طبعا انتوا عارفين ان بعد فترة يمكن اقل من سنة كرسى الصنى بيحصل فيه ايه
ناس كتيؤ بتشتكى من الام الظهر ومن القعدة بتاعت الكرسى
وده ناتج الى نوعية الفوم للكرسى رديئة ومش مخدومة صح سواء الظهر او القعدة بتاعت الكرسى
وكمان الشاسيه الحديد مش كويس .. وحامى الاطراف بتعته وبتاكل فى الفوم .. وطبعا الفوم مش متحمل هو كمان لان كثافته ضعيفة جدا جدا
طبعا انا اخدت اخبرة فى الموضوع ده مع الحاج احمد مشعل لما كنت بروح عنده كتير وبشوفه وهو بيفك الكراسى وبتفرج على الفوم اللى فيها .. وعرفت معاه حل الموضوع ده ازاى .. وايه اللى المصنع فى نيسان مفروض يعمله عشان يتدارك المشكلة دى فى المستقبل .. وباذن الله لو فى تواصل بين نايل موتورز والمصنع حنبقا نبلغهم بيها
الحاج احمد بيلحم القطع وبيغريه وبعد كدا بيلزق عليه قماشة عشان يقفل القطع
ثم بيحط عليه لباد عشان يبقا مريح
شوفوا الخطوات من خلف الظهر .. ومن امام الظهر
وده الجنب التانى بس مفهوش قطع فحط اللباد عليه مرة واحدة
طيب هنا حد يسالنى
طيب ما احنا عالجنا الفوم ومش عالجنا موضوع الشاسيه الحامى اللى عامل زى الموس
هنا بقا عشان الحاج احمد عنده ضمير فى شغله وشغله بيختلف عن اى حد فى المهنة دى
من ناحية الاتقان والضمير فى العمل
الراجل مسكتش وعالج الشاسيه الحامى وبطنه عشان الشاسيه الحديد مبيقاش حامى وياكل فى الفوم تانى وفى العلاج اللى عامله فى الكرسى
شوفوا معايا
ده الظهر بعد ما خلص
وده تركيبه
بيرجع كل حاجة زى ما كانت وافضل
حتى اللى عامل كسوة بيرجعها وبيركبها زى ما كانت على الفرش
نيجى بقا الى قعدة الكرسى
بردوا نفس الخطوات
اى حاجة فيها مقطوعة بسبب الشاسيه وزى ما قولتلكم الفوم كثافته ضعيفة
بيعالج القطع وبعد كدا بيقوى الفوم الضعيف
طيب افرضوا محدش الفوم بتاعته مقطوع مثلا
بردوا بيقويه بدعامات لباد وقماش عشان ميوصلش للحالات دى
لان فى اعضاء كراسيها الفوم بتعها مكنش مقطوع .. بس الفوم كان ضعيف بردوا .. فقوى الفوم من الاطراف فى الاماكن اللى بيدخل فيها الشاسيه الحديد عشان ميحصلش كدا فى المستقبل ونجدلهم الكراسى وخالها مريحة جدا
وخالى بالكم نصيحة محدش يركب كسوة فى اى عربية مش شرط نيسان .. لان الكسوة بتبهدل الفوم بتاعت الكرسى .. خاليكم افضل بكرسى الفبريكة او بفرش تفصيل احسن
لكن كسوة لالالا بتدمر الكرسى والله والاعضاء شافوا بالصور العربيات الاخرى بيحصل فيها ايه بسبب الكسوة
الدعامات دى اللى بتقعد على الشاسية فى الارض
فى النهاية
انا بشكر الحاج احمد مِشعل
على تعبه معانا وعلى اهتمامه بالموضوع ده
وكمان كفاية انه اشتغل بايده وده بيدل على حبه لصقور نيسان
وعلى مدى الدقة والاهتمام بشغله
مع ان شركته فيها 30 عامل وشركة كبيرة جدا
واى عضو حابب يعمل الموضوع ده حيعمله وهو مطمن فى جينز كار
عشان مدى اتقانهم فى عملهم وفى التقفيل والتركيب
وكمان فى ارضاء العميل باى شكل
يكفى ان تنجيد الكرسى اتعمل لكل عضو من اعضاء النايل على مزاجه
بمعنى ان كل واحد عاوز القعدة تكون ازاى ..يعنى حسب وضعية رجله
اذا كان مرتفعة او منخفضة
يعنى الحاج احمد معملش الكل زى بعض
وكمان بشهادة الاعضاء اللى راحوا نجدوا الكراسى فى اماكن اخرى غير جينز كار
الكرسى رجع تانى بعد فترة وهبط
انتظروا صور مضافة بكاميرا محمد حسين
ونصيحة اخيرة
بلاش حد يركب كسوة على كرسى الصنى لانه مش متحمل
خاليكم بفرش الفبريكة افضل من تركيب كسوة
لان الكسوة والله بتبهدل الكرسى
وقريب حعملكم موضوع عن الكسوة وبتعمل ايه
عشان تتاكدوا من الموضوع
عشان محدش يفتكر اننا بنعمل دعاية
لو تلاحظوا فى كلامى
انا بقول الواحد يفضل بفرش الفبريكة افضل من انه يركب كسوة
ومحدش يقولى انا بحافظ على الفرش
لان الفوم الرئيسى للكرسى حقيقى بيتبهدل ياجماعة والله
وكل ده الناس فاكرة بتركيب كسوة ب300 جنيه بتحمى االفرش والكراسى
والحقيقة بيحصل العكس
وقريب حثبتلكم بالصور عشان انتوا مش بتثقوا الا بالصور
تحياتى للجميع
والف مليون مبروك للاعضاء اللى نجدوا كراسيهم واستفادوا بعرض الحاجة احمد