيت وقدمت استقالتها واحنا شلنا شغلهم وانا اكتر واحد مظلوم مش عارف اعمل ايه اكلم مديرى على موضوع التكريم ولا خلاص مش هتفرق كتير ولا اطلب منه يعدلى مرتبى مع العلم ان لاتنين اللى قدمو استقالتهم واحد مشى من سنة وانا شيلت شغله والتانى مش من 3 شهور وانا برده اللى شيلت شغله اعمل ايه اروح لمديرى ولا اتكلم مع الناس الاعلى اللى اعرفهم بحكم ان صاحب مكان الشغل ليا واحد قريبى يعتبرو اصحاب وده اللى مخلى مديرى قلقان منى عشان كده لما حصلت المشكلة الاولانية كان بيحاول يطفشنى باى طريقة قلولى اعمل ايه:Copy of rfds: