عندى شقه صغيره وكنت عايز اسقفها وكنت عايز اعرف متر الخرسانه بكام النهارده؟؟؟
عرض للطباعة
عندى شقه صغيره وكنت عايز اسقفها وكنت عايز اعرف متر الخرسانه بكام النهارده؟؟؟
مصنعيات و لا مصنعيات و مونه و السقف كام متر
ياعنى ايه يا فندم مون لوحدها و مصنعيه لوحدها
يعني بكام المونة و بكام المصنعية :) ؟
بعنى انا حجيب المون والمقاول حيجى بخشبه بس وححاسبه مصنعيه بس
فعايز اعرف المتر المكعب بيتكلف مون كام حديد ورمل وزلط وفقا لاسعار السوق الحاليه
والمصنعيه بتتحسب برضه بكام للمتر المكعب
ده قصدى
لان انا بطبعى ما بحبش اسلم الجمل بما حمل لاى حد يتحكم فيه لازم يبقى تحت نظرى وعلمى واجيب الحاجه بإيدى
ولو المعلومه تفصيليا مش متوفره يبقى اعرف السعر شامل الكل( المصنعيه + المون) للمتر المكعب كام تقريبا؟؟
تكلفة المتر المكعب خرسانة مسلحة
1- الحديد ( متوسط 100 كجم / م3 ) حوالي 480 جنية
2- الاسمنت ( 7 شكاير /م3 ) 175 جنية
3- الزلط ( 0.8 م3 /م3 ) 45 جنية
4- الرمل 7 جنية
5- خراطيم كهرباء وسلك رباط ونثريات 20 جنية
اجمالي المون 727 جنية للمتر المكعب
متوسط المصنعيات 160 جنية للمتر المكعب
الاجمالي حواي 900 جنية
وتحت امرك في اي استفسار
الاسعار دى للمتر المكعب ... هو السقف بيتحسب بالمتر المربع ولا المكعب ... يعنى الاسعار دى 220x900= 198000 كتير قوى على صبة سقف !!!
ممكن حد يفهمنى تتحسب ازاى؟
يافندم دة اسمة تحليل سعر التكلفة
وبالنسبة للمباني السكنية فنسبة الحديد تتراوح من 90 كجم في المتر المكعب الي 115 كجم في المتر المكعب
وبالنسبة للسوق ففي اكتر من طريقة
1- مصنعيات والعميل بيجيب المون 2
2- نصف مونة واجرة والعميل بيجيب الاسمنت والحديد
3- مونة واجرة والعميل لا يجيب اي شىء
وعلي فكرة انا مهندس اسشارى دفعة 91
يا جماعه المتر المكعب ده يعمل كام متر مربع للسقف؟
أنا مهندس اتصالات مليش في المباني
بس أعرف ان بلاطة السقف بتتراوح من 10-15 سم والله أعلم
يعني المتر المكعب يطلع حوالي 10م مربع لو البلاطة 10 سم، وحوالي 6.6 متر مربع لو 15 سم
لو بلاطة 10 سم:
220 متر * 0.1 يطلع تقريبا 22 متر مكعب
ضيف على كده تكعيب الكمرات
لو Flat slab هيبقى فى حدود 20 سم البلاطه و بالتالى هيكون تكعيب السقف = 220 * 0.2 = 44 متر مكعب و بالنسبه لسعر 900 جنيه للمتر المكعب اللى الباشمهندس قال عليه واقعى جدا
الجزء الأول مظبوط. حوالي 26.4 متر مكعب
الجزء التاني أي كلمة حقولهالك اعتبرها فتي
يلا نفتي مع بعض
افترض المساحة 224 متر عشان تبقى سهلة في الحساب
يبقى طول القطعة 16 متر وعرضها 14 متر
يعني تقريبا تطلع 3 باكيات *4 باكيات كل باكية 4.6*4
يبقى حيكون عندك 5 كمرات * 14 متر ، و 4 كمرات * 16 متر
مجموعهم 134 متر
لو افترضنا ان الكمر ارتفاعه 35 سم وعرضه 12 سم يبقى تكعيب الكمرات = 134*0.35*0.12=5.6 متر مكعب
+ 26.4 = 32 متر مكعب تقريبا
نضرب الطول فى العرض فى الارتفاع يدينا المتر المكعب
و لا ايه
اظن التلكفة شاملة المواد والمصنعية لعمل سقف مساحتة 220 متر حوالى 50 الف جنيه
طب ما تكلفة البناء رخيصة أهي
أمال الشقق غاليه ليه
فيها ايه لما الدولة توزع علينا أراضي وإحنا نبنيها
السلام عليكم يا افندم
ارجو من حضرتك المساعده فى حساب ما يلى
اود ان اعرف تكلفة دور على شقتين مساحه الدور 165 م متوسط و اود ان يكون السقف هردى - ان كان احسن - فى العزل و الوزن .
1/ الجسم الخرسانى بالطريقه العاديه - اقصد الونش و الخلاطه اللى قدام العماره
2/ الجسم الخرسانى بالخرسانه الجاهزه.
3/ تكلفه المبانى بالطوب الابيض الرمل - الخفيف و العازل للحراره- .
4/ علما بان المبانى الحاليه ارض و 3 ادوار متكرره.
5/ المطلوب حساب التكلفه مونه و اجره على المستوى الهندسى الصحيح للمقاول و الاستشارى و مهندس الموقع ان وجد.
6/ تكلفه اصدار التراخيص اللازمه لذلك - منطقه النزهه - مصر الجديده
شاكر مجهود حضرتك
يبقى الحسبة كالآتى
تكلفة المتر المكعب خرسانة مسلحة
1- الحديد ( متوسط 100 كجم / م3 ) حوالي 635 جنية
2- الاسمنت ( 7 شكاير /م3 ) 265 جنية
3- الزلط ( 0.8 م3 /م3 ) 60 جنية
4- الرمل 10جنية
5- خراطيم كهرباء وسلك رباط ونثريات 30 جنية
متوسط المصنعيات 200 جنية للمتر المكعب
الاجمالي حوالي 1200 جنية
ماشى كده؟