الموضوع: تغيير مفتاح البوما الاستبن !!

السلام عليكم يا رجالة .. انا معايا المفتاح الاستبن بتاع البوما الى مفهوش ريموت لأنى لما اشترتها الراجل صاحبها كان ضيع المفتاح الأصلى ..
ولأنى حاسس انى كل ما فاتح الباب بتاع العربية ان المفتاح هيتكسر فسألت على الآتى :: هل ممكن اعمل واحد تانى زية من غير ريموت :: والرد انه يتكلف 100 جنيه
ولأنى مش عاوز العب فى كهرباء السيارة والسلوك فا مش عاوز اركب انذار بريموت ..
فسألت هل من الممكن انى اشترى واحد اصلى مستعمل بريموت زى اللى ضاع :: والرد انى ممكن انزل التوفيقية وادى للراجل السيريال بتاع المفتاح أو الكود مش فاكر بالضبط وده هيتكلف على كلام اللى قالى روح هناك :: 300 جنيه ...

السؤال بقه :: انى عاوز اعمل واحد زى بتاع الكيا او الفولكس واجن اللى هو على حسب تسميتهم (مفتاح سوستة) واللى انا بفضل اسميه ( مفتاح طى ) وسألت واحد بتاع مفاتيح وانذار فى ترعة المريوطية جنبى قال روح عند واحد فى شارع الطبعة واشترى واحد وتقريبا هيكلفك :: 180 جنيه وانا هخرطة وهغيرلك الفحمة اللى جوه وشوية كلام كده مش فاهمة .. وهيشتغل تدوير للعربية وكمان بريموت لأنى عندى الجهاز المستقبل اصلا فى العربية ..
ولأنى عارف انكم ذوى الخبرة فحبيت اسأل هل حد جرب يعمل كده ويغير لمفتاح طى ؟؟ ولا اعمل ايه ؟؟

ايه يا جماعة مفيش حد عنده فكرة عن الموضوع ده ولا ايه ؟