السلام عليكم ..
انا معايا بومة 2006 وكنت دايما متعود انى اغير بزيت موبيل xhp اللى عرفت بعدين انه معدنى ومضر والمفروض برده انه بيقعد 5000 بس انا للأسف كنت بغيره على 8000 وبصراحة كان بينزل اسود زفت ... فقررت اخيرا انى اغير لزيت كاسترول ماجنيتيك لشكر الناس فيه فاستريته من بنزينة طاقة ب 195 جنيه ولأنى مبمشيش كتير فجبته على اساس انه بيقعد 10000 كيلو وهو نصف تخليقى بالمناسبة ورحت غيرته فى بنزينة تانية واشتريت فلتر وحطيت الكاسترول بس حسيت ان العربية احتيت من جديد بقت بتجرى وصوتها بقى انعم والسحب بقى اقوى وبصراحة فرحت لأن العربية عاملة 80000 كيلو واثناء ما انا بغير قلت اسأل على مياه الرادياتير فجالى واحد وده فى بنزينة كالتكس فى 6 اكتوبر وشاف الماية وفتح الرادياتير ولاقاه مصدى والماية اسودت لأنى مغيرتهاش من يوم ما اشتريت العربية ومعرفش اذا كان صاحبها غيره قبل كده ولا لأ .... المهم الراجل فضاه وغسل دورة المياة وقالى قدامك اختيارين ::
1-انى احط جركن المياة الخضراء ومياة اللى ب 25 جنيه وده على حسب كلامه مش كويس
2-قالى فى اختيار احسن انى احط كده سائل اخضر لزج مكتوب على العبوة انها مصنوعة فى امريكا ومتجمعة فى مصر وتمنها 20 جنيه للعبوة فقالى احطلك قولتله ماشى هتاخد كام عبوة قالى من 10 الى 11 والمياه دى بتقعد 50000 كيلو من غير ما اقرب جنبها او احط نص كده ونص مياه واغير بعد 25000 قولتله حط 11 عبوة وتوكلنا على الله ودفعت 240 جنيه كله على بعضه بس بصراحة كان الرادياتير مصدى اوى ورجع تانى جديد ..

اللى انا عملته صح ولا غلط ؟؟